https://arm.sputniknews.ru/20220523/arajika-orerin-hh-adrbejan-sahmanazatman-handznazhvoghvovnery-khandipen-mijpetakan-sahmanin-42343868.html
Առաջիկա օրերին ՀՀ-Ադրբեջան սահմանազատման հանձնաժողովները կհանդիպեն միջպետական սահմանին
Առաջիկա օրերին ՀՀ-Ադրբեջան սահմանազատման հանձնաժողովները կհանդիպեն միջպետական սահմանին
Sputnik Արմենիա
ԵԽ նախագահ Շառլ Միշելը եռակողմ հանդիպումից հետո մանրամասներ է հայտնել: 23.05.2022, Sputnik Արմենիա
2022-05-23T03:26+0400
2022-05-23T03:26+0400
2022-05-23T11:15+0400
հայաստան
ադրբեջան
սահման
շառլ միշել
https://cdn.am.sputniknews.ru/img/07e6/04/06/40634583_0:90:1600:991_1920x0_80_0_0_18b2055cebf06c5145e1f8a86e63fadb.jpg
ԵՐԵՎԱՆ, 23 մայիսի – Sputnik. Առաջիկա օրերին Հայաստան-Ադրբեջան միջպետական սահմանին սպասվում է սահմանային հանձնաժողովների առաջին համատեղ հանդիպումը։ Այս մասին Հայաստանի և Ադրբեջանի ղեկավարների հետ եռակողմ հանդիպումից հետո հայտնեց ԵԽ նախագահ Շառլ Միշելը։Նա մի քանի կետով ներկայացրեց հանդիպման ընթացքում ձեռք բերված պայմանավորվածությունները։ Նախ նշեց, որ սահմանային հանձնաժողովի հանդիպմանը կքննարկվեն սահմանազատմանն ու կայուն իրավիճակի ապահովման հարցերը։ Ըստ Միշելի՝ կողմերը պայմանավորվել են շարունակել աշխատանքները տարածաշրջանային կոմունիկացիաների ապաշրջափակման շուրջ։ Նրանք համաձայնեցրել են արևմտյան Ադրբեջանի ու Նախիջևանի, Ադրբեջանի տարածքով Հայաստանի տարբեր մասերի միջև կոմունիկացիաների, ինչպես նաև երկու երկրի կոմունիկացիոն ենթակառուցվածքների միջոցով միջազգային տրանսպորտի կազմակերպման սկզբունքների շուրջ հարցեր։ Քննարկվել է նաև կողմերի միջև ստորագրվելիք խաղաղության պայմանագիրը։ Միշելի խոսքով՝ պայմանագրի շուրջ գործընթացն առաջիկա շաբաթներին կվարեն երկու երկրի արտգործնախարարների ղեկավարած աշխատանքային խմբերը։ Այս համատեքստում Միշելն ընդգծել է, որ կարևոր է՝ գործընթացի ընթացքում քննարկվեն «Ղարաբաղի էթնիկ հայ բնակչության անվտանգությունն ու իրավունքները»։Մանրամասն քննարկվել են մարդասիրական հարցերը, այդ թվում` ականազերծման և պահվող անձանց ազատ արձակմանն ու անհետ կորածների ճակատագրերը պարզելուն ուղղված ջանքերը:ԵԽ նախագահը հանդիպմանը հատուկ ընդգծել է, որ կողմերը պետք է աշխատեն երկու երկրների բնակիչներին երկարատև կայուն խաղաղության պատրաստելու ուղղությամբ։Միշելը հավելել է, որ կողմերը պայմանավորվել են այս ձևաչափով կրկին հանդիպել հուլիսին կամ օգոստոսին։Միշելը նշել է նաև, որ ԵԽ-ն երկու կողմի հետ համատեղ կշարունակի աշխատանքները Տնտեսական խորհրդատվական խմբի ուղղությամբ, որը նպատակ ունի ապահովել տնտեսական զարգացում ի շահ երկու երկրի և նրանց բնակչության:
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ադրբեջան, սահման, շառլ միշել
հայաստան, ադրբեջան, սահման, շառլ միշել
Առաջիկա օրերին ՀՀ-Ադրբեջան սահմանազատման հանձնաժողովները կհանդիպեն միջպետական սահմանին
03:26 23.05.2022 (Թարմացված է: 11:15 23.05.2022) ԵԽ նախագահ Շառլ Միշելը եռակողմ հանդիպումից հետո մանրամասներ է հայտնել:
ԵՐԵՎԱՆ, 23 մայիսի – Sputnik. Առաջիկա օրերին Հայաստան-Ադրբեջան միջպետական սահմանին սպասվում է սահմանային հանձնաժողովների առաջին համատեղ հանդիպումը։ Այս մասին Հայաստանի և Ադրբեջանի ղեկավարների հետ եռակողմ հանդիպումից հետո հայտնեց ԵԽ նախագահ Շառլ Միշելը։
Նա մի քանի կետով ներկայացրեց հանդիպման ընթացքում ձեռք բերված պայմանավորվածությունները։ Նախ նշեց, որ սահմանային հանձնաժողովի հանդիպմանը կքննարկվեն սահմանազատմանն ու կայուն իրավիճակի ապահովման հարցերը։
Ըստ Միշելի՝ կողմերը պայմանավորվել են շարունակել աշխատանքները տարածաշրջանային կոմունիկացիաների ապաշրջափակման շուրջ։ Նրանք համաձայնեցրել են արևմտյան Ադրբեջանի ու Նախիջևանի, Ադրբեջանի տարածքով Հայաստանի տարբեր մասերի միջև կոմունիկացիաների, ինչպես նաև երկու երկրի կոմունիկացիոն ենթակառուցվածքների միջոցով միջազգային տրանսպորտի կազմակերպման սկզբունքների շուրջ հարցեր։
Մասնավորապես, Միշելի խոսքով, Փաշինյանն ու Ալիևը համաձայնության են եկել սահմանային կառավարման սկզբունքների, անվտանգության, տարածքային տուրքերի, ինչպես նաև միջազգային տրանսպորտի համատեքստում մաքսային վճարների սկզբունքների շուրջ։ Առաջիկա օրերին այս հարցով նույնպես Հայաստանի ու Ադրբեջանի փոխվարչապետերը կշարունակեն գործընթացը։
Քննարկվել է նաև կողմերի միջև ստորագրվելիք խաղաղության պայմանագիրը։ Միշելի խոսքով՝ պայմանագրի շուրջ գործընթացն առաջիկա շաբաթներին կվարեն երկու երկրի արտգործնախարարների ղեկավարած աշխատանքային խմբերը։ Այս համատեքստում Միշելն ընդգծել է, որ կարևոր է՝ գործընթացի ընթացքում քննարկվեն «Ղարաբաղի էթնիկ հայ բնակչության անվտանգությունն ու իրավունքները»։
Մանրամասն քննարկվել են մարդասիրական հարցերը, այդ թվում` ականազերծման և պահվող անձանց ազատ արձակմանն ու անհետ կորածների ճակատագրերը պարզելուն ուղղված ջանքերը:
ԵԽ նախագահը հանդիպմանը հատուկ ընդգծել է, որ կողմերը պետք է աշխատեն երկու երկրների բնակիչներին երկարատև կայուն խաղաղության պատրաստելու ուղղությամբ։
Միշելը հավելել է, որ կողմերը պայմանավորվել են այս ձևաչափով կրկին հանդիպել հուլիսին կամ օգոստոսին։
Միշելը նշել է նաև, որ ԵԽ-ն երկու կողմի հետ համատեղ կշարունակի աշխատանքները Տնտեսական խորհրդատվական խմբի ուղղությամբ, որը նպատակ ունի ապահովել տնտեսական զարգացում ի շահ երկու երկրի և նրանց բնակչության:
