https://arm.sputniknews.ru/20220521/nujnisk-paterazmic-hetvo-zbvosashrjajin-ynkerutjunnery-hetaqrqrvats-en-arcakhvov-42319232.html
Նույնիսկ պատերազմից հետո զբոսաշրջային ընկերությունները հետաքրքրված են Արցախով
Նույնիսկ պատերազմից հետո զբոսաշրջային ընկերությունները հետաքրքրված են Արցախով
Sputnik Արմենիա
«Վիզիթ Արմենիա» ընկերության հիմնադիր, տուրիզմի փորձագետ Վլադիմիր Գևորգյանը Sputnik Արմենիայի եթերում անդրադարձել է Հայաստանի զբոսաշրջային նոր բրենդին և դեպի... 21.05.2022, Sputnik Արմենիա
2022-05-21T19:11+0400
2022-05-21T19:11+0400
2022-05-21T19:59+0400
ռադիո
պոդկաստ
զբոսաշրջություն
արցախ
հայաստան
ադրբեջան
https://cdn.am.sputniknews.ru/img/07e6/05/15/42317254_0:0:1600:901_1920x0_80_0_0_e894cf1fe4c16b008261565492111937.jpg
Գևորգյան. Նույնիսկ պատերազմից հետո զբոսաշրջային ընկերությունները հետաքրքրված են Արցախով
Sputnik Արմենիա
Գևորգյան. Նույնիսկ պատերազմից հետո զբոսաշրջային ընկերությունները հետաքրքրված են Արցախով
Այն երկրները, որոնք հայտ են ներկայացնում միջազգային զբոսաշրջային քարտեզում իրենց տեղն ունենալու համար, պետք է նաև «փաթեթավորված» լինեն, այսինքն` ունենան իրենց բրենդը, ուստի ՀՀ էկոնոմիկայի նախարարության նախաձեռնությունը շատ տեղին է։ Sputnik Արմենիայի հետ զրույցում այս մասին ասաց տուրիզմի փորձագետ Վլադիմիր Գևորգյանը։Նշենք, որ ՀՀ էկոնոմիկայի նախարարության զբոսաշրջության կոմիտեն ներկայացրել է Հայաստանի զբոսաշրջային նոր բրենդը, որը մարմնավորում է Հայաստանի հնագույն ժառանգությունը, անապակ բնությունը և ժայռոտ բնապատկերները, ինչպես նաև երկրի հյուրընկալությունը, հարուստ խոհանոցային մշակույթը և այդ ամենի հասանելիությունը այցելուների համար։ Բրենդի նոր կարգախոսն է` «Հայաստան. թաքնված ուղի» («Armenia, The Hidden Track»)։Նրա կարծիքով` պետք է ակտիվ մարկետինգային արշավների միջոցով բարձրացնել Հայաստանի տեղն ու դիրքը աշխարհի զբոսաշրջային քարտեզում, որպեսզի դրա շնորհիվ ապահովվի զբոսաշրջիկների հոսքի ավելացումը դեպի Հայաստան, հակառակ պարագայում ստիպված կլինենք բավարարվել զբոսաշրջիկների այն քանակով, որն ունենք մինչ այժմ։Անդրադառնալով հարցին, որ Հայաստանը զբոսաշրջային առումով շատերի կողմից ընկալվել է Արցախի հետ միասին, բայց 44-օրյա պատերազմից հետո տուրերի կազմակերպման առումով առկա է նոր իրավիճակ, Գևորգյանն ընդգծեց, որ նախկինում գրեթե բոլոր տուրերում ներառվում էր նաև արցախյան ուղղությունը` չնայած այն բանին, որ միջազգային ցուցահանդեսների ժամանակ միշտ եղել են բախումներ ադրբեջանական կողմի հետ, և երբեմն բանը հասել է նույնիսկ ձեռնամարտի։Գևորգյանի փոխանցմամբ` իրենց գործընկեր զբոսաշրջային ընկերությունները նույնիսկ 44-օրյա պատերազմից հետո հետաքրքրություն են ցուցաբերում Արցախի նկատմամբ, ցանկանում են իրենց զբոսաշրջիկներին ուղարկել դեպի Արցախ, ուստի, տուրերն ուժի մեջ են և, օրինակ, մեկ շաբաթ առաջ ռուսական մի կազմակերպությունից ստացվել էր հարցում, ինչը բավարարվեց ու կազմակերպվեց ռուս զբոսաշրջիկների այց դեպի Արցախ։Ռուսական խաղաղապահ զորախմբի զինծառայողները Դադիվանք են այցելելԱյստեղ շատ կարևոր է նաև այն հանգամանքը, որ Արցախում կան ռուս խաղաղապահներ, որոնք անվտանգության երաշխավորն են և հաճախ ուղեկցում են ուխտավորներին ու զբոսաշրջրկներին իրենց նախընտրած վայրերը։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պոդկաստ, аудио, զբոսաշրջություն , արցախ, հայաստան, ադրբեջան
պոդկաստ, аудио, զբոսաշրջություն , արցախ, հայաստան, ադրբեջան
Նույնիսկ պատերազմից հետո զբոսաշրջային ընկերությունները հետաքրքրված են Արցախով
19:11 21.05.2022 (Թարմացված է: 19:59 21.05.2022) «Վիզիթ Արմենիա» ընկերության հիմնադիր, տուրիզմի փորձագետ Վլադիմիր Գևորգյանը Sputnik Արմենիայի եթերում անդրադարձել է Հայաստանի զբոսաշրջային նոր բրենդին և դեպի Արցախ կազմակերպվող շրջայցերի հեռանկարին։
Այն երկրները, որոնք հայտ են ներկայացնում միջազգային զբոսաշրջային քարտեզում իրենց տեղն ունենալու համար, պետք է նաև «փաթեթավորված» լինեն, այսինքն` ունենան իրենց բրենդը, ուստի ՀՀ էկոնոմիկայի նախարարության նախաձեռնությունը շատ տեղին է։
Sputnik Արմենիայի հետ զրույցում այս մասին ասաց տուրիզմի փորձագետ Վլադիմիր Գևորգյանը։
Նշենք, որ ՀՀ էկոնոմիկայի նախարարության զբոսաշրջության կոմիտեն ներկայացրել է Հայաստանի զբոսաշրջային նոր բրենդը, որը մարմնավորում է Հայաստանի հնագույն ժառանգությունը, անապակ բնությունը և ժայռոտ բնապատկերները, ինչպես նաև երկրի հյուրընկալությունը, հարուստ խոհանոցային մշակույթը և այդ ամենի հասանելիությունը այցելուների համար։ Բրենդի նոր կարգախոսն է` «Հայաստան. թաքնված ուղի» («Armenia, The Hidden Track»)։
«Հայաստանն իսկապես թաքնված երկիր է։ Երբեմն միջազգային ցուցահանդեսների ժամանակ մեզ մոտենում են զբոսաշրջիկներ կամ կազմակերպությունների ներկայացուցիչներ, ովքեր նույնիսկ չգիտեն մեր կրոնական պատկանելությունը և տեղյակ չեն, որ Հայաստանը քրիստոնեությունը որպես պետական կրոն ընդունած առաջին պետությունն է։ Այս փոքր դրվագն անգամ վկայում է, որ մենք ներկայացված լինելու խնդիր ունենք և դեռ ասելիք ունենք մեր մասին»,- ասաց տուրիզմի փորձագետը։
Նրա կարծիքով` պետք է ակտիվ մարկետինգային արշավների միջոցով բարձրացնել Հայաստանի տեղն ու դիրքը աշխարհի զբոսաշրջային քարտեզում, որպեսզի դրա շնորհիվ ապահովվի զբոսաշրջիկների հոսքի ավելացումը դեպի Հայաստան, հակառակ պարագայում ստիպված կլինենք բավարարվել զբոսաշրջիկների այն քանակով, որն ունենք մինչ այժմ։
Անդրադառնալով հարցին, որ
Հայաստանը զբոսաշրջային առումով շատերի կողմից ընկալվել է Արցախի հետ միասին, բայց 44-օրյա պատերազմից հետո տուրերի կազմակերպման առումով առկա է նոր իրավիճակ, Գևորգյանն ընդգծեց, որ նախկինում գրեթե բոլոր տուրերում ներառվում էր նաև արցախյան ուղղությունը` չնայած այն բանին, որ միջազգային ցուցահանդեսների ժամանակ միշտ եղել են բախումներ ադրբեջանական կողմի հետ, և երբեմն բանը հասել է նույնիսկ ձեռնամարտի։
«Ադրբեջանցիները սովորաբար գալիս էին ու շրջապատում մեր տաղավարները, պահանջում, որ հրաժարվենք դեպի Արցախ կազմակերպվող տուրերից, սակայն մենք, բնականաբար, ընդդիմանում էինք և ավելի շատացնում դեպի Արցախ նախատեսված տուրերի քանակը։ Նույնիսկ մի տարի Մոսկվայում կայացած միջազգային զբոսաշրջային ցուցահանդեսի ժամանակ Արցախի զբոսաշրջության նախարարության պատվիրակությունը մեզ հետ կանգնած էր նույն տաղավարում»,- նշեց տուրիզմի փորձագետը։
Գևորգյանի փոխանցմամբ` իրենց գործընկեր զբոսաշրջային ընկերությունները նույնիսկ 44-օրյա պատերազմից հետո հետաքրքրություն են ցուցաբերում Արցախի նկատմամբ, ցանկանում են իրենց զբոսաշրջիկներին ուղարկել դեպի Արցախ, ուստի, տուրերն ուժի մեջ են և, օրինակ, մեկ շաբաթ առաջ ռուսական մի կազմակերպությունից ստացվել էր հարցում, ինչը բավարարվեց ու կազմակերպվեց ռուս զբոսաշրջիկների այց դեպի Արցախ։
Այստեղ շատ կարևոր է նաև այն հանգամանքը, որ Արցախում կան ռուս խաղաղապահներ, որոնք անվտանգության երաշխավորն են և հաճախ ուղեկցում են ուխտավորներին ու զբոսաշրջրկներին իրենց նախընտրած վայրերը։
