https://arm.sputniknews.ru/20220520/nerdrvats-sahmanapakumnern-irenc-artacvolumn-en-gtel-hh-tntesutjan-mej-pvokhvarchapet-42299682.html
Ներդրված սահմանափակումներն իրենց արտացոլումն են գտել ՀՀ տնտեսության մեջ. փոխվարչապետ
Ներդրված սահմանափակումներն իրենց արտացոլումն են գտել ՀՀ տնտեսության մեջ. փոխվարչապետ
Sputnik Արմենիա
Մհեր Գրիգորյանի խոսքով` Ռուսաստանը Հայաստանի հիմնական առևտրատնտեսական գործընկերն է և առաջին տեղում է և՛ արտահանման, և՛ ներմուծման ծավալներով։ Ռուսական... 20.05.2022, Sputnik Արմենիա
2022-05-20T19:51+0400
2022-05-20T19:51+0400
2022-05-20T19:51+0400
մհեր գրիգորյան
անկախ պետությունների համագործակցություն (ապհ)
տնտեսություն
https://cdn.am.sputniknews.ru/img/07e6/03/18/40115815_0:0:1600:900_1920x0_80_0_0_295a98b0a15d620cd835b5d066d5b37a.jpg
ԵՐԵՎԱՆ, 20 մայիսի – Sputnik. ՀՀ փոխվարչապետ Մհեր Գրիգորյանը տեսակապով մասնակցել է ԱՊՀ մասնակից պետությունների կառավարությունների ղեկավարների խորհրդի նիստին։ Տեղեկությունը հայտնում են ՀՀ կառավարության մամուլի ծառայությունից։Գրիգորյանը նշել է, որ հանդիպումը տեղի է ունենում համաշխարհային տնտեսական վերափոխումների և ֆինանսական համակարգերի զգալի ցնցումների համատեքստում, որոնք չեն կարող չազդել ԱՊՀ տարածքում տնտեսական կայունության և պետությունների ֆինանսական բարեկեցության վրա։Նրա խոսքով` հայկական կողմը քաջ ծանոթ է շրջափակման քաղաքականության հետևանքներին։«Հայաստանի և ԱՊՀ երկրների տնտեսությունները սերտորեն փոխկապակցված են։ Ռուսաստանը Հայաստանի հիմնական առևտրատնտեսական գործընկերն է և առաջին տեղում է և՛ արտահանման, և՛ ներմուծման ծավալներով։ Ռուսական ներդրումներն ընդհանուր առմամբ խոշորագույնն են մեր երկրում։ Ակնհայտ է, որ ներդրված տնտեսական հատուկ ռեժիմներն իրենց արտացոլումն են գտել նաև Հայաստանի տնտեսության մեջ։ Սահմանափակող միջոցների ներդրումն արդեն իսկ զգալիորեն ազդում է մեր տարածաշրջանի ֆինանսական շուկաների վրա։ Զգացվում է նաև բացասական ազդեցություն արտահանման վրա և մասնավոր տրանսֆերտների հոսքի կրճատում»,–նշել է Գրիգորյանը։Արևմուտքը փորձում է խափանել ինտեգրացիոն գործընթացներն ԱՊՀ-ում. ՌԴ ԱԳՆ ներկայացուցիչՆրա խոսքով` նման իրավիճակում պետք է մտածել նաև նոր հնարավորությունների մասին։ Միաժամանակ անհրաժեշտ է ծայրահեղությունների մեջ չընկնել և խուսափել այնպիսի գործողություններից, որոնք կարող են հանգեցնել տնտեսությունների մեկուսացմանը համաշխարհային գործընթացներից։Անդրադառնալով «ԱՊՀ մասնակից պետությունների միասնական գիտատեխնոլոգիական տարածքի ստեղծման մասին համաձայնագրում փոփոխություններ կատարելու մասին» արձանագրության ստորագրմանը, Գրիգորյանը վստահություն է հայտնել, որ այն փոխգործակցության նոր հնարավորություններ կստեղծի:Նա նաև շեշտել է, որ հայկական կողմը աջակցում է խաղողագործության և գինեգործության հետագա զարգացման համար համագործակցության հայեցակարգի ընդունմանը, որն ուղղված է ներդրումային միջավայրի և բարենպաստ պայմանների ստեղծմանը։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մհեր գրիգորյան, անկախ պետությունների համագործակցություն (ապհ), տնտեսություն
մհեր գրիգորյան, անկախ պետությունների համագործակցություն (ապհ), տնտեսություն
Ներդրված սահմանափակումներն իրենց արտացոլումն են գտել ՀՀ տնտեսության մեջ. փոխվարչապետ
Մհեր Գրիգորյանի խոսքով` Ռուսաստանը Հայաստանի հիմնական առևտրատնտեսական գործընկերն է և առաջին տեղում է և՛ արտահանման, և՛ ներմուծման ծավալներով։ Ռուսական ներդրումներն ընդհանուր առմամբ խոշորագույնն են ՀՀ–ում։
ԵՐԵՎԱՆ, 20 մայիսի – Sputnik. ՀՀ փոխվարչապետ Մհեր Գրիգորյանը տեսակապով մասնակցել է ԱՊՀ մասնակից պետությունների կառավարությունների ղեկավարների խորհրդի նիստին։ Տեղեկությունը հայտնում են
ՀՀ կառավարության մամուլի ծառայությունից։ Գրիգորյանը նշել է, որ հանդիպումը տեղի է ունենում համաշխարհային տնտեսական վերափոխումների և ֆինանսական համակարգերի զգալի ցնցումների համատեքստում, որոնք չեն կարող չազդել ԱՊՀ տարածքում տնտեսական կայունության և պետությունների ֆինանսական բարեկեցության վրա։
Նրա խոսքով` հայկական կողմը քաջ ծանոթ է շրջափակման քաղաքականության հետևանքներին։
«Հայաստանի և ԱՊՀ երկրների տնտեսությունները սերտորեն փոխկապակցված են։ Ռուսաստանը Հայաստանի հիմնական առևտրատնտեսական գործընկերն է և առաջին տեղում է և՛ արտահանման, և՛ ներմուծման ծավալներով։ Ռուսական ներդրումներն ընդհանուր առմամբ խոշորագույնն են մեր երկրում։ Ակնհայտ է, որ ներդրված տնտեսական հատուկ ռեժիմներն իրենց արտացոլումն են գտել նաև Հայաստանի տնտեսության մեջ։ Սահմանափակող միջոցների ներդրումն արդեն իսկ զգալիորեն ազդում է մեր տարածաշրջանի ֆինանսական շուկաների վրա։ Զգացվում է նաև բացասական ազդեցություն արտահանման վրա և մասնավոր տրանսֆերտների հոսքի կրճատում»,–նշել է Գրիգորյանը։
Նրա խոսքով` նման իրավիճակում պետք է մտածել նաև նոր հնարավորությունների մասին։ Միաժամանակ անհրաժեշտ է ծայրահեղությունների մեջ չընկնել և խուսափել այնպիսի գործողություններից, որոնք կարող են հանգեցնել տնտեսությունների մեկուսացմանը համաշխարհային գործընթացներից։
Անդրադառնալով «ԱՊՀ մասնակից պետությունների միասնական գիտատեխնոլոգիական տարածքի ստեղծման մասին համաձայնագրում փոփոխություններ կատարելու մասին» արձանագրության ստորագրմանը, Գրիգորյանը վստահություն է հայտնել, որ այն փոխգործակցության նոր հնարավորություններ կստեղծի:
Նա նաև շեշտել է, որ հայկական կողմը աջակցում է խաղողագործության և գինեգործության հետագա զարգացման համար համագործակցության հայեցակարգի ընդունմանը, որն ուղղված է ներդրումային միջավայրի և բարենպաստ պայմանների ստեղծմանը։
