https://arm.sputniknews.ru/20220520/inch-karvogh-en-tal-pashinjani-ev-artakhvorhrdaranakanneri-handipumnery-qaghaqageti-ditarkumy-42293893.html
Ի՞նչ կարող են տալ Փաշինյանի և արտախորհրդարանականների հանդիպումները. քաղաքագետի դիտարկումը
Ի՞նչ կարող են տալ Փաշինյանի և արտախորհրդարանականների հանդիպումները. քաղաքագետի դիտարկումը
Sputnik Արմենիա
Քաղաքագետ Սուրեն Սուրենյանցը Sputnik Արմենիայի եթերում անդրադարձել է արտախորհրդարանական քաղաքական ուժերի հետ ՀՀ վարչապետ Նիկոլ Փաշինյանի հերթական հանդիպմանը։ 20.05.2022, Sputnik Արմենիա
2022-05-20T23:03+0400
2022-05-20T23:03+0400
2022-05-20T23:12+0400
ռադիո
նիկոլ փաշինյան
կուսակցություն
հանդիպում
պոդկաստ
վարչապետ
https://cdn.am.sputniknews.ru/img/07e6/05/14/42297019_0:47:1600:947_1920x0_80_0_0_a99cd2fcd13f0b288bd2918548c67774.jpg
Սուրենյանց. Փաշինյանն ու արտախորհրդարանական ուժերն իրար փոխանցելու առանձնապես բան չունեն
Sputnik Արմենիա
Սուրենյանց. Փաշինյանն ու արտախորհրդարանական ուժերն իրար փոխանցելու առանձնապես բան չունեն
Արտախորհրդարանական ուժերի և ՀՀ վարչապետ Նիկոլ Փաշինյանի միջև որոշակի պարբերականությամբ կազմակերպվում են հանդիպումներ, բայց այդ ինստիտուտն արդյունավետ չի գործում և առհասարակ Սահմանադրությամբ չնախատեսված որևէ մեխանիզմ արդյունավետ չէ, առավել ևս, որ Փաշինյանն ու այդ կուսակցություններն իրար փոխանցելու առանձնապես բան չունեն։ Sputnik Արմենիայի հետ զրույցում նման տեսակետ հայտնեց քաղաքագետ Սուրեն Սուրենյանցը։Սուրենյանցի կարծիքով` թեև այդտեղ կան արժեքներ կրող, հետաքրքիր գաղափարներ ունեցող մարդիկ, այդուհանդերձ, այդ ձևաչափը չի կարող մեր ներքին լսարանին կամ առավել ևս միջազգային գործընկերներին որևէ կերպ հետաքրքրել։Ըստ նրա` ինչ–որ հարցերում տարբեր ուժերի և իշխանության դիրքորոշումները կարող են համընկնել, սակայն այդ հանգամանքը նման կերպ ցույց չեն տալիս. կուսակցությունների դրսևորոման դաշտն ընտրություններն են, և եթե չի հաջողվել ԱԺ անցնել, ապա գործունեության համար կան բազմաթիվ այլ հարթակներ, մինչդեռ արհեստական արժևորումն, ըստ Սուրենյանցի, հասկանալի չէ։Հիշեցնենք, որ երեկ ՀՀ վարչապետ Նիկոլ Փաշինյանը կառավարությունում հանդիպել է արտախորհրդարանական քաղաքական ուժերի հետ համագործակցության խորհրդակցական ժողովի մասնակիցներին, սակայն մասնակիցների կազմն ամբողջական չի եղել։Տարբեր պատճառներով հանդիպմանը ներկա չէին Պահպանողական կուսակցության նախագահ Միքայել Հայրապետյանը, «Ուժը հայրենյաց» կուսակցության նախագահ Տիգրան Արզաքանցյանը, «Արդար Հայաստան» կուսակցության առաջնորդ Նորայր Նորիկյանը:Պայմանավորվածության համաձայն` բացի յուրաքանչյուր ամիս անցկացվող խորհրդակցական ժողովի նիստերից, նման հանդիպումները ևս կկրեն պարբերական բնույթ:Փաշինյանը հանդիպել է արտախորհրդարանական քաղաքական ուժերի հետ
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, կուսակցություն, հանդիպում, պոդկաստ, վարչապետ, аудио
նիկոլ փաշինյան, կուսակցություն, հանդիպում, պոդկաստ, վարչապետ, аудио
Ի՞նչ կարող են տալ Փաշինյանի և արտախորհրդարանականների հանդիպումները. քաղաքագետի դիտարկումը
23:03 20.05.2022 (Թարմացված է: 23:12 20.05.2022) Քաղաքագետ Սուրեն Սուրենյանցը Sputnik Արմենիայի եթերում անդրադարձել է արտախորհրդարանական քաղաքական ուժերի հետ ՀՀ վարչապետ Նիկոլ Փաշինյանի հերթական հանդիպմանը։
Արտախորհրդարանական ուժերի և ՀՀ վարչապետ Նիկոլ Փաշինյանի միջև որոշակի պարբերականությամբ կազմակերպվում են հանդիպումներ, բայց այդ ինստիտուտն արդյունավետ չի գործում և առհասարակ Սահմանադրությամբ չնախատեսված որևէ մեխանիզմ արդյունավետ չէ, առավել ևս, որ Փաշինյանն ու այդ կուսակցություններն իրար փոխանցելու առանձնապես բան չունեն։
Sputnik Արմենիայի հետ զրույցում նման տեսակետ հայտնեց քաղաքագետ Սուրեն Սուրենյանցը։
«Խորհրդարանական ուժերի հարաբերությունների ճշգրտման վայրը Ազգային ժողովն է, որից դուրս վարչապետն իհարկե կարող է տարբեր կուսակցությունների հետ պարբերաբար հանդիպել, բայց պարտադիր չէ դրա համար ստեղծել հատուկ ձևաչափ, ինչ–որ ժամանակացույցով պարբերաբար հանդիպել։ Դա կարող է լինել ըստ անհրաժեշտության։ Ենթադրենք` որևէ կուսակցություն ունի ծրագիր, որն առնչվում է կառավարության գործունեությանը, հետևաբար, այդ դեպքում կարող է կայանալ կոնկրետ հանդիպում, սակայն իրար հետ կապ չունեցող, ընդհանուր արժեքներ և օրակարգ չունեցող 10 կուսակցություններին մի տեղ հավաքելու և նրանց հետ հանդիպելու անհրաժեշտություն չկա»,– ասաց քաղաքագետը։
Սուրենյանցի կարծիքով` թեև այդտեղ կան արժեքներ կրող, հետաքրքիր գաղափարներ ունեցող մարդիկ, այդուհանդերձ, այդ ձևաչափը չի կարող մեր ներքին լսարանին կամ առավել ևս միջազգային գործընկերներին որևէ կերպ հետաքրքրել։
Ըստ նրա` ինչ–որ հարցերում տարբեր ուժերի և իշխանության դիրքորոշումները կարող են համընկնել, սակայն այդ հանգամանքը նման կերպ ցույց չեն տալիս. կուսակցությունների դրսևորոման դաշտն ընտրություններն են, և եթե չի հաջողվել ԱԺ անցնել, ապա գործունեության համար կան բազմաթիվ այլ հարթակներ, մինչդեռ արհեստական արժևորումն, ըստ Սուրենյանցի, հասկանալի չէ։
Հիշեցնենք, որ երեկ ՀՀ վարչապետ Նիկոլ Փաշինյանը կառավարությունում
հանդիպել է արտախորհրդարանական քաղաքական ուժերի հետ համագործակցության խորհրդակցական ժողովի մասնակիցներին, սակայն մասնակիցների կազմն ամբողջական չի եղել։
Տարբեր պատճառներով հանդիպմանը ներկա չէին Պահպանողական կուսակցության նախագահ Միքայել Հայրապետյանը, «Ուժը հայրենյաց» կուսակցության նախագահ Տիգրան Արզաքանցյանը, «Արդար Հայաստան» կուսակցության առաջնորդ Նորայր Նորիկյանը:
Պայմանավորվածության համաձայն` բացի յուրաքանչյուր ամիս անցկացվող խորհրդակցական ժողովի նիստերից, նման հանդիպումները ևս կկրեն պարբերական բնույթ:
