https://arm.sputniknews.ru/20220518/hnaravvor-e-nato-n-chkatari-turqiaji-pahanjnery-pataskhanum-e-pvoghvosjany-42211974.html
Հնարավո՞ր է՝ ՆԱՏՕ-ն չկատարի Թուրքիայի պահանջները. պատասխանում է Պողոսյանը
Հնարավո՞ր է՝ ՆԱՏՕ-ն չկատարի Թուրքիայի պահանջները. պատասխանում է Պողոսյանը
Sputnik Արմենիա
Քաղաքական և տնտեսական ռազմավարական հետազոտությունների կենտրոնի տնօրեն, քաղաքագետ Բենիամին Պողոսյանը Sputnik Արմենիայի եթերում մեկնաբանել է ՆԱՏՕ-ին ներկայացված... 18.05.2022, Sputnik Արմենիա
2022-05-18T20:39+0400
2022-05-18T20:39+0400
2022-05-18T21:16+0400
ռադիո
թուրքիա
նատօ
պոդկաստ
բենիամին պողոսյան
https://cdn.am.sputniknews.ru/img/07e6/05/12/42211496_0:103:1600:1003_1920x0_80_0_0_ef321664301a42fe6b7a3d6144f597dd.jpg
Հնարավո՞ր է՝ ՆԱՏՕ-ն չկատարի Թուրքիայի պահանջները. պատասխանում է Պողոսյանը
Sputnik Արմենիա
Հնարավո՞ր է՝ ՆԱՏՕ-ն չկատարի Թուրքիայի պահանջները. պատասխանում է Պողոսյանը
Եթե Շվեդիան ու Ֆինլանդիան մինչև 2022թ․ հունիսի վերջ չանդամակցեն ՆԱՏՕ-ին, դա կլինի այդ կառույցի հրապարակային նվաստացումը։ Sputnik Արմենիայի եթերում այս տեսակետը հայտնեց քաղաքագետ Բենիամին Պողոսյանը` մեկնաբանելով Շվեդիայի ու Ֆինլանդիայի անդամակցության դիմաց Թուրքիայի ներկայացրած պահանջները։Մյուս կողմից, նրա խոսքով, Թուրքիայի նախագահ Ռեջեփ Թայիփ Էրդողանն էլ դրա դիմաց ինչ-որ բան պետք է ստանա, այլապես նրա վարկանիշը կտրուկ կնվազի, ինչը 2023թ․ ընտրություններին իրեն պետք չէ։2022թ․ հունիսի վերջին սպասվում է ՆԱՏՕ-ի գագաթնաժողովը, ու, ըստ քաղաքագետի, ՆԱՏՕ-ի ծանրքաշային ուժերը փորձում են ամեն ինչ անել, որ մինչև այդ օրը սկանդինավյան երկու երկրներն անդամակցեն ՆԱՏՕ-ին։ Եթե սա ձախողվի, Պողոսյանի կարծիքով, ոչ միայն ՆԱՏՕ-ի նվաստացում կլինի, այլև աշխարհը կհամոզվի, որ մի քանի տարի առաջ Ֆրանսիայի նախագահ Էմանուել Մակրոնի հայտարարությունը, թե ՆԱՏՕ-ի ուղեղն արդեն մեռած է, ինչ-որ չափով իրական է։Այս դեպքում, նրա խոսքով, Թուրքիան հնարավորություն կունենա ասելու՝ արևմտյան ճնշումներին դիմադրել է և ամբողջ ՆԱՏՕ-ին հարկադրել է ինչ-ինչ պահանջներ բավարարել, քանի որ Էրդողանին դա պետք է 2023թ․ ընտրությունների համատեքստում․ նա այժմ հանդես է գալիս հակաիմպերիալիստական կոչերով ու լոզունգներով, իսկ սա հնարավորություն կլինի «ապացուցելու», որ նա իսկապես պայքարում է գերտերությունների դեմ։Անդրադառնալով Թուրքիայի պահանջներին, քաղաքագետն ընդգծեց, որ այս ամբողջ պատմությունը նախ սկսվել է Շվեդիայի ու Ֆինլանդիայի՝ քրդական ինչ-որ կազմակերպությունների հանդեպ վերաբերմունքից։ Քրդերի մասին պահանջից զատ, մյուս կետերը, Պողոսյանի կարծիքով, հնարավոր է՝ Թուրքիայի համար ոչ այնքան սկզբունքային լինեն։ Օրինակ՝ F-35 կործանիչների դեպքում գուցե նրան ձեռնտու է դուրս մնալ ծրագրից ու ստեղծել իր սեփական կործանիչը՝ ցույց տալով, որ ԱՄՆ-ից կախված չէ։Հարցին, թե հնարավո՞ր է արդյոք, որ Թուրքիայի որևէ պահանջ չկատարվի, քաղաքագետը պատասխանեց` բարդ է ասել։ՆԱՏՕ է ուզում մտնել Ֆինլանդիան, որը ժամանակին Ռուսաստանի մաս էրԱմենաքիչ հավանական սցենարը, ըստ Պողոսյանի, Թուրքիայի հեռացումն է ՆԱՏՕ-ից, որովհետև նախ՝ քաղաքագետը վստահ չէ, որ կառույցից հեռացման ինչ-ինչ ընթացակարգ կա, երկրորդ՝ այդ սցենարի հավանականությունը 0-ին մոտ է։ Իրավիճակի այդպիսի զարգացում կարող է լինել, եթե, օրինակ, ԱՄՆ-ն ու Մեծ Բրիտանիան Թուրքիային ասեն, որ ոչինչ չեն զիջելու, բոլորին ցույց տան, որ Թուրքիան իրենց ձեռքի խաղալիքն է, Էրդողանն էլ ասի՝ ուրեմն Շվեդիան ու Ֆինլանդիան էլ չեն դառնա ՆԱՏՕ-ի անդամ, այսինքն` գնա վաբանկ։«Այդ դեպքում հնարավոր է ամեն ինչ, այդ թվում՝ կա՛մ Թուրքիան ինքը դուրս գա, կա՛մ իրեն հեռացնեն։ Դրա հավանականությունը գնահատում եմ 0-ին մոտ, թեև ինչպես ասում են, երբեք մի՛ ասա «երբեք»»,- հավելեց Պողոսյանը։Հիշեցնենք, որ միջազգային Financial Times պարբերականի տվյալներով՝ Թուրքիան արգելափակել է Ֆինլանդիայի և Շվեդիայի` ՆԱՏՕ-ին անդամակցելու հայտերի քննարկումը։Ավելի վաղ Bloomberg-ը հայտնել էր, որ Շվեդիայի և Ֆինլանդիայի հայտերի վերաբերյալ դրական եզրակացության դիմաց Թուրքիան պնդում է, որ վերադառնա F-35-ի օդաչուների պատրաստման ծրագրին, իսկ ռուսական C-400-ի ձեռքբերման պատժամիջոցների սահմանափակումները չեղյալ հայտարարվեն։
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
թուրքիա, նատօ, պոդկաստ, բենիամին պողոսյան, аудио
թուրքիա, նատօ, պոդկաստ, բենիամին պողոսյան, аудио
Հնարավո՞ր է՝ ՆԱՏՕ-ն չկատարի Թուրքիայի պահանջները. պատասխանում է Պողոսյանը
20:39 18.05.2022 (Թարմացված է: 21:16 18.05.2022) Քաղաքական և տնտեսական ռազմավարական հետազոտությունների կենտրոնի տնօրեն, քաղաքագետ Բենիամին Պողոսյանը Sputnik Արմենիայի եթերում մեկնաբանել է ՆԱՏՕ-ին ներկայացված թուրքական պահանջները։
Եթե Շվեդիան ու Ֆինլանդիան մինչև 2022թ․ հունիսի վերջ չանդամակցեն ՆԱՏՕ-ին, դա կլինի այդ կառույցի հրապարակային նվաստացումը։
Sputnik Արմենիայի եթերում այս տեսակետը հայտնեց քաղաքագետ Բենիամին Պողոսյանը` մեկնաբանելով Շվեդիայի ու Ֆինլանդիայի անդամակցության դիմաց Թուրքիայի ներկայացրած պահանջները։
Մյուս կողմից, նրա խոսքով, Թուրքիայի նախագահ Ռեջեփ Թայիփ Էրդողանն էլ դրա դիմաց ինչ-որ բան պետք է ստանա, այլապես նրա վարկանիշը կտրուկ կնվազի, ինչը 2023թ․ ընտրություններին իրեն պետք չէ։
2022թ․ հունիսի վերջին սպասվում է ՆԱՏՕ-ի գագաթնաժողովը, ու, ըստ քաղաքագետի, ՆԱՏՕ-ի ծանրքաշային ուժերը փորձում են ամեն ինչ անել, որ մինչև այդ օրը սկանդինավյան երկու երկրներն անդամակցեն ՆԱՏՕ-ին։ Եթե սա ձախողվի, Պողոսյանի կարծիքով, ոչ միայն ՆԱՏՕ-ի նվաստացում կլինի, այլև աշխարհը կհամոզվի, որ մի քանի տարի առաջ Ֆրանսիայի նախագահ Էմանուել Մակրոնի հայտարարությունը, թե ՆԱՏՕ-ի ուղեղն արդեն մեռած է, ինչ-որ չափով իրական է։
«Կարծում եմ՝ հիմա կողմերը կփորձեն գտնել ոսկե միջինը, այսինքն` Թուրքիայի ինչ-ինչ պահանջներ կբավարարվեն, մի մասն էլ չի բավարարվի, և բոլոր կողմերը կունենան հաղթողի կեցվածք ընդունելու հնարավորություն»,- մեկնաբանեց քաղաքագետը։
Այս դեպքում, նրա խոսքով, Թուրքիան հնարավորություն կունենա ասելու՝ արևմտյան ճնշումներին դիմադրել է և ամբողջ ՆԱՏՕ-ին հարկադրել է ինչ-ինչ պահանջներ բավարարել, քանի որ Էրդողանին դա պետք է 2023թ․ ընտրությունների համատեքստում․ նա այժմ հանդես է գալիս հակաիմպերիալիստական կոչերով ու լոզունգներով, իսկ սա հնարավորություն կլինի «ապացուցելու», որ նա իսկապես պայքարում է գերտերությունների դեմ։
Անդրադառնալով Թուրքիայի պահանջներին, քաղաքագետն ընդգծեց, որ այս ամբողջ պատմությունը նախ սկսվել է Շվեդիայի ու Ֆինլանդիայի՝ քրդական ինչ-որ կազմակերպությունների հանդեպ վերաբերմունքից։ Քրդերի մասին պահանջից զատ, մյուս կետերը, Պողոսյանի կարծիքով, հնարավոր է՝ Թուրքիայի համար ոչ այնքան սկզբունքային լինեն։ Օրինակ՝ F-35 կործանիչների դեպքում գուցե նրան ձեռնտու է դուրս մնալ ծրագրից ու ստեղծել իր սեփական կործանիչը՝ ցույց տալով, որ ԱՄՆ-ից կախված չէ։
Հարցին, թե հնարավո՞ր է արդյոք, որ Թուրքիայի որևէ պահանջ չկատարվի, քաղաքագետը պատասխանեց` բարդ է ասել։
«Որովհետև, նախ՝ Էրդողանն անկանխատեսելի քաղաքական գործիչ է, երկրորդ՝ նա էլ ունի իր վարկանիշը պահելու խնդիր, որովհետև եթե խաղ է սկսել, ասել է՝ չի համաձայնի այդ երկրների անդամակցությանը՝ եթե Ա, Բ, Գ պահանջները չկատարվեն, ապա դրանցից գոնե մեկը պետք է կատարվի, այլապես կվնասվի նրա վարկանիշը։ Հիմա Էրդողանի համար կենաց-մահու մեկ խնդիր կա՝ հաղթել 2023թ․ ընտրություններում, որովհետև հակառակ դեպքում ինքը և հավանաբար իր ընտանիքն ու նեղ ընտանեկան շրջապատը կհայտնվեն բանտում»,- ասաց քաղաքագետը։
Ամենաքիչ հավանական սցենարը, ըստ Պողոսյանի, Թուրքիայի հեռացումն է ՆԱՏՕ-ից, որովհետև նախ՝ քաղաքագետը վստահ չէ, որ կառույցից հեռացման ինչ-ինչ ընթացակարգ կա, երկրորդ՝ այդ սցենարի հավանականությունը 0-ին մոտ է։ Իրավիճակի այդպիսի զարգացում կարող է լինել, եթե, օրինակ, ԱՄՆ-ն ու Մեծ Բրիտանիան Թուրքիային ասեն, որ ոչինչ չեն զիջելու, բոլորին ցույց տան, որ Թուրքիան իրենց ձեռքի խաղալիքն է, Էրդողանն էլ ասի՝ ուրեմն Շվեդիան ու Ֆինլանդիան էլ չեն դառնա ՆԱՏՕ-ի անդամ, այսինքն` գնա վաբանկ։
«Այդ դեպքում հնարավոր է ամեն ինչ, այդ թվում՝ կա՛մ Թուրքիան ինքը դուրս գա, կա՛մ իրեն հեռացնեն։ Դրա հավանականությունը գնահատում եմ 0-ին մոտ, թեև ինչպես ասում են, երբեք մի՛ ասա «երբեք»»,- հավելեց Պողոսյանը։
Հիշեցնենք, որ միջազգային
Financial Times պարբերականի տվյալներով՝ Թուրքիան արգելափակել է Ֆինլանդիայի և Շվեդիայի` ՆԱՏՕ-ին անդամակցելու հայտերի քննարկումը։
Ավելի վաղ Bloomberg-ը հայտնել էր, որ Շվեդիայի և Ֆինլանդիայի հայտերի վերաբերյալ դրական եզրակացության դիմաց Թուրքիան պնդում է, որ վերադառնա F-35-ի օդաչուների պատրաստման ծրագրին, իսկ ռուսական C-400-ի ձեռքբերման պատժամիջոցների սահմանափակումները չեղյալ հայտարարվեն։
