https://arm.sputniknews.ru/20220518/hajastany-eatm-yndhanur-katsajic-der-chi-stacel-ir-gumary-eatm-ekamutnery-nvazel-en-42193569.html
Հայաստանը ԵԱՏՄ ընդհանուր կաթսայից դեռ չի ստացել իր գումարը. ԵԱՏՄ եկամուտները նվազել են
Հայաստանը ԵԱՏՄ ընդհանուր կաթսայից դեռ չի ստացել իր գումարը. ԵԱՏՄ եկամուտները նվազել են
Sputnik Արմենիա
Բադասյանը համոզմունք հայտնեց, որ փոխանցումների խնդիրն առաջիկայում կլուծվի, ու Հայաստանը կստանա իրեն հասանելիք շուրջ 10 մլրդ դրամը։ 18.05.2022, Sputnik Արմենիա
2022-05-18T14:22+0400
2022-05-18T14:22+0400
2022-05-18T15:24+0400
եվրասիական տնտեսական միություն (եատմ)
հայաստան և եատմ
ռուստամ բադասյան
բյուջե
գումար
https://cdn.am.sputniknews.ru/img/07e5/09/0f/33310879_0:0:1052:593_1920x0_80_0_0_d3e86599b37b150dad93ef6e5e02b25d.jpg
ԵՐԵՎԱՆ, 18 մայիսի – Sputnik․ Հայաստանն այս տարի դեռ չի ստացել ԵԱՏՄ-ի ընդհանուր բյուջեից իրեն հասանելիք շուրջ 10 մլրդ դրամ գումարը։ Այս մասին այսօր ՀՀ ԱԺ-ում լրագրողներին հայտնեց ՀՀ ՊԵԿ նախագահ Ռուստամ Բադասյանը։Հիշեցնենք` խնդիրն ի հայտ է եկել ռուս-ուկրաինական ճգնաժամի հետևանքով առաջացած լոգիստիկ հարցերի պատճառով, որոնց պատճառով խոչընդոտներ են առաջացել ԵԱՏՄ շրջանակում միջպետական փոխանցումների հատվածում։ Ավելի կոնկրետ` Ռուսաստանի ու Բելառուսի դեմ սահմանված սահմանափակումները դոլարային այս փոխանցումներն անհնար են դարձրել։Հայաստանում ստացած գիտական աստիճանները կճանաչվեն ԵԱՏՄ անդամ այլ երկրներումԱյդուհանդերձ, Բադասյանը համոզմունք հայտնեց, որ փոխանցումների խնդիրն առաջիկայում կլուծվի, ու Հայաստանը կստանա իրեն հասանելիք գումարը։Նշենք, որ մարտ ամսին Հայաստանին չփոխանցված գումարը շուրջ 6 մլրդ դրամ էր կազմում։ Այսինքն` ապրիլին դրան ավելացել է ևս շուրջ 4 մլրդ դրամ։ՊԵԿ նախագահն այս նվազումը մեկնաբանեց ԵԱՏՄ ընդհանուր մաքսային եկամուտների նվազմամբ։Հիշեցնենք, որ մարտի 31-ի կառավարության նիստում ՀՀ վարչապետ Նիկոլ Փաշինյանն այս խնդրի շուրջ հայտարարել էր, որ ԵԱՏՄ-ից գումարների փոխանցման հարցում տեխնիկական հարցեր են առաջացել, որոնք առաջիկայում կշտկվեն։Բանն այն է, որ ըստ ԵԱՏՄ կանոնակարգերի, երրորդ երկրներից ներմուծվող ապրանքներից մաքսատուրքերը, բացառությամբ ֆիզիկական անձանց կողմից գանձված մաքսատուրքերի, գանձվում են տվյալ երկրի ազգային արժույթով։ Հետո այդ գումարը վերածվում է ԱՄՆ դոլարի, փոխանցվում ԵԱՏՄ միասնական բյուջե, որտեղից բաշխվում է ԵԱՏՄ անդամ երկրների միջև` ըստ սահմանված համամասնության։Խնդիրը լուծելու համար մարտի 18-ին Մոսկվայում գումարված Եվրասիական տնտեսական հանձնաժողովի խորհրդի նիստում առաջարկ է եղել անցնել մասնակի ռուբլով փոխանցումների տարբերակին։ Ըստ առաջարկված տարբերակի` ԵԱՏՄ անդամ 5 երկրներից 3-ը` Հայաստանը, Ղազախստանն ու Ղրղզստանը, հնարավոր է՝ շարունակեն փոխանցումներն անել դոլարով։ Իսկ Բելառուսն ու Ռուսաստանը անցնեն ռուբլով փոխանցման։ Մեկ այլ տարբերակի համաձայն` ԵԱՏՄ անդամ բոլոր երկրներին առաջարկվել է անցնել ռուբլով փոխանցումներ կատարելուն։Ո՞վ իրենը կառաջարկի․ ԵԱՏՄ բիզնեսի համար ներմուծման փոխարինման բորսա են բացում
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
եվրասիական տնտեսական միություն (եատմ), հայաստան և եատմ, ռուստամ բադասյան, բյուջե, գումար
եվրասիական տնտեսական միություն (եատմ), հայաստան և եատմ, ռուստամ բադասյան, բյուջե, գումար
Հայաստանը ԵԱՏՄ ընդհանուր կաթսայից դեռ չի ստացել իր գումարը. ԵԱՏՄ եկամուտները նվազել են
14:22 18.05.2022 (Թարմացված է: 15:24 18.05.2022) Բադասյանը համոզմունք հայտնեց, որ փոխանցումների խնդիրն առաջիկայում կլուծվի, ու Հայաստանը կստանա իրեն հասանելիք շուրջ 10 մլրդ դրամը։
ԵՐԵՎԱՆ, 18 մայիսի – Sputnik․ Հայաստանն այս տարի դեռ չի ստացել ԵԱՏՄ-ի ընդհանուր բյուջեից իրեն հասանելիք շուրջ 10 մլրդ դրամ գումարը։ Այս մասին այսօր ՀՀ ԱԺ-ում լրագրողներին հայտնեց ՀՀ ՊԵԿ նախագահ Ռուստամ Բադասյանը։
«Դեռ չի վճարվել, բայց, բնականաբար, վճարվելու է։ Անդամ երկրները որոշակի մեխանիզմների շուրջ քննարկում են ունեցել, և վերջնական ղեկավարների մակարդակով պետք է հաստատվեն դրանց արդյունքները, որ փոխանցվի»,- ասաց նա։
Հիշեցնենք` խնդիրն ի հայտ է եկել ռուս-ուկրաինական ճգնաժամի հետևանքով առաջացած լոգիստիկ հարցերի պատճառով, որոնց պատճառով խոչընդոտներ են առաջացել ԵԱՏՄ շրջանակում միջպետական փոխանցումների հատվածում։ Ավելի կոնկրետ` Ռուսաստանի ու Բելառուսի դեմ սահմանված սահմանափակումները դոլարային այս փոխանցումներն անհնար են դարձրել։
Այդուհանդերձ, Բադասյանը համոզմունք հայտնեց, որ փոխանցումների խնդիրն առաջիկայում կլուծվի, ու Հայաստանը կստանա իրեն հասանելիք գումարը։
Նշենք, որ մարտ ամսին Հայաստանին չփոխանցված գումարը շուրջ 6 մլրդ դրամ էր կազմում։ Այսինքն` ապրիլին դրան ավելացել է ևս շուրջ 4 մլրդ դրամ։
ՊԵԿ նախագահն այս նվազումը մեկնաբանեց ԵԱՏՄ ընդհանուր մաքսային եկամուտների նվազմամբ։
«Տնտեսական տարբեր իրավիճակներով պայմանավորված` ընդհանուր կաթսայի եկամուտներն են նվազել։ Հայաստանի մասնաբաժինը մարտ-ապրիլ ամիսներով մոտավորապես 10 մլրդ-ի շրջանակում է»,– ասաց նա։
Հիշեցնենք, որ մարտի 31-ի կառավարության նիստում ՀՀ վարչապետ Նիկոլ Փաշինյանն այս խնդրի շուրջ հայտարարել էր, որ ԵԱՏՄ-ից գումարների փոխանցման հարցում տեխնիկական հարցեր են առաջացել, որոնք առաջիկայում կշտկվեն։
Բանն այն է, որ ըստ ԵԱՏՄ կանոնակարգերի, երրորդ երկրներից ներմուծվող ապրանքներից մաքսատուրքերը, բացառությամբ ֆիզիկական անձանց կողմից գանձված մաքսատուրքերի, գանձվում են տվյալ երկրի ազգային արժույթով։ Հետո այդ գումարը վերածվում է ԱՄՆ դոլարի, փոխանցվում ԵԱՏՄ միասնական բյուջե, որտեղից բաշխվում է ԵԱՏՄ անդամ երկրների միջև` ըստ սահմանված համամասնության։
Խնդիրը լուծելու համար մարտի 18-ին Մոսկվայում գումարված Եվրասիական տնտեսական հանձնաժողովի խորհրդի նիստում առաջարկ է եղել անցնել մասնակի ռուբլով փոխանցումների տարբերակին։ Ըստ առաջարկված տարբերակի` ԵԱՏՄ անդամ 5 երկրներից 3-ը` Հայաստանը, Ղազախստանն ու Ղրղզստանը, հնարավոր է՝ շարունակեն փոխանցումներն անել դոլարով։ Իսկ Բելառուսն ու Ռուսաստանը անցնեն ռուբլով փոխանցման։ Մեկ այլ տարբերակի համաձայն` ԵԱՏՄ անդամ բոլոր երկրներին առաջարկվել է անցնել ռուբլով փոխանցումներ կատարելուն։
