https://arm.sputniknews.ru/20220518/garik-galejann-azat-e-ardzakvel-stvoragrutjan-dimac-42214124.html
Գարիկ Գալեյանը ստորագրության դիմաց ազատ է արձակվել, եղբայրը ձերբակալվել է. ՔԿ
Գարիկ Գալեյանը ստորագրության դիմաց ազատ է արձակվել, եղբայրը ձերբակալվել է. ՔԿ
Sputnik Արմենիա
Գարիկ Գալեյանի մոտ սրտի իշեմիկ հիվանդության հիպերտոնիկ կրիզ է ախտորոշվել, նա այժմ ստացիոնար բուժում է ստանում։ 18.05.2022, Sputnik Արմենիա
2022-05-18T21:24+0400
2022-05-18T21:24+0400
2022-05-18T22:08+0400
հայաստան
գարիկ գալեյան
քննչական կոմիտե
https://cdn.am.sputniknews.ru/img/07e6/05/12/42194636_0:88:1600:988_1920x0_80_0_0_febd1d73d3083ce5a7b9af10614e7195.jpg
ԵՐԵՎԱՆ, 18 մայիսի – Sputnik. 44-օրյա պատերազմի հերոս Մխիթար Գալեյանի հայրը` Գարիկ Գալեյանը, ստորագրությամբ ազատ է արձակվել, իսկ հորեղբայրը` Արթուր Գալեյանը, ձերբակալվել է։ Տեղեկությունը հայտնում է ՀՀ քննչական կոմիտեն։Ավելի վաղ հայտնել էինք, որ Գարիկ Գալեյանը ձերբակալվել է, նրան զորամաս ապօրինի մուտք գործելու, հրամանատարի տեղակալի նկատմամբ բռնություն գործադրելու, ծանր վիրավորանք հասցնելու մեղադրանք է ներկայացվել։ Ըստ ՔԿ-ի` պաշտպանական կողմը վարույթն իրականացնող մարմնին ներկայացրել է փաստաթղթեր, համաձայն որոնց` Գարիկ Գալեյանի կինը՝ Ա. Գալեյանը, 29-30 շաբաթական հղի է, իսկ անձամբ Գարիկ Գալեյանի մոտ շուրջ 6 շաբաթ առաջ ախտորոշվել է «սրտի իշեմիկ հիվանդություն, անկայուն ստենոկարդիա, սրտամկանի ինֆարկտ, իշեմիկ կարդիոմիոպատիա», և կատարվել է ստենտավորում։ Ձերբակալված Գարիկ Գալեյանի մոտ մայիսի 18-ին ախտորոշվել է «Ս.Ի.Հ. հիպերտոնիկ կրիզ», վերջինս ժամը 13:00-ի սահմաններում ընդունվել է ստացիոնար բուժման «Աստղիկ» բժշկական կենտրոնի սրտաբանական բաժանմունք։Մայիսի 18-ին վարույթն իրականացնող մարմինը որոշում է կայացրել Արթուր Գալեյանին (Գարիկ Գալեյանի եղբայրն է. խմբ.) ՀՀ քրեական օրենսգրքի 327.6-րդ հոդվածի 3-րդ մասի 1-ին կետով (զորամաս կամ հատուկ պահպանվող զինվորական այլ տարածք ապօրինի մուտք գործելը, որը կատարվել է բռնություն գործադրելով կամ դա գործադրելու սպառնալիքով), 137.1-րդ հոդվածի 1-ին մասով (ծանր վիրավորանք հասցնելը) և 316-րդ հոդվածի 1-ին մասով (իշխանության ներկայացուցչի նկատմամբ բռնություն գործադրելը) որպես մեղադրյալ ներգրավելու մասին, վերջինս ՀՀ քրեական դատավարության օրենսգրքի 130-րդ հոդվածով սահմանված կարգով ձերբակալվել է, և միջնորդություն է ներկայացվել Երևան քաղաքի ընդհանուր իրավասության դատարան՝ նրա նկատմամբ կալանավորումը որպես խափանման միջոց կիրառելու համար:Նախաքննությունը շարունակվում է։Հիշեցնենք` ՀՀ քննչական կոմիտեն հաղորդել է, որ մայիսի 17-ին` ժամը 14:05-ի սահմաններում, մի խումբ անձինք սահմանված կարգի խախտմամբ, մուտք են գործել ՀՀ ՊՆ N զորամասի տարածք։ Նրանք չեն ենթարկվել զորամասի տարածքը լքելու՝ զորամասի հրամանատարի սպառազինության գծով տեղակալ, գնդապետի օրինական պահանջին, հայհոյել են, քաշքշել և բռնություն գործադրել նրա նկատմամբ՝ պլաստմասե շշով հարվածելով դեմքին: Ըստ ՔԿ-ի` նրանք Մխիթար Գալեյանի հայրն ու հորեղբայրն են՝ Գարիկ և Արթուր Գալեյանները, ինչպես նաև քաղաքացի Ազգուշ Մարտիրոսյանը:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, գարիկ գալեյան, քննչական կոմիտե
հայաստան, գարիկ գալեյան, քննչական կոմիտե
Գարիկ Գալեյանը ստորագրության դիմաց ազատ է արձակվել, եղբայրը ձերբակալվել է. ՔԿ
21:24 18.05.2022 (Թարմացված է: 22:08 18.05.2022) Գարիկ Գալեյանի մոտ սրտի իշեմիկ հիվանդության հիպերտոնիկ կրիզ է ախտորոշվել, նա այժմ ստացիոնար բուժում է ստանում։
ԵՐԵՎԱՆ, 18 մայիսի – Sputnik. 44-օրյա պատերազմի հերոս Մխիթար Գալեյանի հայրը` Գարիկ Գալեյանը, ստորագրությամբ ազատ է արձակվել, իսկ հորեղբայրը` Արթուր Գալեյանը, ձերբակալվել է։ Տեղեկությունը հայտնում է
ՀՀ քննչական կոմիտեն։
Ավելի վաղ
հայտնել էինք, որ Գարիկ Գալեյանը ձերբակալվել է, նրան զորամաս ապօրինի մուտք գործելու, հրամանատարի տեղակալի նկատմամբ բռնություն գործադրելու, ծանր վիրավորանք հասցնելու մեղադրանք է ներկայացվել։
Ըստ ՔԿ-ի` պաշտպանական կողմը վարույթն իրականացնող մարմնին ներկայացրել է փաստաթղթեր, համաձայն որոնց` Գարիկ Գալեյանի կինը՝ Ա. Գալեյանը, 29-30 շաբաթական հղի է, իսկ անձամբ Գարիկ Գալեյանի մոտ շուրջ 6 շաբաթ առաջ ախտորոշվել է «սրտի իշեմիկ հիվանդություն, անկայուն ստենոկարդիա, սրտամկանի ինֆարկտ, իշեմիկ կարդիոմիոպատիա», և կատարվել է ստենտավորում։ Ձերբակալված Գարիկ Գալեյանի մոտ մայիսի 18-ին ախտորոշվել է «Ս.Ի.Հ. հիպերտոնիկ կրիզ», վերջինս ժամը 13:00-ի սահմաններում ընդունվել է ստացիոնար բուժման «Աստղիկ» բժշկական կենտրոնի սրտաբանական բաժանմունք։
«Վերոգրյալով պայմանավորված, նկատի ունենալով, որ բացակայում է անձին արգելանքի տակ պահելու անհրաժեշտությունը` վարույթն իրականացնող մարմինը որոշում է կայացրել ձերբակալված Գարիկ Գալեյանին ազատ արձակել արգելանքից, վերջինիս նկատմամբ որպես խափանման միջոց կիրառվել է ստորագրություն չհեռանալու մասին»,- նշված է հաղորդագրության մեջ։
Մայիսի 18-ին վարույթն իրականացնող մարմինը որոշում է կայացրել Արթուր Գալեյանին (Գարիկ Գալեյանի եղբայրն է. խմբ.) ՀՀ քրեական օրենսգրքի 327.6-րդ հոդվածի 3-րդ մասի 1-ին կետով (զորամաս կամ հատուկ պահպանվող զինվորական այլ տարածք ապօրինի մուտք գործելը, որը կատարվել է բռնություն գործադրելով կամ դա գործադրելու սպառնալիքով), 137.1-րդ հոդվածի 1-ին մասով (ծանր վիրավորանք հասցնելը) և 316-րդ հոդվածի 1-ին մասով (իշխանության ներկայացուցչի նկատմամբ բռնություն գործադրելը) որպես մեղադրյալ ներգրավելու մասին, վերջինս ՀՀ քրեական դատավարության օրենսգրքի 130-րդ հոդվածով սահմանված կարգով ձերբակալվել է, և միջնորդություն է ներկայացվել Երևան քաղաքի ընդհանուր իրավասության դատարան՝ նրա նկատմամբ կալանավորումը որպես խափանման միջոց կիրառելու համար:
Նախաքննությունը շարունակվում է։
Հիշեցնենք` ՀՀ քննչական կոմիտեն հաղորդել է, որ մայիսի 17-ին` ժամը 14:05-ի սահմաններում, մի խումբ անձինք սահմանված կարգի խախտմամբ, մուտք են գործել ՀՀ ՊՆ N զորամասի տարածք։ Նրանք չեն ենթարկվել զորամասի տարածքը լքելու՝ զորամասի հրամանատարի սպառազինության գծով տեղակալ, գնդապետի օրինական պահանջին, հայհոյել են, քաշքշել և բռնություն գործադրել նրա նկատմամբ՝ պլաստմասե շշով հարվածելով դեմքին: Ըստ ՔԿ-ի` նրանք Մխիթար Գալեյանի հայրն ու հորեղբայրն են՝ Գարիկ և Արթուր Գալեյանները, ինչպես նաև քաղաքացի Ազգուշ Մարտիրոսյանը:
