https://arm.sputniknews.ru/20220517/hervosneri-qaghaqum-bacvec-qjaram-slvojani-anvan-vakheri-karavarman-3d-senjaky-42156046.html

Հերոսների քաղաքում բացվեց Քյարամ Սլոյանի անվան վախերի կառավարման 3D սենյակը

Հերոսների քաղաքում բացվեց Քյարամ Սլոյանի անվան վախերի կառավարման 3D սենյակը

Sputnik Արմենիա

Քյարամի մայրն ընդգծեց` միշտ հպարտ է իր որդով, հատկապես, երբ նրա անվան սենյակներ կամ կենտրոններ են բացվում։ 17.05.2022, Sputnik Արմենիա

2022-05-17T18:17+0400

2022-05-17T18:17+0400

2022-05-17T19:06+0400

քյարամ սլոյան

ապրիլյան քառօրյա պատերազմ

հոգեբան

հերոսների քաղաք

զինծառայող

https://cdn.am.sputniknews.ru/img/07e6/05/11/42155759_0:106:1600:1006_1920x0_80_0_0_5f094c6bc3ef64c34e0f582ba9ac70bb.jpg

ԵՐԵՎԱՆ, 17 մայիսի – Sputnik. Ազգային հերոս, հատուկջոկատայինների հրամանատար, 44-օրյա պատերազմում զոհված Վահագն Ասատրյանի անվան «Հերոսների վերականգնողական քաղաք» կենտրոնում բացվեց Ապրիլյան պատերազմի մասնակից, զոհված հերոս Քյարամ Սլոյանի անվան վախերի կառավարման 3D սենյակը, իսկ սենյակի դիմաց հերոսի անվանական ծառը տնկվեց։Այստեղ տղաների հետ աշխատանքներ են տարվելու ժամանակակից սարքերի միջոցով. 3D վիրտուալ իրականության սարքավորման շնորհիվ հոգեբանական խնդիրներ ունեցող տղաների համար ստեղծվելու է այնպիսի միջավայր, որում նա վախեր է ունեցել, որպեսզի փորձի հաղթահարել դրանք։Կոտայքի մարզի Պռոշյան գյուղում գործող կենտրոնի հիմնադիր Սուրեն Արեենցը նշեց, որ շատ դեպքերում մարդկանց մոտ հավատքը կորել է, երբեմն՝ դաշտի ոչ պրոֆեսիանալ աշխատանքի հետևանքով։«Ուզում եմ ասել, որ կան շատ պրոֆեսիոնալ հոգեբաններ, որոնք ունակ են իրականացնելու անգամ թվայնացված բուժում։ Բացի այդ, ուզում եմ հորդորել, որ հոգեբանական խնդիր ունեցողին գժի պիտակավորում չտան։ Բարեբախտաբար, ամպուտացված զինվորների քանակը շատ քիչ է երկրում, բայց, դժբախտաբար, հոգեբանական խնդիր ունեցող անձանց թիվը հազարների է հասնում։ Շատերը չէ, որ գիտեն այս մասին»,- ասաց նա։Արեենցը հավելեց, որ կենտրոնի թողունակությունն ամսական մինչև 200-ի է հասնում, սակայն պետք է փորձեն ավելացնել այդ թիվը։Քյարամի մայրը` Նվարդ Սլոյանը, լրագրողների հետ զրույցում ասաց, որ որդու անվան կենտրոններ, սենյակներ բացվելիս ինքը հպարտություն է զգում։«Այսպիսի պահերին հատկապես զգում եմ, որ իմ Քյարամը ողջ է, ուրախանում եմ, որ հիշվում է, ու միշտ պետք է հիշեն նրան։ Ինքը շատ հանգիստ, խելացի տղա էր, ցանկանում էր պարտադիր զինվորական ծառայությունն ավարտելուց հետո շարունակել ծառայել ԶՈւ-ում»,- նշեց տիկին Նվարդը։Կենտրոնում Քյարամ Սլոյանի անվան վախերի կառավարման 3D սենյակի բացման արարողությանը ներկա էր նաև ՀՀ առողջապահության նախարար Անահիտ Ավանեսյանը։ Նա լրագրողների հետ զրույցում ընդգծեց, որ պետք է պատերազմից հետո հոգեբանական խնդիրներ ունեցող անձանց համար լավագույն պայմանները պետք է ստեղծված լինեն։«Մենք գիտենք, որ այս պատերազմից հետո կան մարդիկ, որոնք պոստտրավմատիկ սինդրոմի արդյունքում վերականգնման, հոգեբանական աջակցության կարիք ունեն։ Ինձ համար ուրախալի է, որ նման կենտրոն ստեղծվել է ոչ միայն Երևանում, այլև մարզերում։ Բժշկական, հատկապես, հոգեբանական ու վերականգնողական օգնությունը պետք է հնարավորինս հասանելի լինի քաղաքացիների համար»,- ասաց Ավանեսյանը։Նա շեշտեց, որ մոտ 1 ամիս առաջ կոալիցիա են ստեղծել՝ հոգեբանական ու հոգեբուժական ասոցիացիաների ու կառույցների, մասնագիտական կենտրոնների ներգրավմամբ։Նախարարը վստահություն հայտնեց` կենտրոնը կաշխատի ի նպաստ զինծառայողների և այլ շահառուների։Հիշեցնենք` Քյարամը զոհվել է 2016-ի ապրիլին Մարտակերտի դիրքերից մեկում ծավալված մարտական գործողությունների ժամանակ:Քյարամ Սլոյանը ծնվել է 1996 Արագածոտնի մարզի Արտաշավան գյուղում: Ժամկետային զինծառայող գնդացրորդ Քյարամը քառօրյա պատերազմի առաջին զոհերից էր:2016 թվականի մայիսի 28-ին Քյարամ Սլոյանը հետմահու պարգևատրվել է «Մարտական խաչ» 1-ին աստիճանի ՀՀ պետական շքանշանով։

2022

Լուրեր

am_HY

քյարամ սլոյան, ապրիլյան քառօրյա պատերազմ, հոգեբան, հերոսների քաղաք, զինծառայող