https://arm.sputniknews.ru/20220513/hhum-hacahatiki-canqataratsqnery-25-angam-krtshatvel-en-masnagety-matnanshum-e-khndirnery-42004720.html
ՀՀ-ում հացահատիկի ցանքատարածքները 2.5 անգամ կրճատվել են. մասնագետը մատնանշում է խնդիրները
ՀՀ-ում հացահատիկի ցանքատարածքները 2.5 անգամ կրճատվել են. մասնագետը մատնանշում է խնդիրները
Sputnik Արմենիա
Գառնիկ Պետրոսյանի կանխատեսմամբ` ընթացիկ տարում կարտոֆիլի պակաս չի լինի։ 13.05.2022, Sputnik Արմենիա
2022-05-13T13:28+0400
2022-05-13T13:28+0400
2022-05-13T14:15+0400
հայաստան
գառնիկ պետրոսյան
կարտոֆիլ
https://cdn.am.sputniknews.ru/img/07e6/05/0d/42003525_0:25:1601:925_1920x0_80_0_0_60688d2b62f0ba1d0276e483e38e711c.jpg
ԵՐԵՎԱՆ, 13 մայիսի – Sputnik. Հայաստանի համար լրջագույն խնդիր է եղել և շարունակում է մնալ հացահատիկի ապահովման հարցը։ Sputnik Արմենիա մուլտիմեդիոն կենտրոնում այս մասին ասաց ՀՀ գյուղատնտեսության նախկին փոխնախարար Գառնիկ Պետրոսյանը։Նախկին փոխնախարարն ընդգծեց` խնդիրներ կան գարնանացան հացահատիկային մշակաբույսերի ցանքատարածությունների ավելացման գործում։ Նրա խոսքով` այս տարի այդ մշակաբույսերի ցանքերի նվազման միտումներ կան, իսկ պատճառները տարբեր են։ Պետրոսյանի պնդմամբ` մի դեպքում 2021 թվականի երաշտի պատճառով չի հաջողվել բավարար քանակությամբ սերմացուի բերք ունենալ, մյուս դեպքում` հողում խոնավության բացակայության պատճառով հնարավոր չի եղել ցրտահերկ կատարել, և զգալի տարածքներ գարնանացանի համար չեն պատրաստվել։«Կառավարությունն այս տարի քայլեր չի ձեռնարկել նաև գարնանացան հացահատիկային մշակաբույսերի սերմացուների մատակարարման առումով։ Պետք է հաշվի առնվեր անցած տարվա ծանր իրավիճակը և որոշակի աջակցություն ցուցաբերվեր։ Քայլ արվել է միայն աշնանացան սերմացուների մատակարարման ուղղությամբ»,- ասաց Պետրոսյանը։Նրա խոսքով` նախորդ տարիների համեմատ այս տարի Արարատյան դաշտում վաղահաս կարտոֆիլի տունկը կատարվել է մի փոքր ավելի մեծ ծավալներով, սակայն մարտ-ապրիլին տեղումների բացակայության պատճառով կարտոֆիլի ցանքերը ուշ սկսեցին ծիլեր տալ։ Այսպիսով` հնարավոր չի եղել վաղահաս կարտոֆիլի ցանքատարածքների բարձր բերք ապահովել։Ինչ վերաբերում է բանջարաբոստանային ցանքին ու սածիլմանը, ապա մասնագետն ընդգծեց` աշխատանքներն ընթացքի մեջ են։ Նրա կարծիքով` կապահովվի նախորդ տարվա մակարդակը, գուցե մի փոքր պակաս լինի։ Ըստ Պետրոսյանի` Արարատյան դաշտում ցանքատարածքները որոշ չափով կավելանան։Նա շեշտեց` 2022 թվականին խաղողի լավ բերք կլինի, ինչը չի կարելի ասել ծիրանի մասին. ապրիլի 13-ի գիշերը գրանցված ցրտահարության հետևանքով հատկապես Արարատի մարզի մի շարք համայնքներում բերքի զգալի կորուստներ են գրանցվել։Նույն մարզում կան համայնքներ, որոնցում, ըստ նախկին պաշտոնյայի, կարող է բավական լավ բերք լինել։ Կորուստներ եղել են Արմավիրի մարզի Էջմիածին համայնքում։ Ծիրանի միջին բերք կլինի, և զգալի քանակությամբ հնարավոր կլինի նաև արտահանել։ Նույն իրավիճակը կլինի նաև դեղձի, սալորի և կեռասի դեպքում։Տեղական արտադրության պարենամթերքը կարող է թանկանալ. Գառնիկ Պետրոսյան
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, գառնիկ պետրոսյան, կարտոֆիլ
հայաստան, գառնիկ պետրոսյան, կարտոֆիլ
ՀՀ-ում հացահատիկի ցանքատարածքները 2.5 անգամ կրճատվել են. մասնագետը մատնանշում է խնդիրները
13:28 13.05.2022 (Թարմացված է: 14:15 13.05.2022) Գառնիկ Պետրոսյանի կանխատեսմամբ` ընթացիկ տարում կարտոֆիլի պակաս չի լինի։
ԵՐԵՎԱՆ, 13 մայիսի – Sputnik. Հայաստանի համար լրջագույն խնդիր է եղել և շարունակում է մնալ հացահատիկի ապահովման հարցը։
Sputnik Արմենիա մուլտիմեդիոն կենտրոնում այս մասին ասաց ՀՀ գյուղատնտեսության նախկին փոխնախարար Գառնիկ Պետրոսյանը։
«Ցավոք, վերջին 5-6 տարվա ընթացքում և դրանից առաջ էլ խնդիրը կա։ Անկման միտումներն էլ մինչ օրս շարունակվում են։ 2000-ականների կեսերին ցորենի ցանքատարածությունները հասնում էին մինչև 127-129 հազար հեկտարի, այժմ ցանքատարածքները շուրջ 2.5 անգամ կրճատվել են։ Այսօր դրանք 57-58 հազար հա են։ 2021 թվականին կատարված ցանքի վերաբերյալ դեռևս պաշտոնական տեղեկություններ չկան, լավատեսական կարծիքներ ունենալու հիմքեր` ևս։ Առավելագույնը կարող է նախորդ տարվա մակարդակը պահպանվել, սակայն կարծում եմ, որ ավելի ցածր կլինի»,- նշեց Պետրոսյանը։
Նախկին փոխնախարարն ընդգծեց` խնդիրներ կան գարնանացան հացահատիկային մշակաբույսերի ցանքատարածությունների ավելացման գործում։ Նրա խոսքով` այս տարի այդ մշակաբույսերի ցանքերի նվազման միտումներ կան, իսկ պատճառները տարբեր են։ Պետրոսյանի պնդմամբ` մի դեպքում 2021 թվականի երաշտի պատճառով չի հաջողվել բավարար քանակությամբ սերմացուի բերք ունենալ, մյուս դեպքում` հողում խոնավության բացակայության պատճառով հնարավոր չի եղել ցրտահերկ կատարել, և զգալի տարածքներ գարնանացանի համար չեն պատրաստվել։
«Կառավարությունն այս տարի քայլեր չի ձեռնարկել նաև գարնանացան հացահատիկային մշակաբույսերի սերմացուների մատակարարման առումով։ Պետք է հաշվի առնվեր անցած տարվա ծանր իրավիճակը և որոշակի աջակցություն ցուցաբերվեր։ Քայլ արվել է միայն աշնանացան սերմացուների մատակարարման ուղղությամբ»,- ասաց Պետրոսյանը։
Նրա խոսքով` նախորդ տարիների համեմատ այս տարի Արարատյան դաշտում վաղահաս կարտոֆիլի տունկը կատարվել է մի փոքր ավելի մեծ ծավալներով, սակայն մարտ-ապրիլին տեղումների բացակայության պատճառով կարտոֆիլի ցանքերը ուշ սկսեցին ծիլեր տալ։ Այսպիսով` հնարավոր չի եղել վաղահաս կարտոֆիլի ցանքատարածքների բարձր բերք ապահովել։
«Հանրապետության մնացած տարածաշրջաններում, որտեղ ուշ հասնող կարտոֆիլի տունկ է կատարվում այս օրերին, կարելի է ասել, որ տեմպը գոհացուցիչ է։ Իմ դիտարկումները ցույց են տալիս, որ որոշ չափով ավելի մեծ տարածքներ կդրվեն բարձրադիր գոտում։ Կարելի է կանխատեսել, որ շուկայում կարտոֆիլի պակաս չի լինի, և մենք կունենանք անհրաժեշտ քանակությամբ բերք, որը կապահովի ոչ միայն մեր ներքին սպառման պահանջները, այլև կկարողանանք արտահանել»,- շեշտեց գյուղատնտեսության նախկին փոխնախարարը։
Ինչ վերաբերում է բանջարաբոստանային ցանքին ու սածիլմանը, ապա մասնագետն ընդգծեց` աշխատանքներն ընթացքի մեջ են։ Նրա կարծիքով` կապահովվի նախորդ տարվա մակարդակը, գուցե մի փոքր պակաս լինի։ Ըստ Պետրոսյանի` Արարատյան դաշտում ցանքատարածքները որոշ չափով կավելանան։
Նա շեշտեց` 2022 թվականին խաղողի լավ բերք կլինի, ինչը չի կարելի ասել ծիրանի մասին. ապրիլի 13-ի գիշերը գրանցված ցրտահարության հետևանքով հատկապես Արարատի մարզի մի շարք համայնքներում բերքի զգալի կորուստներ են գրանցվել։
Նույն մարզում կան համայնքներ, որոնցում, ըստ նախկին պաշտոնյայի, կարող է բավական լավ բերք լինել։ Կորուստներ եղել են Արմավիրի մարզի Էջմիածին համայնքում։ Ծիրանի միջին բերք կլինի, և զգալի քանակությամբ հնարավոր կլինի նաև արտահանել։ Նույն իրավիճակը կլինի նաև դեղձի, սալորի և կեռասի դեպքում։
