Ի՞նչ կլինի, եթե կնոջ դեմքը երևա. խիստ սահմանափակումներ Աֆղանստանում

Կապույտ փարաջաներով կանայք

Մայիսի 7-ին թալիբները կարգադրել են կանանց հասարակական վայրերում ամբողջությամբ ծածկել դեմքը։

Խնդիրն այնքան դեմքը ծածկելը չէ, որքան այն, որ աֆղան կանայք վերջնականապես զրկվում են գումար վաստակելու կամ հասարակական ոլորտում աշխատելու հնարավորությունից։

Թալիբները հայտարարել են, որ կառավարությունում աշխատող կանայք կազատվեն աշխատանքից։

Կանանց արգելվում է նաև ճանապարհորդել հայրենի քաղաքից դուրս՝ առանց տղամարդ խնամակալի։

Քաբուլի Մանդավի շուկայում գտնվող իր խանութում աֆղան վաճառողը փարաջա է ցուցադրում։

Այն, ինչ կատարվում է Աֆղանստանում, ոմանք անվանում են «գենդերային խտրականություն»։

Իշխանությունը կանանց խորհուրդ է տվել հնարավորության դեպքում մնալ տանը։

Փարաջա հագած կինը Հերաթի քաղաքի խանութներից մեկում մանկական հագուստ է ընտրում։

Կանայք կարող են աշխատել միայն առողջապահական կամ կրթական հաստատություններում։

Չնայած թալիբները արդարացնում են փարաջա հագնելը և վստահեցնում, թե դա ավանդույթ է, բայց ժամանակին փարաջա էին հագնում միայն ամենապահպանողական գյուղերում։

Եթե հասարակական վայրերում կնոջ դեմքը երևա, ապա նրա տղամարդ խնամակալին սպառնում է տուգանք, բանտարկություն և աշխատանքից ազատում։