https://arm.sputniknews.ru/20220507/erevanum-meknarkec-kananc-erty-ughekcvogh-vostikanneri-mets-masy-nujnpes-kanajq-en-41788424.html

Երևանում մեկնարկեց կանանց երթը. ուղեկցող ոստիկանների մեծ մասը նույնպես կանայք են

Երևանում մեկնարկեց կանանց երթը. ուղեկցող ոստիկանների մեծ մասը նույնպես կանայք են

Sputnik Արմենիա

44-օրյա պատերազմում զոհվածների ծնողները, այլ հարազատներ նույնպես մասնակցում են երթին։ 07.05.2022, Sputnik Արմենիա

2022-05-07T12:46+0400

2022-05-07T12:46+0400

2022-05-07T14:56+0400

երթ

կին

բողոքի ակցիա

տեսանյութեր

տեսանյութ

դիմադրություն շարժում

https://cdn.am.sputniknews.ru/img/07e6/05/07/41789152_0:0:1280:720_1920x0_80_0_0_bc9ab4d628d2c41f1a99f28a74399a0d.jpg

Երևանի Ֆրանսիայի հրապարակից մեկնարկեց կանանց երթը։ Նշենք, որ առաջին շարքում ընդդիմադիր կին պատգամավորներն են։ Նրանց ուղեկցող ոստիկանների մեծամասնությունը նույնպես կանայք են։ Դա, հավանաբար, պայմանավորված է վերջին օրերին սոցցանցերում բարձրացած աղմուկով։ Բանն այն է, որ տեսանյութեր էին տարածվել, որոնցում երևում էր, որ տղամարդ ոստիկանները կին ցուցարարներին բերման ենթարկելիս երբեմն ոչ պատշաճ վարքագիծ են դրսևորում։Կանանց ձեռքին տարբեր գրություններով պաստառներ կան` «Ուժեղ կանայք, ուժեղ տղամարդիկ, ուժեղ պետություն», «Առյուծը առյուծ է` կին, թե տղամարդ», «Կանա՛յք, ոտքի՛, որ զոհեր չլինեն հանուն ոչնչի» և այլն։ Երթի որոշ մասնակիցներ նաև իրենց երեխաներին են բերել։ Բացի այդ, 44-օրյա պատերազմում զոհվածների ծնողները, այլ հարազատներ նույնպես մասնակցում են երթին` իրենց զոհված որդիների, այլ հարազատների լուսանկարներով դաջված շապիկներով։Հիշեցնենք, որ Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։Մայիսի 2-ից սկսած` ամեն օր Երևանում կազմակերպվում են անհնազանդության ակցիաներ, երթեր ու հանրահավաքներ։

2022

Լուրեր

am_HY

երթ, կին, բողոքի ակցիա, տեսանյութեր, տեսանյութ, դիմադրություն շարժում