Հայաստանն ու Վրաստանը 2022 թվականի ռազմական համագործակցության ծրագիր են ստորագրել
17:39 04.05.2022 (Թարմացված է: 17:57 04.05.2022)
© Photo : official site of MoD of RAՀայաստանի ու Վրաստանի պաշտպանության նախարարներ Սուրեն Պապիկյանն ու Ջուանշեր Բուրչուլաձեն

© Photo : official site of MoD of RA
Բաժանորդագրվել
Խոսքը ռազմական կրթության, խաղաղապահության և լեռնային պայմաններում զինվորականների պատրաստման ոլորտում համագործակցության մասին է։
ԵՐԵՎԱՆ, 4 մայիսի -Sputnik. Հայաստանի ու Վրաստանի պաշտպանության նախարարներ Սուրեն Պապիկյանն ու Ջուանշեր Բուրչուլաձեն պաշտպանության ոլորտում 2022 թվականի համագործակցության ծրագիր են ստորագրել: Տեղեկությունը հայտնում է ՀՀ պաշտպանության նախարարության մամուլի ծառայությունը։
© Photo : official site of MoD of RAՀայաստանի պաշտպանության նախարար Սուրեն Պապիկյանը պաշտոնական այցով Վրաստանում է

Հայաստանի պաշտպանության նախարար Սուրեն Պապիկյանը պաշտոնական այցով Վրաստանում է
© Photo : official site of MoD of RA
Նշվում է, որ երկու երկրների պաշտպանության նախարարները պաշտպանական ոլորտում և տարբեր ուղղություններով երկկողմ համագործակցությանն առնչվող հարցեր են քննարկել։
© Photo : official site of MoD of RAՀայաստանի ու Վրաստանի պաշտպանության նախարարներ Սուրեն Պապիկյանն ու Ջուանշեր Բուրչուլաձեն

Հայաստանի ու Վրաստանի պաշտպանության նախարարներ Սուրեն Պապիկյանն ու Ջուանշեր Բուրչուլաձեն
© Photo : official site of MoD of RA
Պապիկյանն ու Բուրչուլաձեն կարևորել են տարածաշրջանում խաղաղությունն ու կայունությունը, ինչպես նաև բարիդրացիական հարաբերությունները: Կողմերն անդրադարձել են Ուկրաինայի իրավիճակին՝ նշելով, որ դա էապես փոխում է գլոբալ անվտանգության ճարտարապետությունը, այդ թվում՝ Հարավային Կովկասում:
Հիշեցնենք, որ ՀՀ պաշտպանության նախարար Սուրեն Պապիկյանն առաջին պաշտոնական այցով գտնվում է Վրաստանում:
Վերջին անգամ Հայաստանի պաշտպանական գերատեսչության ղեկավարը Վրաստան է այցելել 2019 թվականին, այն ժամանակ այդ պաշտոնը զբաղեցնում էր Դավիթ Տոնոյանը: