https://arm.sputniknews.ru/20220428/pashinjany-vorpes-meghadrjal-knergravvi-qrgortsin-ete-datakhazy-dimumn-ugharkel-e-qnnichin-41428711.html
Փաշինյանը որպես մեղադրյալ կներգրավվի՞ քրգործում, եթե դատախազը դիմումն ուղարկել է քննիչին
Փաշինյանը որպես մեղադրյալ կներգրավվի՞ քրգործում, եթե դատախազը դիմումն ուղարկել է քննիչին
Sputnik Արմենիա
ՀՀ գլխավոր դատախազը զոհված զինծառայողների ծնողների դիմումը՝ Փաշինյանին որպես մեղադրյալ ներգրավելու մասին, ուղարկել է քննիչին։ Sputnik Արմենիան զրուցել է... 28.04.2022, Sputnik Արմենիա
2022-04-28T23:30+0400
2022-04-28T23:30+0400
2022-04-29T09:24+0400
նիկոլ փաշինյան
քրեական գործ
դատախազ
ծնող
բողոքի ակցիա
զոհ
https://cdn.am.sputniknews.ru/img/07e5/09/1b/33674459_0:0:1670:940_1920x0_80_0_0_3e7de639eff17a65d631dea49402ea05.jpg
ԵՐԵՎԱՆ, 28 ապրիլի – Sputnik. 44-օրյա պատերազմում զոհվածների ծնողներն արդեն մի քանի օր է՝ բողոքի ակցիաներ են անում ՀՀ գլխավոր դատախազության շենքի դիմաց։ Առաջինը օրը նրանք դատախազին էին փոխանցել իրենց ստորագրություններով դիմում-պահանջը՝ 44-օրյա պատերազմի վերաբերյալ քրգործում վարչապետ Նիկոլ Փաշինյանին որպես մեղադրյալ ներգրավելու մասին։ Հաջորդ օրը դատախազությունից ծնողներին հայտնեցին, որ միջնորդությունն ուղարկվել է քրգործի վարույթն իրականացնող քննիչին։ Sputnik Արմենիայի հետ զրույցում իրավաբան, ԱԺ «Հայաստան» խմբակցության պատգամավոր Արամ Վարդևանյանը, որը ներկա էր դատախազին դիմումը հանձնելիս, ասաց, որ 2020թ․ նոյեմբերի 9-ից հետո դատախազությանը մի քանի հաղորդում է ներկայացվել Փաշինյանին որպես մեղադրյալ ներգրավելու մասին, բայց դրանցից որևէ մեկին ընթացք չի տրվել։Իսկ հավանակա՞ն է, որ Փաշինյանը ներգրավվի որպես մեղադրյալ․ Վարդևանյանի կարծիքով՝ այդպիսի ակնկալիք չկա, որովհետև քաղաքական տեսանկյունից հակակոռուպցիոն կառույցն, ըստ նրա, անկախ չի գործում։ ԱԺ «Լուսավոր Հայաստան» խմբակցության նախկին անդամ, իրավաբան Տարոն Սիմոնյանը նույնպես նման տեսակետ ունի։ Նրա կարծիքով ևս դժվար թե այս իշխանության օրոք Փաշինյանի նկատմամբ քրեական հետապնդում իրականացվի. հույս չկա, որ բոլոր փաստական հանգամանքներն օբյեկտիվ կդիտարկվեն, ու օբյեկտիվ քննություն իրականացվի։Մասնագիտական տեսանկյունից անդրադառնալով Վարդևանյանի դիտարկմանը, որ մի քանի անգամ եղել է Փաշինյանին որպես մեղադրյալ ներգրավելու մասին հաղորդում, սակայն սա առաջին դեպքն է, որ ուղարկվում է քննիչին, Սիմոնյանը բացատրեց՝ ըստ քրեական դատավարության օրենսգրքի՝ ցանկացած հաղորդում հանցագործության մասին, կլինի՝ անհատ քաղաքացիների, թե խմբերի կամ լրատվականների կողմից, պետք է հատուկ ընթացակարգով անցնի, այլ հարց է՝ որ փուլում է ավարտվում այդ դիմումի ճակատագիրը։«Օրենսդրական պահանջ է, որ երբ կա տեղեկատվություն, անպայման պետք է սկսել քննություն այդ առնչությամբ, բայց այլ բան է՝ արդյոք դիմումը հասնո՞ւմ է քրեական գործի հարուցման, թե ոչ»,- նշեց իրավաբանը։Ամեն դեպքում, Սիմոնյանի խոսքով՝ սա շատ կարևոր քրգործ է, որի շրջանակում կարող է այնպիսի փաստեր բացահայտվեն, որ մեր ամբողջ պետականության պատմության վրա ազդեցություն ունենան։Նշենք, որ ծնողների դիմումը վերաբերում է ՀՀ ՀՔԾ-ում 2020թ. նոյեմբերի 21-ին պաշտոնեական լիազորությունները չարաշահելու հատկանիշներով հարուցված քրգործին. քննության առարկա են պատերազմից առաջ և դրա ընթացքում ՀՀ բարձրաստիճան պաշտոնատար անձանց կողմից ենթադրաբար կատարված այնպիսի արարքներ, որոնք բացասական նշանակություն են ունեցել զինված ուժերի մարտունակության հարցում և ազդել պատերազմի արդյունքի վրա։Քրգործը միացված վարույթով քննվում է նաև ՀՀ հակակոռուպցիոն կոմիտեում, այդ պատճառով այժմ որոշումը սպասվում է հակակոռուպցիոն կոմիտեից։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, քրեական գործ, դատախազ, ծնող, բողոքի ակցիա, զոհ
նիկոլ փաշինյան, քրեական գործ, դատախազ, ծնող, բողոքի ակցիա, զոհ
Փաշինյանը որպես մեղադրյալ կներգրավվի՞ քրգործում, եթե դատախազը դիմումն ուղարկել է քննիչին
23:30 28.04.2022 (Թարմացված է: 09:24 29.04.2022) ՀՀ գլխավոր դատախազը զոհված զինծառայողների ծնողների դիմումը՝ Փաշինյանին որպես մեղադրյալ ներգրավելու մասին, ուղարկել է քննիչին։ Sputnik Արմենիան զրուցել է իրավաբանների հետ՝ հասկանալու, թե որքանով է հնարավոր, որ Փաշինյանն իսկապես որպես մեղադրյալ ներգրավվի։
ԵՐԵՎԱՆ, 28 ապրիլի – Sputnik. 44-օրյա պատերազմում զոհվածների ծնողներն արդեն մի քանի օր է՝ բողոքի ակցիաներ են անում ՀՀ գլխավոր դատախազության շենքի դիմաց։ Առաջինը օրը նրանք դատախազին էին փոխանցել իրենց ստորագրություններով դիմում-պահանջը՝ 44-օրյա պատերազմի վերաբերյալ քրգործում վարչապետ Նիկոլ Փաշինյանին որպես մեղադրյալ ներգրավելու մասին։ Հաջորդ օրը դատախազությունից ծնողներին հայտնեցին, որ միջնորդությունն ուղարկվել է քրգործի վարույթն իրականացնող քննիչին։
Sputnik Արմենիայի հետ զրույցում իրավաբան, ԱԺ «Հայաստան» խմբակցության պատգամավոր Արամ Վարդևանյանը, որը ներկա էր դատախազին դիմումը հանձնելիս, ասաց, որ 2020թ․ նոյեմբերի 9-ից հետո դատախազությանը մի քանի հաղորդում է ներկայացվել Փաշինյանին որպես մեղադրյալ ներգրավելու մասին, բայց դրանցից որևէ մեկին ընթացք չի տրվել։
«Այս անգամ գլխավոր դատախազը որոշակի գործողություն կատարեց, այն է՝ Փաշինյանին որպես մեղադրյալ ներգրավելու տրամաբանությամբ միջնորդությունն ուղարկեց հակակոռուպցիոն կոմիտեին՝ քննության։ Այսինքն, այդպիսի բառակապակցություններով միջնորդության քննությունից մշտապես խուսափվում էր, բայց այս անգամ այդպես չեղավ»,- ասաց Վարդևանյանը։
Իսկ հավանակա՞ն է, որ Փաշինյանը ներգրավվի որպես մեղադրյալ․ Վարդևանյանի կարծիքով՝ այդպիսի ակնկալիք չկա, որովհետև քաղաքական տեսանկյունից հակակոռուպցիոն կառույցն, ըստ նրա, անկախ չի գործում։
ԱԺ «Լուսավոր Հայաստան» խմբակցության նախկին անդամ, իրավաբան Տարոն Սիմոնյանը նույնպես նման տեսակետ ունի։ Նրա կարծիքով ևս դժվար թե այս իշխանության օրոք Փաշինյանի նկատմամբ քրեական հետապնդում իրականացվի. հույս չկա, որ բոլոր փաստական հանգամանքներն օբյեկտիվ կդիտարկվեն, ու օբյեկտիվ քննություն իրականացվի։
Մասնագիտական տեսանկյունից անդրադառնալով Վարդևանյանի դիտարկմանը, որ մի քանի անգամ եղել է Փաշինյանին որպես մեղադրյալ ներգրավելու մասին հաղորդում, սակայն սա առաջին դեպքն է, որ ուղարկվում է քննիչին, Սիմոնյանը բացատրեց՝ ըստ քրեական դատավարության օրենսգրքի՝ ցանկացած հաղորդում հանցագործության մասին, կլինի՝ անհատ քաղաքացիների, թե խմբերի կամ լրատվականների կողմից, պետք է հատուկ ընթացակարգով անցնի, այլ հարց է՝ որ փուլում է ավարտվում այդ դիմումի ճակատագիրը։
«Օրենսդրական պահանջ է, որ երբ կա տեղեկատվություն, անպայման պետք է սկսել քննություն այդ առնչությամբ, բայց այլ բան է՝ արդյոք դիմումը հասնո՞ւմ է քրեական գործի հարուցման, թե ոչ»,- նշեց իրավաբանը։
Ամեն դեպքում, Սիմոնյանի խոսքով՝ սա շատ կարևոր քրգործ է, որի շրջանակում կարող է այնպիսի փաստեր բացահայտվեն, որ մեր ամբողջ պետականության պատմության վրա ազդեցություն ունենան։
«Այնքան հարցեր կան, որ անպատասխան են այսօր, որոնց պատասխանը քննությունը պետք է տա, այդ թվում՝ քրեական գործի շրջանակներում քննությունը, որովհետև ես նաև հույս չունեմ, որ ԱԺ պատերազմի գործերը քննող հանձնաժողովը օբյեկտիվ եզրակացություն պետք է տա»,- հավելեց Սիմոնյանը։
Նշենք, որ ծնողների դիմումը վերաբերում է ՀՀ ՀՔԾ-ում 2020թ. նոյեմբերի 21-ին պաշտոնեական լիազորությունները չարաշահելու հատկանիշներով հարուցված քրգործին. քննության առարկա են պատերազմից առաջ և դրա ընթացքում ՀՀ բարձրաստիճան պաշտոնատար անձանց կողմից ենթադրաբար կատարված այնպիսի արարքներ, որոնք բացասական նշանակություն են ունեցել զինված ուժերի մարտունակության հարցում և ազդել պատերազմի արդյունքի վրա։
Քրգործը միացված վարույթով քննվում է նաև ՀՀ հակակոռուպցիոն կոմիտեում, այդ պատճառով այժմ որոշումը սպասվում է հակակոռուպցիոն կոմիտեից։
