https://arm.sputniknews.ru/20220428/gjughakan-hamajnqnerum-usucichneri-hamar-petq-e-artonutjunner-linen-pordzaget--41452319.html
Գյուղական համայնքներում ուսուցիչների համար պետք է արտոնություններ լինեն. փորձագետ
Գյուղական համայնքներում ուսուցիչների համար պետք է արտոնություններ լինեն. փորձագետ
Sputnik Արմենիա
Կրթական հարցերի փորձագետ Ատոմ Մխիթարյանը Sputnik Արմենիայի եթերում անդրադարձել է հեռավոր ու սահմանամերձ գյուղական համայնքներում ուսուցիչների սակավության... 28.04.2022, Sputnik Արմենիա
2022-04-28T23:20+0400
2022-04-28T23:20+0400
2022-04-29T09:20+0400
ռադիո
պոդկաստ
գյուղ
ատոմ մխիթարյան
ուսուցիչ
https://cdn.am.sputniknews.ru/img/07e6/04/1c/41447296_0:35:1499:878_1920x0_80_0_0_0d5fcd231c9302f436edf913b46b8a3d.jpg
Մխիթարյան. Գյուղերում ուսուցիչներն ավելի շատ վաստակում են գյուղատնտեսությունից, քան մասնագիտական գործունեությունից
Sputnik Արմենիա
Մխիթարյան. Գյուղերում ուսուցիչներն ավելի շատ վաստակում են գյուղատնտեսությունից, քան մասնագիտական գործունեությունից
Գյուղերի դպրոցներում, հատկապես այն համայնքներում, որտեղ աշակերտների թիվը փոքր է ու դասաժամերը քիչ են, ուսուցիչները չեն կարողանա բարձր աշխատավարձ ստանալ, որքան էլ որ ցանկանան, Sputnik Արմենիայի հետ զրույցում ասաց կրթական հարցերի փորձագետ Ատոմ Մխիթարյանը։«Դեռ խորհրդային ժամանակներից կար մի հետաքրքիր մեխանիզմ, որն առնչվում էր նպատակային գործուղումներին, այսինքն` տեղի լավագույն աշակերտներին հնարավորություն էր տրվում մանկավարժական բուհում սովորելու այն պայմանով, որ նրանք պետք է վերադառնան և իրենց բնակավայրերում դասավանդեն։ Սա շատ լավ պրակտիկա է, որովհետև այդ դեպքում չէր առաջանում կացարանի խնդիր, և կադրերը չէին լքում իրենց հարազատ բնակավայրերը, մինչդեռ հիմա նկատվում է արտագաղթ հատկապես բարձր լեռնային սահմանամերձ գյուղերից»,- նշեց կրթական հարցերի փորձագետը։Ըստ նրա` անհրաժեշտ է նաև լրացուցիչ խթան հարկային դաշտի արտոնությունների տեսքով այն ուսուցիչների համար, որոնք գյուղերում կդասավանդեն, կամ հողատարածքներ հատկացնել նրանց, որպեսզի կապվեն սահմանամերձ կամ բարձրլեռնային գյուղերի հետ, որովհետև տեղերում ուսուցիչներն ավելի շատ վաստակում են գյուղատնտեսությունից, քան մասնագիտական գործունեությունից։Փորձագետի դիտարկմամբ` կարելի է մտածել նաև վարկավորման ցածր տոկոսադրույքների մասին, որովհետև ուսուցիչը միայնակ անհատ չէ, ունի ընտանիք, կին, երեխաներ, որոնք միայն ուսուցչի աշխատանքով դժվար թե կարողանան ապրել, ուստի նրանց պարագայում պետք է գործեն որոշակի արտոնություններ։ Նրա կարծիքով` դա կբերի նրան, որ հասարակության մեջ ուսուցչի՝ որպես ստեղծագործող մարդու, նկատմամբ վերաբերմունքը կփոխվի։ Ըստ Մխիթարյանի` այս ամենն ի վերջո կնպաստի նաև հեռավոր սահմանամերձ գյուղերում կրթության որակի բարձրացմանը։Նշենք, որ սահմանամերձ կամ բարձրլեռնային բնակավայրերի դպրոցներում ուսուցչի 218 թափուր տեղ կա:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պոդկաստ, գյուղ, ատոմ մխիթարյան, ուսուցիչ, аудио
պոդկաստ, գյուղ, ատոմ մխիթարյան, ուսուցիչ, аудио
Գյուղական համայնքներում ուսուցիչների համար պետք է արտոնություններ լինեն. փորձագետ
23:20 28.04.2022 (Թարմացված է: 09:20 29.04.2022) Կրթական հարցերի փորձագետ Ատոմ Մխիթարյանը Sputnik Արմենիայի եթերում անդրադարձել է հեռավոր ու սահմանամերձ գյուղական համայնքներում ուսուցիչների սակավության խնդրին։
Գյուղերի դպրոցներում, հատկապես այն համայնքներում, որտեղ աշակերտների թիվը փոքր է ու դասաժամերը քիչ են, ուսուցիչները չեն կարողանա բարձր աշխատավարձ ստանալ, որքան էլ որ ցանկանան,
Sputnik Արմենիայի հետ զրույցում ասաց կրթական հարցերի փորձագետ Ատոմ Մխիթարյանը։
«Դեռ խորհրդային ժամանակներից կար մի հետաքրքիր մեխանիզմ, որն առնչվում էր նպատակային գործուղումներին, այսինքն` տեղի լավագույն աշակերտներին հնարավորություն էր տրվում մանկավարժական բուհում սովորելու այն պայմանով, որ նրանք պետք է վերադառնան և իրենց բնակավայրերում դասավանդեն։ Սա շատ լավ պրակտիկա է, որովհետև այդ դեպքում չէր առաջանում կացարանի խնդիր, և կադրերը չէին լքում իրենց հարազատ բնակավայրերը, մինչդեռ հիմա նկատվում է արտագաղթ հատկապես բարձր լեռնային սահմանամերձ գյուղերից»,- նշեց կրթական հարցերի փորձագետը։
Մխիթարյանի կարծիքով`փորձված մեխանիզմը վերստին պետք է կիրառել` հատկացնելով նպատակային տեղեր գյուղերից ժամանող այն դիմորդներին, որոնք բուհական ուսումնառությունից հետո վերադառնալու են իրենց բնակավայրեր՝ աշխատելու։
Ըստ նրա` անհրաժեշտ է նաև լրացուցիչ խթան հարկային դաշտի արտոնությունների տեսքով այն ուսուցիչների համար, որոնք գյուղերում կդասավանդեն, կամ հողատարածքներ հատկացնել նրանց, որպեսզի կապվեն սահմանամերձ կամ բարձրլեռնային գյուղերի հետ, որովհետև տեղերում ուսուցիչներն ավելի շատ վաստակում են գյուղատնտեսությունից, քան մասնագիտական գործունեությունից։
Փորձագետի դիտարկմամբ` կարելի է մտածել նաև վարկավորման ցածր տոկոսադրույքների մասին, որովհետև ուսուցիչը միայնակ անհատ չէ, ունի ընտանիք, կին, երեխաներ, որոնք միայն ուսուցչի աշխատանքով դժվար թե կարողանան ապրել, ուստի նրանց պարագայում պետք է գործեն որոշակի արտոնություններ։ Նրա կարծիքով` դա կբերի նրան, որ հասարակության մեջ ուսուցչի՝ որպես ստեղծագործող մարդու, նկատմամբ վերաբերմունքը կփոխվի։ Ըստ Մխիթարյանի` այս ամենն ի վերջո կնպաստի նաև հեռավոր սահմանամերձ գյուղերում կրթության որակի բարձրացմանը։
Նշենք, որ սահմանամերձ կամ բարձրլեռնային բնակավայրերի դպրոցներում ուսուցչի 218 թափուր տեղ կա:
