Աղոթք, ծեծ, հսկայական դրոշ․ ինչպես անցան ընդդիմության երեք երթերը
22:41 27.04.2022 (Թարմացված է: 22:58 27.04.2022)
© Sputnik / Asatur Yesayants«Զարթնիր, լաո» իրազեկման քայլերթը (27 ապրիլի, 2022թ). Երևան
![«Զարթնիր, լաո» իրազեկման քայլերթը (27 ապրիլի, 2022թ). Երևան «Զարթնիր, լաո» իրազեկման քայլերթը (27 ապրիլի, 2022թ). Երևան - Sputnik Արմենիա, 1920, 27.04.2022](https://cdn.am.sputniknews.ru/img/07e6/04/1b/41405865_0:83:1600:983_1920x0_80_0_0_b641b6b919c5cf546baf411e11bb95ad.jpg)
© Sputnik / Asatur Yesayants
Բաժանորդագրվել
Այսօր երեք երթ են անցկացրել «Հայաստան» դաշինքը, «Պատիվ ունեմ» դաշինքը և «5165» շարժումը։
ԵՐԵՎԱՆ, 27 ապրիլի – Sputnik. ԱԺ «Հայաստան» խմբակցության կազմակերպած երթը, որը մեկնարկել էր Երևանի Գարեգին Նժդեհի հրապարակից, ավարտվեց Ֆրանսիայի հրապարակում՝ Ազատության հրապարակին հարակից տարածքում։
Երթը ղեկավարում էր խորհրդարանի փոխնախագահ Իշխան Սաղաթելյանը։ Երթին մասնակցում էին նաև ՀՀ երկրորդ նախագահ Ռոբերտ Քոչարյանի որդին, դուստրը և փեսան։
Մեկ այլ երթ՝ ԱԺ «Պատիվ ունեմ» խմբակցության ղեկավարի գլխավորությամբ, Ազատության հրապարակից շարժվել էր դեպի քաղաքի կենտրոնի Պարոնյան-Լեո փողոցների խաչմերուկ, որտեղ վարչապետ Փաշինյանի ավտոշարասյան առաջին մեքենան երեկ վրաերթի էր ենթարկել Սոնա Մնացականյանին։ Կինը մահացել էր։
© Sputnik / Asatur Yesayants«Զարթնիր, լաո» իրազեկման քայլերթը (27 ապրիլի, 2022թ). Երևան
![«Զարթնիր, Լաո» իրազեկման քայլերթը (27 ապրիլի, 2022թ). Երևան «Զարթնիր, Լաո» իրազեկման քայլերթը (27 ապրիլի, 2022թ). Երևան - Sputnik Արմենիա, 1920, 27.04.2022](https://cdn.am.sputniknews.ru/img/07e6/04/1b/41406322_0:0:1600:1067_1920x0_80_0_0_2f80093110c6b0ca27250a1a224e6b60.jpg)
«Զարթնիր, լաո» իրազեկման քայլերթը (27 ապրիլի, 2022թ). Երևան
© Sputnik / Asatur Yesayants
Պարոնյան-Լեո փողոցների հատվող մասում ընդդիմադիրները մոմեր ու խաղալիքներ են դրել, աղոթել մահացած կնոջ համար։ Նրանք նաև հարձակվել ու հարվածներ էին հասցրել փողոցով անցնող՝ «Անտարես» հրատարակչության տնօրեն Արմեն Մարտիրոսյանին։ Մարտիրոսյանը ՀԱԿ դաշինքի անդամ է եղել Նիկոլ Փաշինյանի հետ, նրանք, ըստ որոշ տեղեկությունների, մտերիմ են։
Երրորդ երթը կազմակերպել էր Կարին Տոնոյանի գլխավորած «5165» շարժումը։ Երթի մասնակիցները Արցախի 40-մետրանոց դրոշով Մարզահամերգային համալիրից Կիևյան փողոցով երթով շարժվել են դեպի քաղաքի կենտրոն, Հանրապետության հրապարակ և Ազատության հրապարակ։ Երթը առաջնորդող Տոնոյանը նշել է, որ իրենց նպատակը ոչ թե Փաշինյանի հրաժարականն է, այլ կալանավորումը։
© Sputnik / Aram Nersesyan«5165» շարժման ղեկավար Կարին Տոնոյանը 40-մետրանոց դրոշով քայլերթի ժամանակ (27 ապրիլի, 2022թ). Երևան
![«5165» շարջման ղեկավար Կարին Տոնոյանը 40-մետրանոց դրոշով քայլերդի ժամանակ Օրբելի եղբայրների փողոցում (27 ապրիլի, 2022թ). Երևան «5165» շարջման ղեկավար Կարին Տոնոյանը 40-մետրանոց դրոշով քայլերդի ժամանակ Օրբելի եղբայրների փողոցում (27 ապրիլի, 2022թ). Երևան - Sputnik Արմենիա, 1920, 27.04.2022](https://cdn.am.sputniknews.ru/img/07e6/04/1b/41411069_0:0:1600:1065_1920x0_80_0_0_a5d033808b4981b6a35cea36fa31e237.jpg)
«5165» շարժման ղեկավար Կարին Տոնոյանը 40-մետրանոց դրոշով քայլերթի ժամանակ (27 ապրիլի, 2022թ). Երևան
© Sputnik / Aram Nersesyan
Հիշեցնենք` արդեն մի քանի օր է՝ ընդդիմությունն ակցիաներ է անում Երևանում։
Ապրիլի 27-ի առավոտը բացվեց Թատրոնի և կինոյի պետական ինստիտուտի ուսանողների քոչարիով։ Հանրապետության հրապարակում «Ազատագրական շարժման» անդամները ցանկանում էին ախտահանել ՀՀ կառավարության շենքը և վարչապետ Նիկոլ Փաշինյանին, այնուհետև երիտասարդները իրազեկման ակցիա էին անում Վ. Բրյուսովի անվան լեզվահասարակագիտական համալսարանում, որից հետո փակեցին Թումանյան փողոցը։ ՀՀԿ-ական երիտասարդներն էլ փակել էին Մյասնիկյան և Ազատության պողոտաները։
Բերման է ենթարկվել 52 մարդ։