https://arm.sputniknews.ru/20220426/ogtvel-e-petq-hajastann-u-hndkastany-vor-volvortnerum-karvogh-en-hamagvortsakcel-41356949.html

Օգտվել է պետք. Հայաստանն ու Հնդկաստանը ո՞ր ոլորտներում կարող են համագործակցել

Օգտվել է պետք. Հայաստանն ու Հնդկաստանը ո՞ր ոլորտներում կարող են համագործակցել

Sputnik Արմենիա

«Հայացք» վերլուծական կենտրոնի փորձագետ, տնտեսագետ Լիլիա Ամիրխանյանը Sputnik Արմենիայի եթերում խոսել է հայ-հնդկական տնտեսական հարաբերությունների մասին։ 26.04.2022, Sputnik Արմենիա

2022-04-26T23:10+0400

2022-04-26T23:10+0400

2022-04-26T23:24+0400

ռադիո

հայաստան

հնդկաստան

համագործակցություն

պոդկաստ

եվրասիական տնտեսական միություն (եատմ)

լիլիա ամիրխանյան

https://cdn.am.sputniknews.ru/img/07e6/04/1a/41350509_0:0:2048:1153_1920x0_80_0_0_e115a90eb5bb9e4b6b05aed759fac1c8.jpg

Հայաստանի ու Հնդկաստանի տնտեսական համագործակցությունը, բացի երկկողմ ուղիղ տնտեսական կապերից, կարող է ծավալվել նաև աշխարհաքաղաքական նոր իրողությունների շուրջ, հատկապես 2020թ․ 44-օրյա պատերազմից հետո Հնդկաստանից դրական ազդակներ կան։ Այս մասին Sputnik Արմենիայի եթերում ասաց տնտեսագետ Լիլիա Ամիրխանյանը՝ նշելով, որ Հայաստան-Հնդկաստան հարաբերությունների կարևորությունը երեք հիմնական ուղղություն ունի։Նախ, ըստ նրա, հիմնականը երկկողմ տնտեսական հարաբերություններ են, որտեղ իրականում բավական մեծ և չիրացված ներուժ կա, այդ թվում` առևտրային հարաբերություններում։ Համագործակցությունը հնարավոր է ամենատարբեր ոլորտներում՝ ՏՏ, գյուղատնտեսություն կամ զբոսաշրջություն։Մյուսը տարածաշրջանային ենթակառուցվածքային ներդրումային նախագծերն են, որոնց նկատմամբ Հնդկաստանը բավական մեծ հետաքրքրություն ունի։ Այս ուղղությունը, տնտեսագետի պնդմամբ, մեզ համար նույնիսկ կենսական կարևորության նշանակություն ունի։ Հնդկական կողմին հատկապես հետաքրքրում է «Հյուսիս-հարավ»տրանսպորտային նախագիծը, որի անդամ ենք և՛ մենք, և՛ Հնդկաստանը, ավելի լայն՝ Պարսից ծոցը Սև ծովին միացնող տարանցիկ տնտեսական միջանցքը ևայլն։«Հնդկաստանը առավել քան երբևէ ակտիվ դրական մեսիջներ էր հղում դեռևս 44-օրյա պատերազմից հետո, ողջ 2021-ի ընթացքում։ Այսինքն` տարածաշրջանային ենթակառուցվածքների մասով հարաբերությունների տեսանկյունից առանձին հնարավորությունների դաշտ է բացվում»,- բացատրեց Ամիրխանյանը։Եվ երրորդ ուղղությունը, որտեղ Հայաստանի ու Հնդկաստանի տնտեսական հարաբերությունների զարգացման համար կարող են նոր հնարավորություններ լինել, Հնդկաստան-ԵԱՏՄ համագործակցությունն է։ Հայաստանը ԵԱՏՄ լիարժեք անդամ է և կարող է միջնորդի դեր ունենալ ԵԱՏՄ-երրորդ երկիր (այս դեպքում՝ Հնդկաստան) հարաբերություններում։Ամիրխանյանը նշեց, որ և՛ ֆինանսական, և՛ առևտրատնտեսական, և՛ ընդհանրապես հնարավոր տարածաշրջանային համագործակցության տեսանկյունից այսօր հնդկական շուկան ԵԱՏՄ-ի համար ավելի քան կարևոր է։«Մյուս կողմից, բնականաբար, Հնդկաստանի և առհասարակ ցանկացած մեծ շուկայի համագործակցությունը ԵԱՏՄ–ի հետ, ինչ ձևաչափով էլ, որ լինի, նաև ածանցյալ հնարավորություններ է տալիս մեզ՝ որպես ԵԱՏՄ լիարժեք անդամ»,- ասաց տնտեսագետը։Ցանկացած դեպքում, ըստ նրա, եղած տնտեսական հարաբերությունների իրական ներուժն ամբողջությամբ չի օգտագործվում, ու չնայած 2021-ի սկզբից դրական ազդակներ կան` մենք առայժմ առարկայական որևէ գործընթաց չենք նկատում։ Եղել են բարձր մակարդակով փոխադարձ այցեր ու հայտարարություններ, բայց հարաբերություններն այդ այցերի ու հայտարարությունների մակարդակում են մնացել, պետք է աշխատանք տարվի դրանք զարգացնելու ուղղությամբ։Հիշեցնենք, որ այս օրերին պաշտոնական այցով Հնդկաստան է մեկնել Հայաստանի արտգործնախարար Արարատ Միրզոյանը։ Այցի շրջանակում Հնդկաստանի մայրաքաղաք Նյու Դելիում տեղի է ունեցել հայ-հնդկական գործարար համաժողով, որի ընթացքում Միրզոյանը հայտարարել է՝ կողմերը նոր էջ են բացում հայ-հնդկական տնտեսական համագործակցության պատմության մեջ։

հնդկաստան

2022

Լուրեր

am_HY

հայաստան, հնդկաստան, համագործակցություն, պոդկաստ, եվրասիական տնտեսական միություն (եատմ), լիլիա ամիրխանյան, аудио