https://arm.sputniknews.ru/20220426/aghby-chtujlatrvats-tegherum-tapelu-hamar-sahmanvats-tuganqnern-ajdqan-el-chen-kirarvum-41345153.html
Աղբը չթույլատրված տեղերում թափելու համար սահմանված տուգանքներն այդքան էլ չեն կիրառվում
Աղբը չթույլատրված տեղերում թափելու համար սահմանված տուգանքներն այդքան էլ չեն կիրառվում
Sputnik Արմենիա
ՀՀ ՏԿԵՆ կապիտալ ծրագրերի աջակցության և կոշտ թափոնների կառավարման վարչության պետ Նարինե Ավետյանը Sputnik Արմենիայի եթերում անդրադարձել է աղբահանության խնդրին և... 26.04.2022, Sputnik Արմենիա
2022-04-26T23:59+0400
2022-04-26T23:59+0400
2022-04-27T09:06+0400
ռադիո
հայաստան
աղբ
թափոն
պոդկաստ
https://cdn.am.sputniknews.ru/img/07e6/04/1a/41338867_0:0:1600:901_1920x0_80_0_0_0575b7727e69381ad616b8d34817097e.jpg
Աղբը չթուլատրված տեղերում թափելու համար սահմանված տուգանքներն այդքան էլ չեն կիրառվում
Sputnik Արմենիա
Աղբը չթուլատրված տեղերում թափելու համար սահմանված տուգանքներն այդքան էլ չեն կիրառվում
Աղբը չթույլատրված տեղերում թափելու համար սահմանված տուգանքները փաստացի այդքան էլ չեն կիրառվում, ուստի կրկին փորձ է արվում օրենսդրական փոփոխություններ անել, որպեսզի վերահսկողությունը լինի ավելի հստակ։ Sputnik Արմենիայի հետ զրույցում այս մասին ասաց ՀՀ ՏԿԵՆ կապիտալ ծրագրերի աջակցության և կոշտ թափոնների կառավարման վարչության պետ Նարինե Ավետյանը։Ավետյանի խոսքով` աղբահանության հետ կապված միջոցառումները պետք է լինեն բազմակողմանի` և՛ ինստիտուցիոնալ, և՛ օրենսդրական առումով, ինչպես նաև շատ կարևոր է անմիջական աշխատանքը բնակիչների հետ։ «Անցյալ տարի հաստատվել են աղբահանության ոլորտի ռազմավարությունը և միջոցառումների ծրագիրը` կազմված 36 միջոցառումներից, որոնք թույլ են տալիս իրավական, օրենսդրական և ինստիտուցիոնալ հենք ստեղծել աղբի պատշաճ հավաքման, տեղափոխման ու վերամշակման համար»,- նշեց վարչության պետը։Այդուհանդերձ, ըստ նրա, բավական շատ աշխատանք պետք է կատարվի հատկապես քաղաքացիների հետ, որովհետև, որքան էլ իրավասու մարմինները փորձեն օրենսդրությունն ու ինստիտուցիոնալ համակարգը բարելավել, միևնույն է, յուրաքանչյուր մարդ պետք է ինքը գիտակցի, որ չպետք է աղտոտի շրջապատը, որտեղ մեծանում են հենց իրենց երեխաները։ Ըստ նրա` խնդիրը շատ բարդ է, մանավանդ որ հիմա ցանկացած վայրում կարելի է տեսնել, թե ինչպես է թափվում աղբը։Անդրադառնալով շինհրապարակներում առկա վիճակին` Ավետյանն ընդգծեց, որ արդեն իսկ մշակվել են շինարարական աղբի հավաքման, պահման, տեղափոխման ու վնասազերծման պահանջները։Խոսելով կոշտ թափոնների վերամշակման հեռանկարների մասին` նա նշեց, որ օրենսդրության մեջ ներառվել են խթանիչ միջոցառումներ և՛ տնտեսվարողների, և՛ քաղաքացիների համար, որպեսզի կարողանան աղբը տեսակավորել, նաև վերամշակել, հետևաբար արվում են համապատասխան քայլեր, որպեսզի օրենսդրական դաշտում աջակցությունն այդ ուղղությամբ նույնպես ապահովվի, և լինի որոշակի արդյունք։Նշենք, որ «Աղբահանության և սանիտարական մաքրման մասին» ՀՀ օրենքում փոփոխություններ և լրացումներ կատարելու մասին նախագիծը հասանելի է իրավական ակտերի նախագծերի հրապարակման միասնական կայքում։Հիշեցնենք` աղբամուղերից, աղբահավաք խցերից, աղբարկղերից, աղբամաններից, աղբահավաք մեքենաներից, ինչպես նաև աղբավայրերից դուրս աղբ թափելու համար սահմանված է տուգանք` ֆիզիկական անձանց նկատմամբ՝ նվազագույն աշխատավարձի քսանապատիկից մինչև երեսնապատիկի չափով, պաշտոնատար անձանց նկատմամբ՝ քառասնապատիկից մինչև հարյուրապատիկի չափով:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, աղբ, թափոն, պոդկաստ, аудио
հայաստան, աղբ, թափոն, պոդկաստ, аудио
Աղբը չթույլատրված տեղերում թափելու համար սահմանված տուգանքներն այդքան էլ չեն կիրառվում
23:59 26.04.2022 (Թարմացված է: 09:06 27.04.2022) ՀՀ ՏԿԵՆ կապիտալ ծրագրերի աջակցության և կոշտ թափոնների կառավարման վարչության պետ Նարինե Ավետյանը Sputnik Արմենիայի եթերում անդրադարձել է աղբահանության խնդրին և ոլորտը կարգավորող օրենսդրական նախաձեռնություններին։
Աղբը չթույլատրված տեղերում թափելու համար սահմանված տուգանքները փաստացի այդքան էլ չեն կիրառվում, ուստի կրկին փորձ է արվում օրենսդրական փոփոխություններ անել, որպեսզի վերահսկողությունը լինի ավելի հստակ։
Sputnik Արմենիայի հետ զրույցում այս մասին ասաց ՀՀ ՏԿԵՆ կապիտալ ծրագրերի աջակցության և կոշտ թափոնների կառավարման վարչության պետ Նարինե Ավետյանը։
«Աշխատանքներ են իրականացվում նաև տեսչական մարմինների ու ոստիկանության հետ, որպեսզի նրանց միջոցով տույժ ու տուգանքները լիարժեքորեն կիրառվեն, և այդ դեպքում գուցե հնարավոր լինի կանխել աղբի համատարած թափումը ոչ սահմանված վայրերում»,- ասաց նա։
Ավետյանի խոսքով` աղբահանության հետ կապված միջոցառումները պետք է լինեն բազմակողմանի` և՛ ինստիտուցիոնալ, և՛ օրենսդրական առումով, ինչպես նաև շատ կարևոր է անմիջական աշխատանքը բնակիչների հետ։
«Անցյալ տարի հաստատվել են աղբահանության ոլորտի ռազմավարությունը և միջոցառումների ծրագիրը` կազմված 36 միջոցառումներից, որոնք թույլ են տալիս իրավական, օրենսդրական և ինստիտուցիոնալ հենք ստեղծել աղբի պատշաճ հավաքման, տեղափոխման ու վերամշակման համար»,- նշեց վարչության պետը։
Այդուհանդերձ, ըստ նրա, բավական շատ աշխատանք պետք է կատարվի հատկապես քաղաքացիների հետ, որովհետև, որքան էլ իրավասու մարմինները փորձեն օրենսդրությունն ու ինստիտուցիոնալ համակարգը բարելավել, միևնույն է, յուրաքանչյուր մարդ պետք է ինքը գիտակցի, որ չպետք է աղտոտի շրջապատը, որտեղ մեծանում են հենց իրենց երեխաները։ Ըստ նրա` խնդիրը շատ բարդ է, մանավանդ որ հիմա ցանկացած վայրում կարելի է տեսնել, թե ինչպես է թափվում աղբը։
Անդրադառնալով շինհրապարակներում առկա վիճակին` Ավետյանն ընդգծեց, որ արդեն իսկ մշակվել են շինարարական աղբի հավաքման, պահման, տեղափոխման ու վնասազերծման պահանջները։
«Որքան էլ փորձենք գնալ և տեղում վերահսկել, ցանկալի արդյունք չի լինի, եթե չլինեն օրենսդրությամբ սահմանված լիազորություններ։ Այդ իսկ պատճառով էլ մշակվել են համապատասխան նորմեր։ Հիմա ակնկալում ենք «Աղբահանության և սանիտարական մաքրման մասին» օրենքի հաստատումը, ինչից հետո վերոհիշյալ նորմերը կառավարության որոշմամբ նույնպես կհաստատվեն։ Դրա համար պարզապես անհրաժեշտ էր իրականացնել օրենսդրական փոփոխություններ»,- ասաց Ավետյանը։
Խոսելով կոշտ թափոնների վերամշակման հեռանկարների մասին` նա նշեց, որ օրենսդրության մեջ ներառվել են խթանիչ միջոցառումներ և՛ տնտեսվարողների, և՛ քաղաքացիների համար, որպեսզի կարողանան աղբը տեսակավորել, նաև վերամշակել, հետևաբար արվում են համապատասխան քայլեր, որպեսզի օրենսդրական դաշտում աջակցությունն այդ ուղղությամբ նույնպես ապահովվի, և լինի որոշակի արդյունք։
Նշենք, որ «Աղբահանության և սանիտարական մաքրման մասին» ՀՀ օրենքում փոփոխություններ և լրացումներ կատարելու մասին նախագիծը հասանելի է
իրավական ակտերի նախագծերի հրապարակման միասնական կայքում։Հիշեցնենք` աղբամուղերից, աղբահավաք խցերից, աղբարկղերից, աղբամաններից, աղբահավաք մեքենաներից, ինչպես նաև աղբավայրերից դուրս աղբ թափելու համար սահմանված է տուգանք` ֆիզիկական անձանց նկատմամբ՝ նվազագույն աշխատավարձի քսանապատիկից մինչև երեսնապատիկի չափով, պաշտոնատար անձանց նկատմամբ՝ քառասնապատիկից մինչև հարյուրապատիկի չափով:
