https://arm.sputniknews.ru/20220419/ppts-n-aats-ic-arandznacnelu-ardjunavetutjuny-cujc-kta-zhamanaky-miqajel-hambardzumjan-41070661.html
ՊՊԾ-ն ԱԱԾ-ից առանձնացնելու արդյունավետությունը ցույց կտա ժամանակը. Միքայել Համբարձումյան
ՊՊԾ-ն ԱԱԾ-ից առանձնացնելու արդյունավետությունը ցույց կտա ժամանակը. Միքայել Համբարձումյան
Sputnik Արմենիա
ԱԱԾ տնօրենի նախկին ժամանակավոր պաշտոնակատար, «ԱԱԾ պահեստազորի սպաների միություն» ՀԿ համահիմնադիր Միքայել Համբարձումյանը Sputnik Արմենիայի հետ զրույցում... 19.04.2022, Sputnik Արմենիա
2022-04-19T23:44+0400
2022-04-19T23:44+0400
2022-04-20T09:30+0400
միքայել համբարձումյան
հհ ազգային անվտանգության ծառայություն. աած
վարչապետ
ռադիո
պոդկաստ
https://cdn.am.sputniknews.ru/img/07e6/04/13/41069555_0:0:1001:563_1920x0_80_0_0_12f537abf87c8010f0eae2a68e218379.jpg
Պետական պահպանության ծառայությունն ԱԱԾ-ից առանձնացնելու արդյունավետությունը ցույց կտա ժամանակը
Sputnik Արմենիա
Պետական պահպանության ծառայությունն ԱԱԾ-ից առանձնացնելու արդյունավետությունը ցույց կտա ժամանակը
Պետական պահպանության ծառայությունը ԱԱԾ-ից առանձնացնելը հետապնդում է հիմնականում մեկ նպատակ` ուժեղացնել այդ ծառայությունը, բարձրացնել նրա կարգավիճակը և օժտել բավական լուրջ լիազորություններով, Sputnik Արմենիայի հետ զրույցում ասաց ԱԱԾ տնօրենի նախկին ժամանակավոր պաշտոնակատար Միքայել Համբարձումյանը։«Չեմ կարող ասել` լավ են անում, թե վատ, որովհետև պրակտիկայում, օրինակ, ՌԴ-ում նույնպես տվյալ կառույցը գործում է առանձին, բայց երբ համատեղում ենք մոտեցումը, թե արդյոք օպերատիվ աշխատանքների իրականացման իմաստով դա արդյունավետ կլինի, ապա դրա պատասխանը կտրվի ժամանակի ընթացքում։ Եթե չեմ սխալվում, նախատեսվում է նաև փոփոխություն կատարել օպերատիվ- հետախուզական գործունեության մասին օրենքում, ինչի արդյունքում ՊՊԾ-ն լիազորություն կստանա նաև առանձին օպերատիվ- հետախուզական միջոցառումներ իրականացնել, ինչը կարևոր ֆունկցիա է ավելի լայն գործունեություն ծավալելու համար»,- ասաց Համբարձումյանը։Նրա դիտարկմամբ` նախկինում ՊՊԾ ղեկավարը ԱԱԾ-ի տնօրենի ուղիղ ենթակայության տակ էր, իսկ հիմա կարգավիճակը փոխվում է և ենթակայությունն արդեն վերապահվում է ուղիղ վարչապետին։ Ըստ նրա` սա կարևորագույն և հիմնական նպատակն է, որին ցանկանում են հասնել վերոհիշյալ փոփոխության արդյունքում։Համբարձումյանի կարծիքով` թեև օբյեկտիվորեն կա անհրաժեշտություն, և դրա համար էլ կատարվում է կառուցվածքային փոփոխությունը, բայց առանցքային հարցն այն է, թե որքան է դա արժենալու բյուջեին, որովհետև ստեղծվում է առանձին կառույց ամբողջովին առանձին ֆինանսավորմամբ, առանձին հաստիքակազմով ու նյութատեխնիկական ապահովմամբ։ Համբարձումյանը վկայակոչեց այն օրինակը, ըստ որի` ՀՔԾ-ն փոխարինվեց հակակոռուպցիոն կոմիտեով, որի գործունեությունն ապահովելու համար կազմվեց առանձին բյուջե, հատկացվեցին զգալի գումարներ, բայց մինչ օրս ոչ մի արդյունք, ըստ Համբարձումյանի, չի գրանցվել։Նշենք, որ Ազգային անվտանգության ծառայությունը ներկայացրել է «Հատուկ պետական պաշտպանության ենթակա անձանց անվտանգության ապահովման մասին» օրենքում փոփոխություններ կատարելու նախագիծը՝ առաջարկելով պետական պահպանության ծառայությունն առանձնացնել ազգային անվտանգության ծառայության մարմինների համակարգից և դրա հետագա գործունեությունը շարունակել որպես պետական կառավարման համակարգի մարմին:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
միքայել համբարձումյան, հհ ազգային անվտանգության ծառայություն. աած, վարչապետ, аудио, պոդկաստ
միքայել համբարձումյան, հհ ազգային անվտանգության ծառայություն. աած, վարչապետ, аудио, պոդկաստ
ՊՊԾ-ն ԱԱԾ-ից առանձնացնելու արդյունավետությունը ցույց կտա ժամանակը. Միքայել Համբարձումյան
23:44 19.04.2022 (Թարմացված է: 09:30 20.04.2022) ԱԱԾ տնօրենի նախկին ժամանակավոր պաշտոնակատար, «ԱԱԾ պահեստազորի սպաների միություն» ՀԿ համահիմնադիր Միքայել Համբարձումյանը Sputnik Արմենիայի հետ զրույցում անդրադարձել է տեղեկությանը, ըստ որի` Պետական պահպանության ծառայությունը կառանձնացվի ԱԱԾ-ից։
Պետական պահպանության ծառայությունը ԱԱԾ-ից առանձնացնելը հետապնդում է հիմնականում մեկ նպատակ` ուժեղացնել այդ ծառայությունը, բարձրացնել նրա կարգավիճակը և օժտել բավական լուրջ լիազորություններով,
Sputnik Արմենիայի հետ զրույցում ասաց ԱԱԾ տնօրենի նախկին ժամանակավոր պաշտոնակատար Միքայել Համբարձումյանը։
«Չեմ կարող ասել` լավ են անում, թե վատ, որովհետև պրակտիկայում, օրինակ, ՌԴ-ում նույնպես տվյալ կառույցը գործում է առանձին, բայց երբ համատեղում ենք մոտեցումը, թե արդյոք օպերատիվ աշխատանքների իրականացման իմաստով դա արդյունավետ կլինի, ապա դրա պատասխանը կտրվի ժամանակի ընթացքում։ Եթե չեմ սխալվում, նախատեսվում է նաև փոփոխություն կատարել օպերատիվ- հետախուզական գործունեության մասին օրենքում, ինչի արդյունքում ՊՊԾ-ն լիազորություն կստանա նաև առանձին օպերատիվ- հետախուզական միջոցառումներ իրականացնել, ինչը կարևոր ֆունկցիա է ավելի լայն գործունեություն ծավալելու համար»,- ասաց Համբարձումյանը։
Նրա դիտարկմամբ` նախկինում ՊՊԾ ղեկավարը ԱԱԾ-ի տնօրենի ուղիղ ենթակայության տակ էր, իսկ հիմա կարգավիճակը փոխվում է և ենթակայությունն արդեն վերապահվում է ուղիղ վարչապետին։ Ըստ նրա` սա կարևորագույն և հիմնական նպատակն է, որին ցանկանում են հասնել վերոհիշյալ փոփոխության արդյունքում։
«Խոսքն այստեղ ոչ թե ԱԱԾ տնօրենի վստահությանն է վերաբերում, այլ ուղիղ ենթակայություն ունենալու խնդրին, ինչն իր հերթին կհանգեցնի ինֆորմացիայի սահմանափակման խնդրի լուծմանը։ Ի վերջո, այդ կառույցն է ապահովում վարչապետի ֆիզիկական անվտանգությունը, և բնական է, որ վարչապետը նպատակահարմար է գտնում, որ իր ֆիզիկական անվտանգությունն ապահովող կառույցի ղեկավարն այլ պաշտոնյայի չենթարկվի»,- նշեց ԱԱԾ տնօրենի նախկին ժամանակավոր պաշտոնակատարը։
Համբարձումյանի կարծիքով` թեև օբյեկտիվորեն կա անհրաժեշտություն, և դրա համար էլ կատարվում է կառուցվածքային փոփոխությունը, բայց առանցքային հարցն այն է, թե որքան է դա արժենալու բյուջեին, որովհետև ստեղծվում է առանձին կառույց ամբողջովին առանձին ֆինանսավորմամբ, առանձին հաստիքակազմով ու նյութատեխնիկական ապահովմամբ։
Համբարձումյանը վկայակոչեց այն օրինակը, ըստ որի` ՀՔԾ-ն փոխարինվեց հակակոռուպցիոն կոմիտեով, որի գործունեությունն ապահովելու համար կազմվեց առանձին բյուջե, հատկացվեցին զգալի գումարներ, բայց մինչ օրս ոչ մի արդյունք, ըստ Համբարձումյանի, չի գրանցվել։
Նշենք, որ Ազգային անվտանգության ծառայությունը ներկայացրել է «Հատուկ պետական պաշտպանության ենթակա անձանց անվտանգության ապահովման մասին» օրենքում փոփոխություններ կատարելու նախագիծը՝ առաջարկելով պետական պահպանության ծառայությունն առանձնացնել ազգային անվտանգության ծառայության մարմինների համակարգից և դրա հետագա գործունեությունը շարունակել որպես պետական կառավարման համակարգի մարմին:
