https://arm.sputniknews.ru/20220419/chernvogvoriaji-agnn-nervoghutjun-e-khndrel-rdi-veraberjal-skhal-grarman-hamar-41044831.html
Չեռնոգորիայի ԱԳՆ-ն ներողություն է խնդրել ՌԴ-ի վերաբերյալ սխալ գրառման համար
Չեռնոգորիայի ԱԳՆ-ն ներողություն է խնդրել ՌԴ-ի վերաբերյալ սխալ գրառման համար
Sputnik Արմենիա
Չեռնոգորիայի արտգործնախարարությունը հեռացրել է Ռուսաստանի հետ դիվանագիտական հարաբերությունները խզելու վերաբերյալ գրառումը։ 19.04.2022, Sputnik Արմենիա
2022-04-19T12:43+0400
2022-04-19T12:43+0400
2022-04-19T14:35+0400
ռուսաստան
ներողություն
չեռնոգորիա
https://cdn.am.sputniknews.ru/img/07e6/04/13/41042420_0:51:3073:1779_1920x0_80_0_0_12bc2f77dff187db3286864674141913.jpg
ԵՐԵՎԱՆ, 19 ապրիլի – Sputnik. Չեռնոգորիայի ԱԳՆ-ն ներողություն է խնդրել Ռուսաստանի հետ դիվանագիտական հարաբերությունները խզելու մասին սխալ գրառման համար։ Համապատասխան հայտարարությունը հրապարակվել է Չեռնոգորիայի արտաքին քաղաքական գերատեսչության Twitter-յան միկրոբլոգում:Այս գիշեր նույն Twitter-ում Չեռնոգորիայի ԱԳՆ-ն թվարկել էր օրենքով նախատեսված բոլոր սահմանափակող միջոցները և առաջինը նշել դիվանագիտական հարաբերությունների խզումը։Չեռնոգորիայում Ռուսաստանի դեսպանությունը պարզաբանում էր պահանջել։ ԱԳՆ-ն էլ ներողություն է խնդրել սահմանափակող միջոցների մասին հրապարակման մեջ «կոպիտ սխալի» համար։Հանրապետության արտաքին գործերի նախարար Ջորջե Ռադուլովիչն ապրիլի 18-ին նիստ է անցկացրել սահմանափակող միջոցների իրականացման համակարգող խորհրդի հետ: Միջոցառումը մեկ նպատակ է ունեցել` խնդիրները հասցնել կոնկրետ գերատեսչություններին։ Ընդ որում` արտգործնախարարը չի թաքցնում, որ հակասություններ ունի վարչապետ Զդրավկո Կրիվոկապիչի հետ։ Առաջիկայում նոր կառավարության ընտրություն է լինելու։Մարտին Չեռնոգորիայի կառավարությունը չէր կարողանում Ռուսաստանի նկատմամբ կոնկրետ պատժամիջոցներ հաստատել վարչապետ Զդրավկո Կրիվոկապիչի ու փոխվարչապետ Դրիտան Աբազովիչի կողմնակիցների միջև տարաձայնությունների պատճառով: Չեռնոգորիայի ԱԳՆ-ն, որը գլխավորում է փոխվարչապետ Աբազովիչի մտերիմ նախարար Ջորջե Ռադուլովիչը, փետրվարի վերջին հայտարարեց ՌԴ-ի դեմ ԵՄ բոլոր պատժամիջոցներին աջակցելու ու մարտի 4-ից ռուսական ինքնաթիռների համար երկրի օդային տարածքը փակելու մասին, որոնք COVID-19 համավարակի սկսվելուց հետո առանց այդ էլ չէին թռչում:Չեռնոգորիայի իշխանությունները ապրիլի 8-ին հաստատեցին Ռուսաստանի նկատմամբ պատժամիջոցների փաթեթը՝ կապված Ուկրաինայում ստեղծված իրավիճակի հետ, դրանից առաջ էլ որոշել էին արտաքսել ՌԴ չորս դիվանագետի:Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։Փետրվարի 21-ից ի վեր, երբ Վլադիմիր Պուտինը հայտարարեց ԼԺՀ-ն ու ԴԺՀ-ն ճանաչելու որոշման մասին, ԱՄՆ-ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։ Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։Ուկրաինայում մարտական գործողությունները շարունակվում են արդեն 55-րդ օրը։
չեռնոգորիա
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, ներողություն, չեռնոգորիա
ռուսաստան, ներողություն, չեռնոգորիա
Չեռնոգորիայի ԱԳՆ-ն ներողություն է խնդրել ՌԴ-ի վերաբերյալ սխալ գրառման համար
12:43 19.04.2022 (Թարմացված է: 14:35 19.04.2022) Չեռնոգորիայի արտգործնախարարությունը հեռացրել է Ռուսաստանի հետ դիվանագիտական հարաբերությունները խզելու վերաբերյալ գրառումը։
ԵՐԵՎԱՆ, 19 ապրիլի – Sputnik. Չեռնոգորիայի ԱԳՆ-ն ներողություն է խնդրել Ռուսաստանի հետ դիվանագիտական հարաբերությունները խզելու մասին սխալ գրառման համար։ Համապատասխան հայտարարությունը հրապարակվել է Չեռնոգորիայի արտաքին քաղաքական գերատեսչության Twitter-յան միկրոբլոգում:
Այս գիշեր նույն Twitter-ում Չեռնոգորիայի ԱԳՆ-ն թվարկել էր օրենքով նախատեսված բոլոր սահմանափակող միջոցները և առաջինը նշել դիվանագիտական հարաբերությունների խզումը։
Չեռնոգորիայում Ռուսաստանի դեսպանությունը պարզաբանում էր պահանջել։ ԱԳՆ-ն էլ ներողություն է խնդրել սահմանափակող միջոցների մասին հրապարակման մեջ «կոպիտ սխալի» համար։
«Հասարակությունից ներողություն ենք խնդրում նախորդ հաղորդագրության մեջ կոպիտ սխալի համար. սահմանափակող միջոցները թվարկելու փոխարեն սխալմամբ նշվել էր, որ դրանք ուժի մեջ են մտել»,- հայտարարել է Չեռնոգորիայի ԱԳՆ-ն:
Հանրապետության արտաքին գործերի նախարար Ջորջե Ռադուլովիչն ապրիլի 18-ին նիստ է անցկացրել սահմանափակող միջոցների իրականացման համակարգող խորհրդի հետ: Միջոցառումը մեկ նպատակ է ունեցել` խնդիրները հասցնել կոնկրետ գերատեսչություններին։ Ընդ որում` արտգործնախարարը չի թաքցնում, որ հակասություններ ունի վարչապետ Զդրավկո Կրիվոկապիչի հետ։ Առաջիկայում նոր կառավարության ընտրություն է լինելու։
Մարտին Չեռնոգորիայի կառավարությունը չէր կարողանում Ռուսաստանի նկատմամբ կոնկրետ պատժամիջոցներ հաստատել վարչապետ Զդրավկո Կրիվոկապիչի ու փոխվարչապետ Դրիտան Աբազովիչի կողմնակիցների միջև տարաձայնությունների պատճառով: Չեռնոգորիայի ԱԳՆ-ն, որը գլխավորում է փոխվարչապետ Աբազովիչի մտերիմ նախարար Ջորջե Ռադուլովիչը, փետրվարի վերջին հայտարարեց ՌԴ-ի դեմ ԵՄ բոլոր պատժամիջոցներին աջակցելու ու մարտի 4-ից ռուսական ինքնաթիռների համար երկրի օդային տարածքը փակելու մասին, որոնք COVID-19 համավարակի սկսվելուց հետո առանց այդ էլ չէին թռչում:
Չեռնոգորիայի իշխանությունները ապրիլի 8-ին հաստատեցին Ռուսաստանի նկատմամբ պատժամիջոցների փաթեթը՝ կապված Ուկրաինայում ստեղծված իրավիճակի հետ, դրանից առաջ էլ որոշել էին արտաքսել ՌԴ չորս դիվանագետի:
Հիշեցնենք` փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Փետրվարի 21-ից ի վեր, երբ Վլադիմիր Պուտինը
հայտարարեց ԼԺՀ-ն ու ԴԺՀ-ն ճանաչելու որոշման մասին, ԱՄՆ-ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։ Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողությունները շարունակվում են արդեն 55-րդ օրը։
