https://arm.sputniknews.ru/20220413/zelenskin-rusastanin-arajarkel-e-medvedchukin-pvokhanakel-geri-ynkats-ukrainacineri-het-40836014.html
Զելենսկին Ռուսաստանին առաջարկել է Մեդվեդչուկին փոխանակել գերի ընկած ուկրաինացիների հետ
Զելենսկին Ռուսաստանին առաջարկել է Մեդվեդչուկին փոխանակել գերի ընկած ուկրաինացիների հետ
Sputnik Արմենիա
Վիկտոր Մեդվեդչուկը Ռուսաստանի նախագահ Վլադիմիր Պուտինի սանահայրն է։ 13.04.2022, Sputnik Արմենիա
2022-04-13T10:57+0400
2022-04-13T10:57+0400
2022-04-13T11:08+0400
վլադիմիր զելենսկի
գերի
ռուս
ռուսաստան
ուկրաինա
պատերազմ
https://cdn.am.sputniknews.ru/img/07e6/03/12/39902395_0:0:1600:901_1920x0_80_0_0_c726d0bba2b45ccb46f83c1fdb803c51.jpg
ԵՐԵՎԱՆ, 13 ապրիլի – Sputnik. Ուկրաինայի նախագահ Վլադիմիր Զելենսկին Ռուսաստանին առաջարկել է «Ընդդիմադիր հարթակ՝ հանուն կյանքի» կուսակցության քաղխորհրդի ձերբակալված ղեկավար Վիկտոր Մեդվեդչուկին փոխանակել գերեվարված ուկրաինացիների հետ:Երեկ Ուկրաինայի անվտանգության ծառայության ղեկավարը հայտնել էր Զելենսկու հանձնարարությամբ Մեդվեդչուկի ձերբակալման մասին։Վիկտոր Մեդվեդչուկը Ռուսաստանի նախագահ Վլադիմիր Պուտինի սանահայրն է (ՌԴ նախագահն ուկրաինացի քաղաքական գործչի կրտսեր դստեր կնքահայրն է)։ Ուկրաինայում նրան մի շարք մեղադրանքներ են ներկայացրել, այդ թվում՝ պետական դավաճանության համար, որով նրան ցմահ բանտարկություն է սպառնում։ 2021թ․-ի մայիսի 13-ից նա տնային կալանքի տակ է գտնվել։ Այս տարվա փետրվարին Ուկրաինայի ՆԳՆ-ն հայտարարել էր տնային կալանքից Մեդվեդչուկի փախուստի մասին։ Մարտին դատարանը նրան հեռակա կալանավորել էր։Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։Ուկրաինայում մարտական գործողություններն ընթանում են արդեն 49–րդ օրը։Ուկրաինայի ազգայնականները նկարահանում են խոշտանգումները վախի մթնոլորտը սրելու համար. ՌԴ ՊՆ
ուկրաինա
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վլադիմիր զելենսկի, գերի, ռուս, ռուսաստան, ուկրաինա, պատերազմ
վլադիմիր զելենսկի, գերի, ռուս, ռուսաստան, ուկրաինա, պատերազմ
Զելենսկին Ռուսաստանին առաջարկել է Մեդվեդչուկին փոխանակել գերի ընկած ուկրաինացիների հետ
10:57 13.04.2022 (Թարմացված է: 11:08 13.04.2022) Վիկտոր Մեդվեդչուկը Ռուսաստանի նախագահ Վլադիմիր Պուտինի սանահայրն է։
ԵՐԵՎԱՆ, 13 ապրիլի – Sputnik. Ուկրաինայի նախագահ Վլադիմիր Զելենսկին Ռուսաստանին առաջարկել է «Ընդդիմադիր հարթակ՝ հանուն կյանքի» կուսակցության քաղխորհրդի ձերբակալված ղեկավար Վիկտոր Մեդվեդչուկին փոխանակել գերեվարված ուկրաինացիների հետ:
Երեկ Ուկրաինայի անվտանգության ծառայության ղեկավարը հայտնել էր Զելենսկու հանձնարարությամբ Մեդվեդչուկի ձերբակալման մասին։
«Նա (Մեդվեդչուկը՝ խմբ․) 48 օր թաքնվել է։ Եվ ահա վերջապես որոշել էր փորձել փախչել՝ անցնելով մեր երկրի սահմանները։ Նրա կողմից հատկապես ցինիկ քայլ եմ համարում ռազմական կամուֆլյաժ օգտագործելը․փորձել է քողարկվել այդ ձևով... դե ինչ, եթե Մեդվեդչուկն ինքն է իր համար ընտրել զինվորական համազգեստը, նա պատերազմական ժամանակների կանոններին է ենթարկվում։ Ռուսաստանի Դաշնությանն առաջարկում եմ ձեր այս տղային փոխանակել մեր տղաների ու աղջիկների հետ, որոնք հիմա ռուսական գերության մեջ են։ Ուստի կարևոր է, որպեսզի մեր իրավապահ մարմիններն ու զինվորականները նույնպես դիտարկեն այդ հնարավորությունը»,-ասել է Զելենսկին իր Telegram-ալիքում հրապարակված տեսահաղորդագրության մեջ։
Վիկտոր Մեդվեդչուկը Ռուսաստանի նախագահ Վլադիմիր Պուտինի սանահայրն է (ՌԴ նախագահն ուկրաինացի քաղաքական գործչի կրտսեր դստեր կնքահայրն է)։ Ուկրաինայում նրան մի շարք մեղադրանքներ են ներկայացրել, այդ թվում՝ պետական դավաճանության համար, որով նրան ցմահ բանտարկություն է սպառնում։ 2021թ․-ի մայիսի 13-ից նա տնային կալանքի տակ է գտնվել։ Այս տարվա փետրվարին Ուկրաինայի ՆԳՆ-ն հայտարարել էր տնային կալանքից Մեդվեդչուկի փախուստի մասին։ Մարտին դատարանը նրան հեռակա կալանավորել էր։
Հիշեցնենք` փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 49–րդ օրը։
