«Ֆեյք է». Դելյագինը` իր նկատմամբ Ադրբեջանի կողմից հետախուզում հայտարարելու մասին
21:08 30.03.2022 (Թարմացված է: 21:09 30.03.2022)
© Sputnik / Пресс-служба Госдумы РФՌԴ Պետական Դումայի տնտեսական քաղաքականության կոմիտեի նախագահի տեղակալ Միխայիլ Դելյագինը Պետդումայի լիագումար նիստի ժամանակ (19 հոկտեմբերի, 2021թ)․ Մոսկվա
![ՌԴ Պետական Դումայի տնտեսական քաղաքականության կոմիտեի նախագահի տեղակալ Միխայիլ Դելյագինը Պետդումայի լիագումար նիստի ժամանակ (19 հոկտեմբերի, 2021թ)․ Մոսկվա ՌԴ Պետական Դումայի տնտեսական քաղաքականության կոմիտեի նախագահի տեղակալ Միխայիլ Դելյագինը Պետդումայի լիագումար նիստի ժամանակ (19 հոկտեմբերի, 2021թ)․ Մոսկվա - Sputnik Արմենիա, 1920, 30.03.2022](https://cdn.am.sputniknews.ru/img/07e6/03/1e/40353553_0:119:1600:1019_1920x0_80_0_0_38adf424d89e30cc5bb14425a3872e5e.jpg)
ՌԴ Պետական Դումայի տնտեսական քաղաքականության կոմիտեի նախագահի տեղակալ Միխայիլ Դելյագինը Պետդումայի լիագումար նիստի ժամանակ (19 հոկտեմբերի, 2021թ)․ Մոսկվա. Արխիվային լուսանկար
© Sputnik / Пресс-служба Госдумы РФ
Բաժանորդագրվել
Դելյագինը ֆեյք է համարում իր նկատմամբ միջազգային հետախուզում հայտարարելու մասին հաղորդագրությունը։
ԵՐԵՎԱՆ, 30 մարտի -Sputnik. ՌԴ Պետդումայում «Արդար Ռուսաստան՝ հանուն ճշմարտության» խմբակցության պատգամավոր Միխայիլ Դելյագինը կոչ չի արել ռմբակոծել Ադրբեջանին, իսկ նրա նկատմամբ միջազգային հետախուզում հայտարարելու մասին հաղորդագրությունը համարում է «ֆեյք կամ լրագրողական սխալ»: Այս մասին ռուս խորհրդարանականը գրել է իր Telegram-ալիքում։
Ադրբեջանի գլխավոր դատախազությունն ավելի վաղ հայտնել էր Դելյագինի նկատմամբ քրեական գործ հարուցելու մասին՝ հանրապետության էներգետիկ ենթակառուցվածքների և նավթային արդյունաբերության ոչնչացման կոչերի համար: Որոշում է կայացվել նաև Ինտերպոլի միջոցով նրա նկատմամբ միջազգային հետախուզում հայտարարելու մասին։
«Կարծում եմ` այդ լուրը ֆեյք է կամ լրագրողական սխալ, քանի որ հակառակ դեպքում պետք է խոստովանել, որ Ադրբեջանի ամբողջ գլխավոր դատախազությունում չեն մնացել մարդիկ, որոնք ռուսերեն են հասկանում կամ գոնե օգտվում են թարգմանչի ծառայություններից», - գրել է Դելյագինը։
Նա ընդգծել է, որ կոչ չի արել ռմբակոծել Ադրբեջանին` ոչ սովորական, ոչ էլ առավել ևս միջուկային հարվածներով:
Նշենք, որ ավելի վաղ Միխայիլ Դելյագինն Արցախում ադրբեջանական սադրանքների ֆոնին կոչ էր արել ոչնչացնել Ադրբեջանի էներգետիկ ենթակառուցվածքն ու նավթային արդյունաբերությունը։
Ավելի ուշ Պետդումայում արձագանքել են Ադրբեջանի դատախազության՝ քրեական գործ հարուցելու և պատգամավոր Միխայիլ Դելյագինի նկատմամբ հետախուզում հայտարարելու մասին որոշմանը:
Միջազգային գործերի հանձնաժողովի նախագահի առաջին տեղակալ Ալեքսեյ Չեպան Ադրբեջանի գերատեսչության գործողություններն անվանել էր ոչ ճիշտ։