https://arm.sputniknews.ru/20220325/hatuk-gvortsvoghutjan-arajin-puli-himnakan-khndirnery-katarvel-en-rd-pn-40199662.html
Հատուկ գործողության առաջին փուլի հիմնական խնդիրները կատարվել են. ՌԴ ՊՆ
Հատուկ գործողության առաջին փուլի հիմնական խնդիրները կատարվել են. ՌԴ ՊՆ
Sputnik Արմենիա
Ուկրաինայում ռազմական հատուկ գործողությունն օգնել է խափանել ուկրաինական զորքերի լայնածավալ հարձակումը Դոնբասի Հանրապետության վրա: 25.03.2022, Sputnik Արմենիա
2022-03-25T20:52+0400
2022-03-25T20:52+0400
2022-03-25T20:52+0400
ռուսաստան
ուկրաինա
իգոր կոնաշենկով
https://cdn.am.sputniknews.ru/img/07e6/02/19/39097164_0:0:3000:1688_1920x0_80_0_0_6faeec38bca274fbda9ca91bc2477af4.jpg
ԵՐԵՎԱՆ, 25 մարտի - Sputnik. Առաջին փուլի հիմնական խնդիրներն ընդհանուր առմամբ կատարվել են՝ էապես նվազեցվել է Ուկրաինայի զինված ուժերի մարտական ներուժը, ինչը թույլ է տալիս հիմնական ջանքերը կենտրոնացնել գլխավոր նպատակի՝ Դոնբասի ազատագրմանը հասնելու վրա: Այսօր հայտարարել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը։Նա ասել է, որ Ուկրաինայում ռազմական հատուկ գործողությունն օգնել է խափանել ուկրաինական զորքերի լայնածավալ հարձակումը Դոնբասի Հանրապետության վրա, որի իրականացումը ծրագրվել էր մարտին։ԼԺՀ-ն ազատագրել է իր տարածքի 93 տոկոսը, ԴԺՀ-ն՝ 54 տոկոսը, ընդ որում, գեներալի խոսքով, 8 տարվա ընթացքում ուկրաինական զորքերն այնտեղ բետոնե մոնոլիտ կառույցներից պաշտպանական շերտագիծ էին սարքել:Կոնաշենկովը նշել է, որ գործնականում ոչնչացվել են ուկրաինական ՌՕՈւ-ն ու ՀՕՊ-ը, դադարել է գոյություն ունենալ ուկրաինական ՌԾՈւ-ն, ոչնչացվել են զինանոցները, որտեղ պահվում էր Ուկրաինայի ռազմական տեխնիկայի պաշարների մինչև 70 տոկոսը, Այսպիսով՝ ուկրաինական բանակն այլևս կազմակերպված պահուստներ չունի։Փետրվարի 24 -ին ուկրաինական բանակի մարտական կազմում գտնվող 2 416 տանկերից և այլ մարտական զրահամեքենաներից ոչնչացվել են 1 587-ը, 1 509 զենքից ու ականանետներից՝ 636-ը, 535 համազարկային կրակի ռեակտիվ համակարգից՝ 163-ը, 152 ինքնաթիռներից՝ 112-ը, 149 ուղղաթիռներից՝ 75–ը, 36 «Բայրաքթար ՏԲ2»-ից ՝ 35-ը, 180 Ս-300-ից ու «Բուկ Մ1»-ից՝ 148-ը:Մեկ ամսվա ընթացքում ուկրաինական զորքը շուրջ 30 հազար մարդկային կորուստ է ունեցել, ավելի քան 14 հազարը՝ անդառնալի, կորուստները լրացվում են մոբիլիզացված ու տարածքային պաշտպանության հաշվին, որոնք անհրաժեշտ պատրաստություն չունեն:Ուկրաինան ապաստան է դարձել 62 պետություններից 6 595 օտարերկրյա վարձկանների և ահաբեկիչների համար, Կոնաշենկովն ասել է, որ վերջին շրջանում նկատվում է նրանց արտահոսքը երկրից:Տվյալներ են ներկայացվել նաև ռուսական ԶՈւ-ի կորուստների մասին`հատուկ գործողության ընթացքում զոհվել է 1 351 զինվորական, վիրավորվել` 3 825-ը։Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։Ուկրաինայում մարտական գործողություններն ընթանում են արդեն 30–րդ օրը։
ուկրաինա
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, ուկրաինա, իգոր կոնաշենկով
ռուսաստան, ուկրաինա, իգոր կոնաշենկով
Հատուկ գործողության առաջին փուլի հիմնական խնդիրները կատարվել են. ՌԴ ՊՆ
Ուկրաինայում ռազմական հատուկ գործողությունն օգնել է խափանել ուկրաինական զորքերի լայնածավալ հարձակումը Դոնբասի Հանրապետության վրա:
ԵՐԵՎԱՆ, 25 մարտի - Sputnik. Առաջին փուլի հիմնական խնդիրներն ընդհանուր առմամբ կատարվել են՝ էապես նվազեցվել է Ուկրաինայի զինված ուժերի մարտական ներուժը, ինչը թույլ է տալիս հիմնական ջանքերը կենտրոնացնել գլխավոր նպատակի՝ Դոնբասի ազատագրմանը հասնելու վրա: Այսօր հայտարարել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը։
Նա ասել է, որ Ուկրաինայում ռազմական հատուկ գործողությունն օգնել է խափանել ուկրաինական զորքերի լայնածավալ հարձակումը Դոնբասի Հանրապետության վրա, որի իրականացումը ծրագրվել էր մարտին։
«Փետրվարի 24-ին մեկնարկած ռուսական զինված ուժերի ռազմական հատուկ գործողությունը խափանեց Կիևի վերահսկողության տակ գտնվող Լուգանսկի և Դոնեցկի ժողովրդական հանրապետությունների դեմ ուկրաինական զորքերի հարվածային խմբավորումների լայնածավալ հարձակումը։ Դա թույլ տվեց փրկել Դոնբասի տասնյակ, եթե ոչ հարյուր հազարավոր խաղաղ բնակիչներին, որոնք վերջին ութ տարիներին պարբերաբար գնդակոծվում էին Կիևի ռեժիմի կողմից», - ասել է նա։
ԼԺՀ-ն ազատագրել է իր տարածքի 93 տոկոսը, ԴԺՀ-ն՝ 54 տոկոսը, ընդ որում, գեներալի խոսքով, 8 տարվա ընթացքում ուկրաինական զորքերն այնտեղ բետոնե մոնոլիտ կառույցներից պաշտպանական շերտագիծ էին սարքել:
Կոնաշենկովը նշել է, որ գործնականում ոչնչացվել են ուկրաինական ՌՕՈւ-ն ու ՀՕՊ-ը, դադարել է գոյություն ունենալ ուկրաինական ՌԾՈւ-ն, ոչնչացվել են զինանոցները, որտեղ պահվում էր Ուկրաինայի ռազմական տեխնիկայի պաշարների մինչև 70 տոկոսը, Այսպիսով՝ ուկրաինական բանակն այլևս կազմակերպված պահուստներ չունի։
Փետրվարի 24 -ին ուկրաինական բանակի մարտական կազմում գտնվող 2 416 տանկերից և այլ մարտական զրահամեքենաներից ոչնչացվել են 1 587-ը, 1 509 զենքից ու ականանետներից՝ 636-ը, 535 համազարկային կրակի ռեակտիվ համակարգից՝ 163-ը, 152 ինքնաթիռներից՝ 112-ը, 149 ուղղաթիռներից՝ 75–ը, 36 «Բայրաքթար ՏԲ2»-ից ՝ 35-ը, 180 Ս-300-ից ու «Բուկ Մ1»-ից՝ 148-ը:
Մեկ ամսվա ընթացքում ուկրաինական զորքը շուրջ 30 հազար մարդկային կորուստ է ունեցել, ավելի քան 14 հազարը՝ անդառնալի, կորուստները լրացվում են մոբիլիզացված ու տարածքային պաշտպանության հաշվին, որոնք անհրաժեշտ պատրաստություն չունեն:
Ուկրաինան ապաստան է դարձել 62 պետություններից 6 595 օտարերկրյա վարձկանների և ահաբեկիչների համար, Կոնաշենկովն ասել է, որ վերջին շրջանում նկատվում է նրանց արտահոսքը երկրից:
Տվյալներ են ներկայացվել նաև ռուսական ԶՈւ-ի կորուստների մասին`հատուկ գործողության ընթացքում զոհվել է 1 351 զինվորական, վիրավորվել` 3 825-ը։
Հիշեցնենք, որ փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 30–րդ օրը։
