Արցախի ավելի քան 30 հազար երեխաներ մնացել են առանց ջեռուցման ու տաք ջրի. Գեղամ Ստեփանյան
15:20 23.03.2022 (Թարմացված է: 15:21 23.03.2022)
© Photo : press office of MES of ArtsakhՈստիկանական ու փրկարարական ջոկատները իրականացնում են ձնամաքրման աշխատանքներ (21 մարտի, 2022թ). Ստեփանակերտ

© Photo : press office of MES of Artsakh
Բաժանորդագրվել
Մարտի 21-ից ադրբեջանական կողմի ուղիղ միջամտության հետևանքով Արցախի Հանրապետությունում կրկին դադարեցվել է գազամատակարարումը։
ԵՐԵՎԱՆ, 23 մարտի - Sputnik. Արցախի ավելի քան 30 հազար երեխաներ մնացել են առանց ջեռուցման ու տաք ջրի։
Այս մասին թվիթերյան էջում գրել է Արցախի մարդու իրավունքների պաշտպան Գեղամ Ստեփանյանը։
Over 30 000 children in #Artsakh #NagornoKarabakh are without heating and hot water. You ask the reason?
— Gegham Stepanyan (@Gegham_Artsakh) March 23, 2022
Because the #Azerbaijan'i leadership intentionally disrupted the gas supply from #Armenia to Artsakh.
‼️Nothing else than a crime against humanity!
📷David Ghahramanyan pic.twitter.com/gvPjLXPaMc
«Հարցնում եք՝ ինչն է պատճա՞ռը։ Պատճառն Ադրբեջանի ղեկավարության կողմից Արցախին Հայաստանից հասնող գազի մատակարարման դիտումնավոր ընդհատումն է։
Սա ոչ այլ ինչ է, քան մարդկության դեմ հանցագործություն»,-նշված է գրառման մեջ։
Հիշեցնենք, որ Արցախի Շուշի–Զառիֆլու բնակավայրերի տարածքում տեղի ունեցած վթարի հետևանքով մարտի 8–ից Արցախի Հանրապետության տարածքում գազամատակարարումը խափանվել էր, իսկ ադրբեջանական կողմը խոչընդոտում էր գազատարի վերանորոգման աշխատանքները սկսելուն։
Գազատարի վնասված հատվածը գտնվում էր ադրբեջանական զինված ուժերի վերահսկողության տակ։ ՀՀ կառավարության ու ռուս խաղաղապահների աջակցությամբ իրականացվող բանակցությունների շնորհիվ ադրբեջանական կողմը մարտի 16–ին սկսել էր Արցախի վնասված գազատար խողովակի վերանորոգման աշխատանքները, իսկ մարտի 18-ին դրանք ավարտվել էին։
Մարտի 19-ից արդեն սկսել էր բնական գազը մատակարարվել «Արցախգազ» ՓԲԸ–ի ընդունման կետ և բաժանորդներին։
Մարտի 21-ից ադրբեջանական կողմի ուղիղ միջամտության հետևանքով Արցախի Հանրապետությունում կրկին դադարեցվել է գազամատակարարումը։ Բավարար հիմքեր կան ենթադրելու, որ մարտի 8-ին պայթեցված գազատարի վերանորոգման աշխատանքների ընթացքում ադրբեջանական կողմը տեղադրել է փական, որի միջոցով էլ դադարեցրել է գազամատակարարումը։