Տարածաշրջանային անվտանգության հարցերն են քննարկել ՀՀ ԱԳ նախարարն ու ՆԱՏՕ–ի ներկայացուցիչը
21:08 17.03.2022 (Թարմացված է: 21:22 17.03.2022)
© Photo : official site of MFA of RA ՀՀ արտաքին գործերի նախարար Արարատ Միրզոյանն ու ՆԱՏՕ–ի գլխավոր քարտուղարի առաջին տեղակալ Միրչա Ջոանան
![ՀՀ արտաքին գործերի նախարար Արարատ Միրզոյանն ու ՆԱՏՕ–ի գլխավոր քարտուղարի առաջին տեղակալ Միրչա Ջոանան ՀՀ արտաքին գործերի նախարար Արարատ Միրզոյանն ու ՆԱՏՕ–ի գլխավոր քարտուղարի առաջին տեղակալ Միրչա Ջոանան - Sputnik Արմենիա, 1920, 17.03.2022](https://cdn.am.sputniknews.ru/img/07e6/03/11/39889627_0:0:2100:1182_1920x0_80_0_0_94bffcc66d82657f7ded7f6345efcd83.jpg)
ՀՀ արտաքին գործերի նախարար Արարատ Միրզոյանն ու ՆԱՏՕ–ի գլխավոր քարտուղարի առաջին տեղակալ Միրչա Ջոանան
© Photo : official site of MFA of RA
Բաժանորդագրվել
Հայաստան–Թուրքիա, Հայաստան–Ադրբեջան հարաբերությունների կարգավորման թեմաներն են եղել Միրզոյանի ու Ջոանայի քննարկման առանցքում։
ԵՐԵՎԱՆ, 17 մարտի – Sputnik. ՀՀ արտաքին գործերի նախարար Արարատ Միրզոյանն ու ՆԱՏՕ–ի գլխավոր քարտուղարի առաջին տեղակալ Միրչա Ջոանան Բրյուսելում այսօր կայացած հանդիպման ժամանակ քննարկել են տարածաշրջանային անվտանգությանը վերաբերող հարցեր։ Տեղեկությունը հայտնում է ՀՀ արտաքին գործերի նախարարության մամուլի ծառայությունը։
Արարատ Միրզոյանը ներկայացրել է Հայաստան–Ադրբեջան սահմանագոտում և Արցախում առկա իրավիճակը, Ադրբեջանի կողմից հրադադարի խախտման դեպքերը և Արցախում հումանիտար ճգնաժամ ստեղծելուն ուղղված գործողությունները, քաղաքացիական բնակչության նկատմամբ հոգեբանական ճնշումների գործադրման փաստերը։
© Photo : official site of MFA of RA ՀՀ արտաքին գործերի նախարար Արարատ Միրզոյանը Բրյուսելում հանդիպել է ՆԱՏՕ–ի գլխավոր քարտուղարի առաջին տեղակալ Միրչա Ջոանային
![Министр иностранных дел Арарат Мирзоян встретился с первым заместителем Генерального секретаря НАТО Мирчей Джоанэ (17 марта 2022). Брюссель Министр иностранных дел Арарат Мирзоян встретился с первым заместителем Генерального секретаря НАТО Мирчей Джоанэ (17 марта 2022). Брюссель - Sputnik Արմենիա, 1920, 17.03.2022](https://cdn.am.sputniknews.ru/img/07e6/03/11/39889624_0:0:2100:1400_1920x0_80_0_0_1a8a4e0c9e8dde4deda044b9354e2cb2.jpg)
ՀՀ արտաքին գործերի նախարար Արարատ Միրզոյանը Բրյուսելում հանդիպել է ՆԱՏՕ–ի գլխավոր քարտուղարի առաջին տեղակալ Միրչա Ջոանային
© Photo : official site of MFA of RA
Արարատ Միրզոյանը և Միրչա Ջոանան նաև մտքեր են փոխանակել Հայաստանի և Թուրքիայի միջև հարաբերությունների կարգավորման գործընթացի շուրջ։
ՀՀ ԱԳ նախարարը գոհունակությունէ հայտնել ՆԱՏՕ–ի հետ գոյություն ունեցող քաղաքական երկխոսության կապակցությամբ:
Անդրադարձ է կատարվել հայկական խաղաղապահ ստորաբաժանումների` միջազգային խաղաղապահ առաքելություններին ունեցած մասնակցությանը և միջազգային անվտանգության ու կայունության ամրապնդման գործում Հայաստանի ներդրմանը:
Նույն օրը ՀՀ ԱԳ նախարարը Հյուսիսատլանտյան խորհրդում հանդես է եկել ելույթով, որտեղ անդրադարձել է անցած 30 տարում Հայաստան-ՆԱՏՕ համագործակցությանը, 2020թ․ Արցախի դեմ Ադրբեջանի իրականացրած ագրեսիայի հետևանքներին, հրատապ լուծում պահանջող հումանիտար խնդիրներին, մասնավորապես՝ Ադրբեջանում ապօրինի պահվող հայ ռազմագերիների և Լեռնային Ղարաբաղ միջազգային կազմակերպությունների մուտքի հարցերին։
Խոսվել է նաև ԵԱՀԿ Մինսկի խմբի համանախագահության մանդատի ներքո Լեռնային Ղարաբաղի հակամարտության կարգավորման հեռնակարների ու հնարավորությունների, Հայաստանի ու Ադրբեջանի միջև խաղաղության պայմանագրի շուրջ առանց նախապայմանների բանակցությունների, ինչպես նաև միջազգային ու տարածաշրջանային անվտանգության մի շարք հարցերի մասին: