Նազարբաևի եղբորորդուն կալանավորել են Ղազախտելեկոմի միջոցների յուրացման գործով
© SputnikՂազախստանի առաջին նախագահ Նուրսուլթան Նազարբաևը ԱՊՀ մասնակից պետությունների ղեկավարների ոչ պաշտոնական գագաթնաժողովում (28 դեկտեմբերի, 2021թ): Սանկտ Պետերբուրգ
![Ղազախստանի առաջին նախագահ Նուրսուլթան Նազարբաևը ԱՊՀ մասնակից պետությունների ղեկավարների ոչ պաշտոնական գագաթնաժողովում (28 դեկտեմբերի, 2021թ): Սանկտ Պետերբուրգ Ղազախստանի առաջին նախագահ Նուրսուլթան Նազարբաևը ԱՊՀ մասնակից պետությունների ղեկավարների ոչ պաշտոնական գագաթնաժողովում (28 դեկտեմբերի, 2021թ): Սանկտ Պետերբուրգ - Sputnik Արմենիա, 1920, 13.03.2022](https://cdn.am.sputniknews.ru/img/07e5/0c/1c/36961097_0:0:1600:900_1920x0_80_0_0_76d963e7e32ce234b1a3c0a2c5e9f9b3.jpg)
Ղազախստանի առաջին նախագահ Նուրսուլթան Նազարբաևը ԱՊՀ մասնակից պետությունների ղեկավարների ոչ պաշտոնական գագաթնաժողովում (28 դեկտեմբերի, 2021թ): Սանկտ Պետերբուրգ. Արխիվային լուսանկար
© Sputnik
Բաժանորդագրվել
Քննվում է Սաթիբալդյուլիի մասնակցությունը պետության անվտանգությունը խաթարող այլ հանցագործություններին։
ԵՐԵՎԱՆ, 13 մարտի – Sputnik. Ղազախստանի հակակոռուպցիոն ծառայությունը ձերբակալել է Կայրաթ Սաթիբալդյուլիին, որը երկրի նախկին նախագահ Նուրսուլթան Նազարբաևի եղբորորդին է։ Այս մասին հայտնում է ՌԻԱ Նովոստին՝ հղում կատարելով գերատեսչության մամուլի ծառայությանը։
«Հակակոռուպցիոն ծառայությունը հետաքննում է քրեական գործ՝ պաշտոնեական լիազորությունները չարաշահելու և «Ղազախտելեկոմ» ԲԲԸ-ի միջոցները առանձնապես խոշոր չափերով հափշտակելու փաստերով: Այս հանցագործությունները կատարելու կասկածանքով Կայրաթ Սաթիբալդյուլին բերման է ենթարկվել և պահվում է ժամանակավոր կալանավայրում»,- ասվում է զեկույցում։
Մամուլի հաղորդագրության համաձայն՝ ստուգվում է Սաթիբալդյուլիի մասնակցությունը պետության անվտանգությունը խաթարող այլ հանցագործություններին։
«Ղազախտելեկոմ» ԲԲԸ-ն հեռահաղորդակցության խոշորագույն օպերատորն է Ղազախստանում: Ըստ լրատվամիջոցների՝ Սաթիբալդյուլիի Alatau Capital Invest (ACI) ընկերությունը 2016 թվականին ձեռք է բերել Ղազախտելեկոմի 3,4% բաժնետոմսերը։