https://arm.sputniknews.ru/20220308/arvoghjapahutjan-nakhararutjan-mi-dzerqy-mjusic-teghjak-che-pipvojany-aghi-nakhagtsi-masin-39525968.html
Առողջապահության նախարարության մի ձեռքը մյուսից տեղյակ չէ. Պիպոյանը` «աղի նախագծի» մասին
Առողջապահության նախարարության մի ձեռքը մյուսից տեղյակ չէ. Պիպոյանը` «աղի նախագծի» մասին
Sputnik Արմենիա
ՀՀ ԳԱԱ Էկոկենտրոնի սննդի շղթայի ռիսկերի գնահատման կենտրոնի ղեկավար Դավիթ Պիպոյանը Sputnik Արմենիայի եթերում խոսել է առողջապահության նախարարության առաջարկած... 08.03.2022, Sputnik Արմենիա
2022-03-08T23:43+0400
2022-03-08T23:43+0400
2022-03-08T23:43+0400
ռադիո
պոդկաստ
աղ
հայաստան
հհ առողջապահության նախարարություն
օրենք
https://cdn.am.sputniknews.ru/img/07e6/03/08/39525037_0:0:1600:901_1920x0_80_0_0_d0b9480bf840ec807fc9a78e12b73696.jpg
Նպատակը ոչ թե կերակրի աղի քանակի կրճատումն է, այլ միջազգային կառույցների աչքին թոզ փչելը․ Պիպոյան
Sputnik Արմենիա
Նպատակը ոչ թե կերակրի աղի քանակի կրճատումն է, այլ միջազգային կառույցների աչքին թոզ փչելը․ Պիպոյան
Կերակրի աղի քանակի նվազեցման հետ կապված միջոցառումը որևէ խնդիր չի լուծելու հանրային առողջապահական ոլորտում, որովհետև աղի ստացման աղբյուրները բազմազան են, իսկ ձևավորված սննդային սովորույթները գալիս են վաղ տարիքից։ Sputnik Արմենիայի եթերում, խոսելով ՀՀ առողջապահության նախարարության օրենսդրական նախաձեռնության մասին, ասաց պարենային իրավունքի փորձագետ Դավիթ Պիպոյանը։ Նա կարծում է, որ առողջապահության նախարարության նախագծի նպատակը ոչ թե մարդկանց սննդակարգում կերակրի աղի քանակի կրճատումն է, այլ պարզապես միջազգային կառույցների աչքին թոզ փչելը։Մարդիկ կերակրի աղ ստանում են ինչպես տանը, այնպես էլ տանից դուրս սպառվող սննդամթերքում. ակնհայտ է, որ մարդկանց ամենօրյա ու ամենամսյա սպառած սննդամթերքի մեջ հանրային սննդի կետերում սպառվող սննդամթերքը բավականին քիչ տոկոս է կազմում։ Բացի դրանից, գոյություն ունեն կերակրի աղի բարձր պարունակությամբ մթերքներ, որոնցից են պանրի տեսակները, մսամթերքը, չիփսերը, կրեկերները։ Մարդիկ ամեն օր սպառում են նաև հացամթերք, որում նույնպես կա որոշակի քանակությամբ աղ։«Եթե մենք որևէ ոլորտում չենք մշակում ազգային ստանդարտներ, ապա նման հետազոտություններում հավուր պատշաճի չեն գնահատվում սպառման ռիսկերը, այնինչ պետք է տարանջատել այն մթերքները, որոնք կերակրի աղի ստացման մեծ մասնաբաժին ունեն»,– ասաց Պիպոյանը։Նա պատրաստ է սպառվող ապրանքների տեսականու միջոցով ցույց տալ, որ հանրային սննդի կետերից զատ Հայաստանում կան շատ այլ ոլորտներ կամ միջավայրեր, որտեղ մարդիկ ավելացնում են աղի քանակը, օրինակ` աշխատանքային ընդմիջումների ժամանակ շատ տարածված է սնունդ պատվիրելը։ Բացի դրանից, հանրային սննդի կետերը հասարակության ոչ բոլոր խմբերի համար են հասանելի, հետևաբար երբ հետզոտություններ են անցկացվում, շատ կարևոր է պարզել, թե կոնկրետ որ սոցիալական խմբերի համար են դրանք արվում և ինչ չափանիշներով։Նշենք, որ ՀՀ առողջապահության նախարարությունն առաջարկում է «Առևտրի և ծառայությունների մասին» ՀՀ օրենքում և «Վարչական իրավախախտումների մասին» օրենսգրքում լրացումներ կատարել։ Ըստ նախագծի` հանրային սննդի օբյեկտներում, առանց սպառողի պահանջի, սեղանների վրա կարգելվի աղաման դնելը, հակառակ դեպքում տնտեսվարողը կտուգանվի 30 հազար դրամով:Ըստ Առողջապահության համաշխարհային կազմակերպության՝ կերակրի աղի քանակը չպետք է գերազանցի օրական 5 գրամը, մինչդեռ Հայաստանում դրա օգտագործման ծավալը կրկնակի գերազանցում է ԱՀԿ-ի կողմից սահմանված շեմը: Հետազոտությունները վկայում են, որ աղի չարաշահումը նպաստում է սիրտանոթային համակարգի հիվանդությունների եւ ինսուլտների առաջացման ռիսկի բարձրացմանը:
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նպատակ միջազգային կառույցներ աչք թոզ պիպոյան աղ նախագիծ
նպատակ միջազգային կառույցներ աչք թոզ պիպոյան աղ նախագիծ
Առողջապահության նախարարության մի ձեռքը մյուսից տեղյակ չէ. Պիպոյանը` «աղի նախագծի» մասին
ՀՀ ԳԱԱ Էկոկենտրոնի սննդի շղթայի ռիսկերի գնահատման կենտրոնի ղեկավար Դավիթ Պիպոյանը Sputnik Արմենիայի եթերում խոսել է առողջապահության նախարարության առաջարկած նախագծին, ըստ որի` հանրային սննդի օբյեկտներում, առանց սպառողի պահանջի, սեղանների վրա կարգելվի աղաման դնելը:
Կերակրի աղի քանակի նվազեցման հետ կապված միջոցառումը որևէ խնդիր չի լուծելու հանրային առողջապահական ոլորտում, որովհետև աղի ստացման աղբյուրները բազմազան են, իսկ ձևավորված սննդային սովորույթները գալիս են վաղ տարիքից։
Sputnik Արմենիայի եթերում, խոսելով ՀՀ առողջապահության նախարարության օրենսդրական նախաձեռնության մասին, ասաց պարենային իրավունքի փորձագետ Դավիթ Պիպոյանը։ Նա կարծում է, որ առողջապահության նախարարության նախագծի նպատակը ոչ թե մարդկանց սննդակարգում կերակրի աղի քանակի կրճատումն է, այլ պարզապես միջազգային կառույցների աչքին թոզ փչելը։
«Պնդում են, որ 5 գրամից քիչ աղ օգտագործելն ԱՀԿ–ի ցուցումն է, բայց մեր առողջապահության նախարարությունը հրաման ունի, որի համաձայն` նախադպրոցական հաստատություններում երեխաներին օրական 6 գրամ յոդացված կերակրի աղ պետք է տալ, որպեսզի հնարավոր լինի լուծել շատ ավելի կարևոր հանրային առողջապահական խնդիր, որն առնչվում է մարմնում յոդի անբավարարությանը։ Այսինքն` հենց նույն գերատեսչության մի ձեռքը մյուսից տեղյակ չէ»,– նշեց Պիպոյանը։
Մարդիկ կերակրի աղ ստանում են ինչպես տանը, այնպես էլ տանից դուրս սպառվող սննդամթերքում. ակնհայտ է, որ մարդկանց ամենօրյա ու ամենամսյա սպառած սննդամթերքի մեջ հանրային սննդի կետերում սպառվող սննդամթերքը բավականին քիչ տոկոս է կազմում։ Բացի դրանից, գոյություն ունեն կերակրի աղի բարձր պարունակությամբ մթերքներ, որոնցից են պանրի տեսակները, մսամթերքը, չիփսերը, կրեկերները։ Մարդիկ ամեն օր սպառում են նաև հացամթերք, որում նույնպես կա որոշակի քանակությամբ աղ։
«Եթե մենք որևէ ոլորտում չենք մշակում ազգային ստանդարտներ, ապա նման հետազոտություններում հավուր պատշաճի չեն գնահատվում սպառման ռիսկերը, այնինչ պետք է տարանջատել այն մթերքները, որոնք կերակրի աղի ստացման մեծ մասնաբաժին ունեն»,– ասաց Պիպոյանը։
Նա պատրաստ է սպառվող ապրանքների տեսականու միջոցով ցույց տալ, որ հանրային սննդի կետերից զատ Հայաստանում կան շատ այլ ոլորտներ կամ միջավայրեր, որտեղ մարդիկ ավելացնում են աղի քանակը, օրինակ` աշխատանքային ընդմիջումների ժամանակ շատ տարածված է սնունդ պատվիրելը։ Բացի դրանից, հանրային սննդի կետերը հասարակության ոչ բոլոր խմբերի համար են հասանելի, հետևաբար երբ հետզոտություններ են անցկացվում, շատ կարևոր է պարզել, թե կոնկրետ որ սոցիալական խմբերի համար են դրանք արվում և ինչ չափանիշներով։
Նշենք, որ ՀՀ առողջապահության
նախարարությունն առաջարկում է «Առևտրի և ծառայությունների մասին» ՀՀ օրենքում և «Վարչական իրավախախտումների մասին» օրենսգրքում լրացումներ կատարել։ Ըստ նախագծի` հանրային սննդի օբյեկտներում, առանց սպառողի պահանջի, սեղանների վրա կարգելվի աղաման դնելը, հակառակ դեպքում տնտեսվարողը կտուգանվի 30 հազար դրամով:
Ըստ Առողջապահության համաշխարհային կազմակերպության՝ կերակրի աղի քանակը չպետք է գերազանցի օրական 5 գրամը, մինչդեռ Հայաստանում դրա օգտագործման ծավալը կրկնակի գերազանցում է ԱՀԿ-ի կողմից սահմանված շեմը: Հետազոտությունները վկայում են, որ աղի չարաշահումը նպաստում է սիրտանոթային համակարգի հիվանդությունների եւ ինսուլտների առաջացման ռիսկի բարձրացմանը:
