https://arm.sputniknews.ru/20220305/qvonvor-maqgregvory-arajarkel-e-15-miliard-funtvov-gnel-chelsin-39422640.html

Քոնոր Մաքգրեգորը առաջարկել է 1,5 միլիարդ ֆունտով գնել «Չելսին»

Քոնոր Մաքգրեգորը առաջարկել է 1,5 միլիարդ ֆունտով գնել «Չելսին»

Sputnik Արմենիա

«Չելսիի» սեփականատեր Ռոման Աբրամովիչը հայտարարել էր ակումբը վաճառելու մասին։ Լոնդոնյան ակումբի գնման համար դիմումների վերջնաժամկետը մարտի 15-ն է։ 05.03.2022, Sputnik Արմենիա

2022-03-05T14:15+0400

2022-03-05T14:15+0400

2022-03-05T14:24+0400

ֆուտբոլ

ռոման աբրամովիչ

https://cdn.am.sputniknews.ru/i/logo/logo-social.png

ԵՐԵՎԱՆ, 5 մարտի – Sputnik. Երկու քաշային կարգերում UFC նախկին չեմպիոն Քոնոր Մաքգրեգորը Twitter–ում հայտնել է, որ պատրաստ է գնել «Չելսի» ֆուտբոլային ակումբը։ Տեղեկությունը հայտնում է sport24-ը։«Ես 1,5 միլիարդ ֆունտ ստեռլինգ եմ առաջարկում»,- գրել է իռլանդացին այն լուրի մեկնաբանությունում, որում նշվել է, որ Աբրամովիչը 3 միլիարդ ֆունտ է ուզում ակումբի համար։Ավելի վաղ հայտնի էր դարձել, որ թուրք գործարար Մուհսին Բայրակը «Չելսին» գնելու առաջարկ է արել ակումբի ռուս սեփականատեր Ռոման Աբրամովիչին։Քննարկվում է նաև, որ «Չելսին» շուտով կարող է վաճառվել ամերիկա-շվեյցարական կոնսորցիումին, որի կազմում են շվեյցարացի գործարար Հանսյորգ Ուիսը և Թոդ Բեհլին:Աբրամովիչը «Չելսին» գնել էր 2003 թվականին անգլիացի Քեն Բեյթսից 140 միլիոն ֆունտով։ 2012 թվականին լոնդոնյան ակումբն իր պատմության մեջ առաջին անգամ հաղթել էր Չեմպիոնների լիգան, իսկ արդեն 2021 թվականին` կրկնել հաջողությունը՝ դառնալով Եվրոպայի լավագույն ակումբը։Աբրամովիչի օրոք «Չելսին» հինգ անգամ հաղթել է Պրեմիեր լիգան, հինգ անգամ՝ Անգլիայի գավաթը, երկու անգամ՝ Եվրոպա լիգան (2013 և 2019 թվականներին)։

2022

Լուրեր

am_HY

ֆուտբոլ, ռոման աբրամովիչ