https://arm.sputniknews.ru/20220304/petduman-rd-zui-veraberjal-fejqeri-hamar-azatazrkman-masin-orenq-e-yndunel-39384835.html

Պետդուման ՌԴ ԶՈւ–ի վերաբերյալ «ֆեյքերի» համար ազատազրկման մասին օրենք է ընդունել

Պետդուման ՌԴ ԶՈւ–ի վերաբերյալ «ֆեյքերի» համար ազատազրկման մասին օրենք է ընդունել

Sputnik Արմենիա

ՌԴ ԶՈւ–ի գործողությունների մասին կեղծ լուրեր տարածելու համար քրեական հետապնդում նախատեսող փոփոխություններ կարվեն ՌԴ քրեական և քրեադատավարական օրենսգրքերում։ 04.03.2022, Sputnik Արմենիա

2022-03-04T13:26+0400

2022-03-04T13:26+0400

2022-03-04T13:28+0400

ռուսաստան

զինված ուժեր

ֆեյք

օրենք

https://cdn.am.sputniknews.ru/img/07e5/0c/05/36072854_0:208:3073:1936_1920x0_80_0_0_0c67cb76f5a3e75e63518c138083e106.jpg

ԵՐԵՎԱՆ, 4 մարտի – Sputnik. ՌԴ ԶՈւ գործողությունների մասին կեղծ լուրեր տարածելու, ԶՈւ–ն վարկաբեկելու, ինչպես նաև ՌԴ–ի դեմ պատժամիջոցներ սահմանելու կոչերի համար ՌԴ Պետդուման այսօր լիագումար նիստի ընթացքում երրորդ և վերջնական ընթերցմամբ քրեական պատիժ և խոշոր տուգանք նախատեսող օրինագիծ է ընդունել։ Տեղեկությունը հայտնում է ՌԻԱ Նովոստին։Կեղծ ապացույցներով կամ թշնամանքի և ատելության մոտիվներով պաշտոնատար անձանց, կազմակերպված խմբավորումների կողմից ՌԴ ԶՈւ–ի մասին կեղծ լուրեր տարածելու դեպքում 5-10 տարվա ազատազրկում է նախատեսվում կամ վարչարարական տուգանք 3-5 մլն ռուբլու կամ աշխատավարձի, ինչպես նաև վերջին 3-5 տարվա ընթացքում դատապարտյալի այլ եկամտի չափով, կամ մինչև 5 տարի հարկադիր աշխատանք։Ծանր հետևանքներ թողած կեղծ լուրեր տարածելու դեպքում 10-15 տարվա ազատազրկում է նախատեսված։Բացի այդ, օրենքը պատասխանատվություն է սահմանում ՌԴ ԶՈւ–ի վարկաբեկմանն ուղղված հանրային գործողությունների համար։Ռուսաստանի շահերը պաշտպանելու, խաղաղությունն ու անվտանգությունը պահպանելու համար ռուսական զորքերի կիրառումը խոչընդոտելու կոչերի համար կամ նախկինում նման գործողությունների համար վարչարարական պատասխանատվության ենթարկված անձանց կողմից զորքերի նման օգտագործումը վարկաբեկելու համար տուգանք կսահմանվի 100 հազարից մինչև 300 հազար ռուբլու չափով, կամ հարկադիր աշխատանքներով պատիժ կսահմանվի մինչև 3 տարի ժամկետով, կամ կալանք 4-6 ամիս ժամկետով, կամ մինչև 3 տարվա ազատազրկում կոնկրետ պաշտոններ զբաղեցնելու իրավունքի զրկմամբ։Այն դեպքում, երբ խոչընդոտումը կամ վարկաբեկումը ծանր հետևանքների կհանգեցնեն, տուգանքը կկազմի 300 հազարից մինչև 1 մլն ռուբլի կամ աշխատավարձի չափով կամ վերջին 3-5 տարվա ընթացքում դատապարտյալի ունեցած այլ եկամտի չափով, կամ մինչև 5 տարի ազատազրկմամբ` կոնկրետ պաշտոններ զբաղեցնելու արգելքով։Ռուսաստանի դեմ պատժամիջոցներ կիրառելու կոչերը (եթե մեկ տարվա ընթացքում իրավախախտում կատարած անձն արդեն վարչարարական պատասխանատվության է ենթարկվել) կպատժվեն մինչև 500 հազար ռուբլու չափով կամ մինչև 3 տարվա ազատազրկմամբ։Այս փոփոխությունները կկատարվեն ՌԴ քրեական և քրեադատավարական օրենսգրքերում։Փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։

2022

Լուրեր

am_HY

ռուսաստան, զինված ուժեր, ֆեյք, օրենք