https://arm.sputniknews.ru/20220304/kvomunistnern-akcia-irakanacrin-i-ajakcutjun-ukrainajum-rdi-hatuk-gvortsvoghutjan-39386339.html

Հայ կոմունիստներն ակցիա իրականացրին` ի աջակցություն Ուկրաինայում ՌԴ–ի հատուկ գործողության

Հայ կոմունիստներն ակցիա իրականացրին` ի աջակցություն Ուկրաինայում ՌԴ–ի հատուկ գործողության

Sputnik Արմենիա

Կուսակցության անդամները վստահ են` ուկրաինական ռեժիմը տարիներ շարունակ տանջանքների է ենթարկել ու սպանել խաղաղ բնակչությանը Դոնեցկում և Լուգանսկում։ 04.03.2022, Sputnik Արմենիա

2022-03-04T14:04+0400

2022-03-04T14:04+0400

2022-03-04T14:17+0400

ռուսաստան

ուկրաինա

պատերազմ

հայաստան

https://cdn.am.sputniknews.ru/img/07e6/03/04/39383257_0:0:1465:824_1920x0_80_0_0_57ee43cf406a807d0d86633e16bb679d.jpg

ԵՐԵՎԱՆ, 4 մարտի – Sputnik. Հայաստանի կոմունիստների կուսակցության անդամներն ու ՀՀ սովետական սպաների միության անդամները ՀՀ–ում ՌԴ դեսպանատան մոտ այսօր ակցիա իրականացրին` ի աջակցություն Ուկրաինայում Ռուսաստանի Դաշնության կողմից իրականացվող հատուկ գործողության։Նրանք ձեռքներին պահում էին «Ռուսաստա՛ն, մենք քեզ հետ ենք», «Մա՛հ ֆաշիզմին», «Ո՛չ նացիստներին», «Ո՛չ ՆԱՏՕ–ին» գրություններով պաստառներ։ՀԿԿ կենտրոնական կոմիտեի առաջին քարտուղար Երջանիկ Ղազարյանը հայտնեց, որ իրենք աջակցում են Ռուսաստանի կողմից իրականացվող հատուկ գործողությունները՝ ընդդեմ Ուկրաինայում ֆաշիզմի և ազգայնամոլության։«2014 թվականին ԱՄՆ–ի և ԵՄ–ի աջակցությամբ Ուկրաինայում իշխանության եկան ֆաշիստական և ազգայնամոլական ուժեր։ 2014-2022 թթ. ուկրաինական ռեժիմը տաջանքների է ենթարկել և սպանել խաղաղ բնակչությանը` իրենց քաղաքացիներին Դոնբասում։ Արդյունքում Դոնեցկի և Լուգանսկի Ժողովրդական Հանրապետություններն առանձնացան ու մինչ օրս պայքարում էին։ Ռուսաստանին այլևս ոչինչ չէր մնում, քան միջամտել՝ իր ազգին փրկելու ֆաշիզմի ճիրաններից»,– ասաց Ղազարյանը։Նրա խոսքով` 1941 թվականին Սովետական Միությունը փրկեց ամբողջ աշխարհը ֆաշիզմից, այսօր էլ Ռուսաստանը փրկում է աշխարհը դարչնագույն ժանտախտից։ Ղազարյանի պնդմամբ`Ռուսաստանն Ուկրաինայում ռազմական գործողություններ է իրականացնում, որպեսզի վերացնի իր սահմանների մոտ առկա սպառնալիքները։ՀԿԿ կենտրոնական կոմիտեի առաջին քարտուղարի կարծիքով՝ Հայաստանը և հայերը պարտավոր են կանգնել Ռուսաստանի կողքին։ՀՀ սովետական սպաների միության նախագահ, գնդապետ Աշոտ Պապյանն էլ ընդգծեց, որ ՆԱՏՕ–ն ներխուժում է նախկին սովետական միության պետությունների տարածք, և դա կանխելու միակ ճանապարհը եղավ Ուկրաինայում ֆաշիզմի դեմ պայքարելը։«Այժմ շատ լուրջ աշխատանք է տարվում նաև Հայաստանի ուղղությամբ, և այն միտված է ՀՀ–ից ռուսական զորքերը հանելուն։ Այդ ամենը կարող է հանգեցնել նրան, որ Հայաստանն այլևս գոյություն չի ունենա։ Մենք միշտ լինելու ենք Ռուսաստանի հետ»,– ասաց Պապյանը։Ելույթներից հետո հավաքվածները սկսեցին բացականչել` «Կեցցե՛ Ռուսաստանը», «Կեցցե՛ հայ–ռուսական բարեկամությունը»։Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։Մարտական գործողություններն ընթանում են արդեն 9–րդ օրը։

ուկրաինա

2022

Լուրեր

am_HY

ռուսաստան, ուկրաինա, պատերազմ, հայաստան