https://arm.sputniknews.ru/20220301/hajastanum-adrbejanakan-tsagman-benzin-chka-gevvorgjany-herqec-socar-i-masin-lurery-39244364.html
Հայաստանում ադրբեջանական ծագման բենզին չկա. Գևորգյանը հերքեց «SOCAR»-ի մասին լուրերը
Հայաստանում ադրբեջանական ծագման բենզին չկա. Գևորգյանը հերքեց «SOCAR»-ի մասին լուրերը
Sputnik Արմենիա
ՄՊՀ նախագահը հայտարարեց, որ բենզինի շուկայի վերջին գործարքը կատարվել է վրացական «Petrocas» ընկերության հետ, որը ներկայացնում է «Gulf» ապրանքանիշը։ 01.03.2022, Sputnik Արմենիա
2022-03-01T14:00+0400
2022-03-01T14:00+0400
2022-03-01T14:01+0400
հայաստան
բենզին
socar նավթային ընկերություն
https://cdn.am.sputniknews.ru/img/556/36/5563671_0:224:4297:2641_1920x0_80_0_0_4f9587f52805dc55871a42f2b9dbef37.jpg
ԵՐԵՎԱՆ, 1 մարտի – Sputnik. Հայաստանյան բենզինի շուկայում ադրբեջանական ընկերություն չկա։ Այսօր ԱԺ–ում հայտարարեց Մրցակցության պետական հանձնաժողովի (ՄՊՀ) նախագահ Գեղամ Գևորգյանը` պատասխանելով ընդդիմադիր «Հայաստան» խմբակցության քարտուղար Արծվիկ Մինասյանի հարցին։Նա նաև հայտնեց, որ ՀՀ բենզին ու դիզվառելիք է ներկրվում մեծամասամբ ՌԴ–ից, հիմնականում` «Ռոսնեֆտից», ավելի քիչ` «Գազպրոմից», երկրորդ տեղում Իրանն է, ևս մի փոքր տոկոս ներկրվում է Ռումինիայից ու Բուլղարիայից։«Ես վստահաբար ասում եմ, որ ՀՀ–ում այլ երկրի ծագման որևէ բենզին չկա»,– հայտարարեց ՄՊՀ նախագահը` հավելելով, որ այդ խնդիրը վերահսկվում է սահմանին` ԵԱՏՄ ընթացակարգերի պահպանմամբ։Հիշեցնենք` վրացական «Petrocas» ընկերությունը Հայաստանում նախատեսում է ստեղծել 22 լցակայաններից բաղկացած ցանց՝ «Ռոսնեֆտի» հայկական ակտիվների հիման վրա։Մեկնաբանությունները, թե «Petrocas»–ը կարող է Հայաստան նավթամթերք ներկրել Ադրբեջանից, վրացի գործարար Դավիթ Յակոբաշվիլին Sputnik-ի հետ զրույցում աբսուրդային էր որակել` ասելով, որ «Petrocas»–ը «Socar»-ի մրցակիցն է։«Petrocas»–ը հիմնադրվել է 2009 թ․-ին և զբաղվում է նավթի և նավթամթերքի փոխադրմամբ ու առևտրով:Ինչո՞ւ է թանկանում բենզինը. տնտեսագետի դիտարկումներըՅակոբաշվիլիի խոսքով` «Petrocas»–ի պորտֆելում ադրբեջանական կապիտալ չկա։ Ընկերության բաժնետոմսերի 49 տոկոսը պատկանում է «Ռոսնեֆտին», 51 տոկոսը` իրեն ու իր գործընկերներին։Այսօր «Petrocas»–ը միջազգային ընկերություն է, որը նավթի առևտրի ոլորտի առաջատարներից է՝ տարեկան 6 միլիոն տոննա թրեյդինգային պորտֆելով։ Գլխավոր գրասենյակը գտնվում է Կիպրոսի Հանրապետությունում, ընկերությունը ղեկավարում է նաև Վրաստանի խոշորագույն մանրածախ ցանցը և Փոթիի նավթային տերմինալը:ՀՀ բենզինի շուկայի բոլոր խաղացողների նկատմամբ վարույթներ են իրականացվում. ՄՊՀ նախագահ
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հեղամ գևորգյան բենզին ադրբեջան socar
հեղամ գևորգյան բենզին ադրբեջան socar
Հայաստանում ադրբեջանական ծագման բենզին չկա. Գևորգյանը հերքեց «SOCAR»-ի մասին լուրերը
14:00 01.03.2022 (Թարմացված է: 14:01 01.03.2022) ՄՊՀ նախագահը հայտարարեց, որ բենզինի շուկայի վերջին գործարքը կատարվել է վրացական «Petrocas» ընկերության հետ, որը ներկայացնում է «Gulf» ապրանքանիշը։
ԵՐԵՎԱՆ, 1 մարտի – Sputnik. Հայաստանյան բենզինի շուկայում ադրբեջանական ընկերություն չկա։ Այսօր ԱԺ–ում հայտարարեց Մրցակցության պետական հանձնաժողովի (ՄՊՀ) նախագահ Գեղամ Գևորգյանը` պատասխանելով ընդդիմադիր «Հայաստան» խմբակցության քարտուղար Արծվիկ Մինասյանի հարցին։
«Ոնց հասկանում եմ, այս խոսակցությունները մեր վերջին թույլատրած գործարքի մասին են, որը ոչ մի առնչություն չունի ո՛չ «SOCAR»-ի, ո՛չ ադրբեջանական որևէ այլ կազմակերպության հետ։ Գործարքը կատարվել է վրացական «Petrocas» ընկերության հետ, որը ներկայացնում է GULF բրենդը»,– ասաց Գևորգյանը։
Նա նաև հայտնեց, որ ՀՀ բենզին ու դիզվառելիք է ներկրվում մեծամասամբ ՌԴ–ից, հիմնականում` «Ռոսնեֆտից», ավելի քիչ` «Գազպրոմից», երկրորդ տեղում Իրանն է, ևս մի փոքր տոկոս ներկրվում է Ռումինիայից ու Բուլղարիայից։
«Ես վստահաբար ասում եմ, որ ՀՀ–ում այլ երկրի ծագման որևէ բենզին չկա»,– հայտարարեց ՄՊՀ նախագահը` հավելելով, որ այդ խնդիրը վերահսկվում է սահմանին` ԵԱՏՄ ընթացակարգերի պահպանմամբ։
Հիշեցնենք` վրացական «Petrocas» ընկերությունը Հայաստանում նախատեսում է ստեղծել 22 լցակայաններից բաղկացած ցանց՝ «Ռոսնեֆտի» հայկական ակտիվների հիման վրա։
Մեկնաբանությունները, թե «Petrocas»–ը կարող է Հայաստան նավթամթերք ներկրել Ադրբեջանից, վրացի գործարար Դավիթ Յակոբաշվիլին
Sputnik-ի հետ զրույցում աբսուրդային էր որակել` ասելով, որ «Petrocas»–ը «Socar»-ի մրցակիցն է։
«Petrocas»–ը հիմնադրվել է 2009 թ․-ին և զբաղվում է նավթի և նավթամթերքի փոխադրմամբ ու առևտրով:
Յակոբաշվիլիի խոսքով` «Petrocas»–ի պորտֆելում ադրբեջանական կապիտալ չկա։ Ընկերության բաժնետոմսերի 49 տոկոսը պատկանում է «Ռոսնեֆտին», 51 տոկոսը` իրեն ու իր գործընկերներին։
Այսօր «Petrocas»–ը միջազգային ընկերություն է, որը նավթի առևտրի ոլորտի առաջատարներից է՝ տարեկան 6 միլիոն տոննա թրեյդինգային պորտֆելով։ Գլխավոր գրասենյակը գտնվում է Կիպրոսի Հանրապետությունում, ընկերությունը ղեկավարում է նաև Վրաստանի խոշորագույն մանրածախ ցանցը և Փոթիի նավթային տերմինալը:
