https://arm.sputniknews.ru/20220226/curt-u-anshuq-taratsqum-gjumreci-hradzignery-gerazanc-ardjunqner-en-grancum-38967730.html

Ցուրտ ու անշուք տարածքում գյումրեցի հրաձիգները գերազանց արդյունքներ են գրանցում

Ցուրտ ու անշուք տարածքում գյումրեցի հրաձիգները գերազանց արդյունքներ են գրանցում

Sputnik Արմենիա

Տարիներ առաջ, առանց քաղաքապետարանի գիտության, վաճառվեց այն տարածքը, որտեղ գործում էր Գյումրիի «Հրաձգության մանկապատանեկան մարզադպրոց» ՀՈԱԿ-ը: Հիմա... 26.02.2022, Sputnik Արմենիա

2022-02-26T09:28+0400

2022-02-26T09:28+0400

2022-02-27T13:50+0400

հեղինակներ

հրաձգություն

մարզադպրոց

գյումրի

https://cdn.am.sputniknews.ru/img/07e6/02/16/38970176_0:68:1600:968_1920x0_80_0_0_a55330fcf142bcc9bf7db19ee3591670.jpg

Տարիներ առաջ, առանց քաղաքապետարանի գիտության, վաճառվեց այն տարածքը, որտեղ գործում էր Գյումրիի «Հրաձգության մանկապատանեկան մարզադպրոց» ՀՈԱԿ-ը: Հիմա քաղաքապետարանը, տարածքը վերանորոգելու փոխարեն, վարձավճար է տալիս սեփականատիրոջը, իսկ սաները շարունակում են պարապել ցուրտ ու անշուք տարածքում՝ գրանցելով, սակայն, անհավանական արդյունքներ:Վառարան ու ծխից սևացած պատեր, որոնք սաները փորձում են քողարկել հանրապետական ու միջազգային տարբեր մրցույթներից ստացած պատվոգրերով, բոլոր հարմարություններից զուրկ սենյակներ ու հին գույք՝ այսպիսի պայմաններում են պարապում գյումրեցի պատանի հրաձիգները: Ձմռան ամիսներին միայն երեք սենյակ է օգտագործվում՝ չեն օգտագործվում նաև հանդերձարանները:Հիսուն սան ունեցող մարզադպրոցում, պայմանների պատճառով, ստիպված են պարապմունքներն անցկացնել հերթով: Նման պայմաններ չկան ոչ միայն միջազգային, այլ նաև Հայաստանում գործող մյուս մարզադպրոցներում: Տարածքում նորոգումներ անել մարզադպրոցը չի կարող՝ իրենցը չէ՝ ունի սեփականատեր։Գյումրու քաղաքապետարանն էլ, ում ենթակայության տակ գտնվում է մարզադպրոցը, իր ֆինանսական սուղ միջոցներով հազիվ կարողանումէ տարածքի վարձավճարը տալ ու ձմեռային սեզոնին մի փոքր լուծել վառելիքի հարցը, իսկ սեփականատերը հրաժարվում է որևէ վերանորոգում կատարել՝ պատճառաբանելով, որ տրվող գումարները շատ քիչ են վերանորոգում իրականացնելու համար: Աշակերտների վարձավճարների մի մասը ևս ուղղվում է վառելիքի, մի մասն էլ՝ անհրաժեշտ փամփուշտների ձեռքբերմանը: Ի դեպ, հրաձգարաննունի նաև 50 մետրանոց տարածք, սակայն համապատասխան զենքի ու փամփուշտների բացակայության պատճառով այդ մարզաձևում պարապմունքներ չեն իրականցվում:Թեև մարզադպրոցն ավելի քան 22 տարի է՝ նախկին հանրապետական ԴՕՍԱԱՖ-ի շենքում է, բայց ավելի վաղ՝ դեռ խորհրդային տարիներին է այստեղ հրաձգարան գործել՝ ուներ հրաձգությունը զարգացնելու բոլոր պայմանները:«ԴՕՍԱԱՖ-ը վաճառել է առանց քաղաքապետարանին ու մեզ տեղյակ պահելու: Մենք հետո իմացանք, որ կառույցը վաճառել են՝ արդյունքում քաղաքապետարանը ավելի քան տասը տարի է, վճարում է սեփականատիրոջը տարածքի համար: Չի կարելի մարզի միակ հրաձգարանը դնել ու վաճառել»,-ասում է մարզիչ Էդվարդ Ղարիբյանը՝ հնարավոր համարելով, որ օրերից մի օր սեփականատերը որոշի իրենց տարածքից հանել:«Սա Շիրակի մարզի միակ հրաձգարանն է, ու Հայաստանի նման երկրի համար չունենալ նորմալ հրաձգարան, որտեղ նաև դպրոցականները կկարողանան տիրապետել զենքին՝ հանցագործություն եմ համարում, հատկապես, երբ ունենք նման հրաշալի կադրեր»,-ասում է մարզիչը նշելով, որ պետական մոտեցում է հարցին պետք, պետք է նաև դպրոցներից երեխաներին բերել ու սովորեցնեն կրակել՝ այնպես, ինչպես խորհրդային տարիներին է եղել:Գյումրու քաղաքապետարանի սպորտի բաժնի պետ Մեխակ Ղազարյանը Sputnik Արմենիայի հետ զրույցի ժամանակ վստահեցրեց՝ կառույցն օտարվել է ԴՕՍԱԱՖ-ի կողմից՝ առանց քաղաքապետարանի գիտության:Շիրակի մարզպետարանի սպորտի վարչության պետ Վաչիկ Վարդանյանը մեզ տեղեկացրեց, որ ժամանակին նախարարությունը, տեղեկանալով ստեղծված իրավիճակի մասին, ցանկություն հայտնել է անհատից ձեռք բերել կառույցը, բայց սեփականատիրոջ կողմից պահանջվող բարձր գնի պատճառով կառույցն այդպես էլ չի գնվել:Շենքային պայմաններից բացի դպրոցն ունի նաև համապատասխան գույքի խնդիր. Հրաձգության ֆեդերացիայի շնորհիվ միջազգային մրցույթներին լավագույն արդյունքներ գրանցած մարզիկներն ապահովվել են անհրաժեշտ անհատական զենքով ու հագուստով, սակայն դա բավարար չէ, մարզադպրոցի նորեկ սաները ստիպված են պարապել խորհրդային տարիների զենքերով: Մարզադպրոցում դեռ կիրառում են թղթե թիրախներ, մինչդեռ աշխարհում այլևս նման թիրախներ չեն օգտագործվում:Չնայած պայմաններին, դպրոցի տնօրինության ու մարզիչների ջանքերի ու պատանի հրաձիգների համառ աշխատանքի ու նվիրվածության շնորհիվ հանրապետական ու միջազգային բոլոր մրցույթներից սաները վերադառնում են մեդալներով: Օրերս կայացած Հայաստանի հրաձգության մեծահասակների առաջնությունից գյումրեցի 8 մարզիկներից 6-ը վերադարձել են մեդալներով։ Արդյունքում մարզադպրոցի 3 մարզիկները՝ Գոռ Խաչատրյանը, Հովհաննես Մարգարյանը և Արուսյակ Գրիգորյանը ընդգրկվելով հավաքականի կազմում՝ կմասնակցեն մարտի 22-ին Նորվեգիայում կայանալիք Եվրոպայի առաջնությանը:«Վազող թիրախում Հայաստանի հավաքականի հիմնական կորիզը մեր երեխաներն են: Մենք մեծ հույսեր ունենք, որ Նորվեգիայից էլ մեր մարզիկներն առանց մեդալների չեն գա, չնայած երկու տարի է համավարակի պատճառով մեր մարզիկները միջազգային մրցույթների չեն մասնակցում»,-հպարտությամբ նշում է մարզիչը հավելելով՝ լավ պայմաններ ունենալու դեպքում ավելի շատ լավ մարզիկներ կունենան:Մարզադպրոցում նաև հրաշալի դարբնոց է աղջիկ հրաձիգների համար՝ սաները բազմակի անգամ Հայաստանի չեմպիոններ են դարձել:Եվրոպայի ու Հայաստանի չեմպիոն ու ռեկորդակիր, միջազգային կարգի սպորտի վարպետ 17-ամյա Գոռ Խաչատրյանը նշում է՝ դժվար է թղթե թիրախի վրա պարապելուց հետո միջազգային մրցույթներում մրցել համակարգչային թիրախների վրա: Համեստորեն լռելով իր հաջողությունների մասին Գոռը պատմում է, որ հայրիկի առաջարկով է եկել հրաձգության՝ տեսել, սիրել մարզաձևն ու արդեն 4 տարի է այստեղ է։Մարզաձևը շատ սիրելով է նաև մարզվում Եվրոպայի փոխչեմպիոն Հովհաննես Մարգարյանը: Պատանի հրաձիգները ծիծաղում են՝ շատ հաճախ հանրապետական մրցույթներում ստիպված մարզիչն ու սանը միմյանց հետ են մրցում:Գյումրեցի հրաձիգները փորձում են անել ամեն ինչ, որ ոչ միայն Նորվեգիայում կայանալիք, այլ նաև հետագա մյուս մրցույթներին «խփեն թիրախին» ու բարձր պահեն Գյումրիի հրաձգության բարի ավանդույթները: Շիրակի մարզպետարանի ու Գյումրու քաղաքապետարանի համապատասխան կառույցներն էլ նշում են՝ կա առաջարկ հրաձգարանը նոր կառուցվող Արթուր Ալեքսանյանի անվան մարզադպրոցի տարածք տեղափոխել: Այդ հարցով քաղաքապետարանն արդեն դիմել է ՀՀ քաղաքաշինության կոմիտե ու ԿԳՍՄ նախարարություն: Վերջնական պատասխանին դեռ սպասում են:

գյումրի

2022

Լուրեր

am_HY

հեղինակներ, հրաձգություն, մարզադպրոց, գյումրի