https://arm.sputniknews.ru/20220219/inchpes-aregy-dardzav-mankakan-grqi-hamaheghinak-kam-blvotshiknern-arden-tpagir-tarberak-unen-38861518.html
Ինչպես Արեգը դարձավ մանկական գրքի համահեղինակ, կամ բլոճիկներն արդեն տպագիր տարբերակ ունեն
Ինչպես Արեգը դարձավ մանկական գրքի համահեղինակ, կամ բլոճիկներն արդեն տպագիր տարբերակ ունեն
Sputnik Արմենիա
Հայաստանում այսօր նշվում է Գիրք նվիրելու օրը։ Գրախանութներում արդեն վաճառվում է մանուկների համար նախատեսված Արեգ Բալայանի գիրքը։ Հեղինակը Sputnik Արմենիայի հետ... 19.02.2022, Sputnik Արմենիա
2022-02-19T16:50+0400
2022-02-19T16:50+0400
2022-02-19T16:50+0400
արեգ բալայան
գիրք
https://cdn.am.sputniknews.ru/img/07e6/02/12/38830022_0:168:1600:1068_1920x0_80_0_0_f72acfaa7fcead4e0f5ce8237876edc1.jpg
ԵՐԵՎԱՆ, 19 փետրվարի – Sputnik. Լուսանկարիչ, սթրիթ–արտ նկարիչ Արեգ Բալայանի անունը հայտնի է ինչպես Հայաստանում, այնպես էլ Հայաստանից դուրս։ Նա ճանաչում ձեռք բերեց ոչ միայն Արցախում արված ռազմական լուսանկարներով, այլև իր բլոճիկների շարքով. այսպես է Արեգն անվանում իր փողոցային արվեստի գործերը։Իսկ պատերազմից հետո, ի զարմանս շատերի, սթրիթ–արտի վարպետը դարձավ գունազարդելու համար նախատեսված «Խաղա, որ սովորես բլօջիկների հետ» մանկական գրքի համահեղինակ։ Գրքի վրա Արեգն աշխատել է Քրիստինե Քանանյանի հետ։Գրքի գաղափարը ծնվել էր դեռ Արցախյան 44-օրյա պատերազմից առաջ, սակայն շնորհանդեսը տեղի ունեցավ պատերազմի ավարտից մեկ տարի անց։ Սկզբում Արեգը զբաղված էր պատերազմական կադրեր որսալով, հետո` այլ գործերով, բայց Քրիստինեի համառությունն իրենն արեց։ Նրանց վերջապես հաջողվեց մեկտեղել շատերի կողմից սիրված «բլօջիկները»` իշուկին, թռչնակին, եղնիկին, կատվին և մյուս կենդանիներին։ Հայտնվեցին նաև նոր կերպարներ, օրինակ` Լուսինը, որին Արեգը շատ ջերմ է վերաբերվում։Գրախանութներում «ասեղ գցելու տեղ չկա». մարդիկ հերթ են կանգնում գիրք գնելու համար«Առանց դրա չէր լինի։ Չէ՞ որ բլօջիկներն իմ ներաշխարհն են արտացոլում։ Սա մանկություն վերադառնալու, լույսը զգալու ու փոխանցելու ձև է», – ասում է նա։Ի դեպ, կերպարների անունները ևս նկարչի մանկությունից են վերցված։ Երբ փոքր էր, պապը նրան ու մյուս երեխաներին «բոգոճ» էր (բլոճ` լոռվա բարբառով) ասում։ Արցախում, ուր հետո նա տեղափոխվեց ընտանիքի հետ, բլոճներին «բգոճ» են ասում, այսինքն` շատ նման է լոռվա տարբերակին։ Տարիներ անց էլ նա սկսեց բլոճ անվանել իր երեխաներին։Իսկ երբ հայտնվեցին նրա առաջին «փոքր» կերպարները, երկար չմտածեց և որոշեց դրանց նույն անունը տալ, թեպետ ուղղագրական սխալով, որը գրքում բացատրվում է, որպեսզի երեխաները միանգամից սովորեն ճիշտ գրելաձևը։«Ինձ համար կարևոր է երեխաների համար վատ օրինակ չդառնալը։ Դրա համար առաջարկեցի գրքում բառը ճիշտ գրել, բայց Քրիստինեն հետաքրքիր տարբերակ գտավ, որը թույլ տվեց պահպանել «աուտենտիկ» անվանումը», – պատմում է Արեգը։Նկարիչը խոստովանում է, որ երեխաներին գիրքը դուր է եկել։ Նրանք, ովքեր բլոճիկներին տեսել են դրսում, անմիջապես ճանաչել են։ Կան նաև մարդիկ, որոնք տեսել են և՛ «բլօջիկներին», և՛ Արեգի հետ են ծանոթ, բայց չգիտեին, որ հենց ինքն է դրանք նկարում։Նկարիչն ինքը մանկական ոգևորությամբ է պատմում` ինչպես է իր առաջին մեծ բլոճը նկարել Երևանի կենտրոնում, որտեղ է վերջին անգամ նկարել, ինչպես է մի օր մաքրել իր նկարածը և նկատողություն ստացել ոստիկաններից, բայց անմիջապես ավելացնում է` դա երեխայություն է, ցանկություն, որին ինքը չի դիմադրում։– Բլոճիկ տեսել եմ Քարվաճառում քաղաքի հանձնման օրը։ Ինչո՞ւ էիր նկարում այն տարածքներում, որոնք Ադրբեջանին էին անցնում։– Ուզում էի, որ այնտեղ կյանքի մասին հիշողություն մնար։ Որպեսզի մարդիկ ու երեխաները, որոնք գուցե ապրելու են այնտեղ, տեսնեն դրանք ու սկսեն մեզ հիշել ոչ որպես մարդակեր ու թշնամի։– Հիմա էլ Լաչինի՞ միջանցքում։– Այնտեղ բլոճիկներն օգնում են մարդկանց շեղվել ծանր մտքերից ու տառապանքներից։ Ասում են` օգնում է։ Ես էլ ամեն անգամ նորն եմ նկարում։«I recognize Artsahk». Արեգ Բալայանը շունչ է հաղորդում թշնամու մահացու հետքին. տեսանյութ
Sputnik Արմենիա
media@sputniknews.com
+74956456601
MIA „Rosiya Segodnya“
2022
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
արեգ բալայան, գիրք
Ինչպես Արեգը դարձավ մանկական գրքի համահեղինակ, կամ բլոճիկներն արդեն տպագիր տարբերակ ունեն
Հայաստանում այսօր նշվում է Գիրք նվիրելու օրը։ Գրախանութներում արդեն վաճառվում է մանուկների համար նախատեսված Արեգ Բալայանի գիրքը։ Հեղինակը Sputnik Արմենիայի հետ զրույցում պատմել է դրա ստեղծման պատմությունը։
ԵՐԵՎԱՆ, 19 փետրվարի – Sputnik. Լուսանկարիչ, սթրիթ–արտ նկարիչ
Արեգ Բալայանի անունը հայտնի է ինչպես
Հայաստանում, այնպես էլ Հայաստանից դուրս։ Նա ճանաչում ձեռք բերեց ոչ միայն Արցախում արված ռազմական լուսանկարներով, այլև իր բլոճիկների շարքով. այսպես է Արեգն անվանում իր փողոցային արվեստի գործերը։
Իսկ պատերազմից հետո, ի զարմանս շատերի, սթրիթ–արտի վարպետը դարձավ գունազարդելու համար նախատեսված «Խաղա, որ սովորես բլօջիկների հետ» մանկական գրքի համահեղինակ։ Գրքի վրա Արեգն աշխատել է Քրիստինե Քանանյանի հետ։
Գրքի գաղափարը ծնվել էր դեռ Արցախյան 44-օրյա պատերազմից առաջ, սակայն շնորհանդեսը տեղի ունեցավ պատերազմի ավարտից մեկ տարի անց։ Սկզբում Արեգը զբաղված էր պատերազմական կադրեր որսալով, հետո` այլ գործերով, բայց Քրիստինեի համառությունն իրենն արեց։ Նրանց վերջապես հաջողվեց մեկտեղել շատերի կողմից սիրված «բլօջիկները»` իշուկին, թռչնակին, եղնիկին, կատվին և մյուս կենդանիներին։ Հայտնվեցին նաև նոր կերպարներ, օրինակ` Լուսինը, որին Արեգը շատ ջերմ է վերաբերվում։
«Առանց դրա չէր լինի։ Չէ՞ որ բլօջիկներն իմ ներաշխարհն են արտացոլում։ Սա մանկություն վերադառնալու, լույսը զգալու ու փոխանցելու ձև է», – ասում է նա։
Ի դեպ, կերպարների անունները ևս նկարչի մանկությունից են վերցված։ Երբ փոքր էր, պապը նրան ու մյուս երեխաներին «բոգոճ» էր (բլոճ` լոռվա բարբառով) ասում։ Արցախում, ուր հետո նա տեղափոխվեց ընտանիքի հետ, բլոճներին «բգոճ» են ասում, այսինքն` շատ նման է լոռվա տարբերակին։ Տարիներ անց էլ նա սկսեց բլոճ անվանել իր երեխաներին։
Իսկ երբ հայտնվեցին նրա առաջին «փոքր» կերպարները, երկար չմտածեց և որոշեց դրանց նույն անունը տալ, թեպետ ուղղագրական սխալով, որը գրքում բացատրվում է, որպեսզի երեխաները միանգամից սովորեն ճիշտ գրելաձևը։
«Ինձ համար կարևոր է երեխաների համար վատ օրինակ չդառնալը։ Դրա համար առաջարկեցի գրքում բառը ճիշտ գրել, բայց Քրիստինեն հետաքրքիր տարբերակ գտավ, որը թույլ տվեց պահպանել «աուտենտիկ» անվանումը», – պատմում է Արեգը։
Նկարիչը խոստովանում է, որ երեխաներին գիրքը դուր է եկել։ Նրանք, ովքեր բլոճիկներին տեսել են դրսում, անմիջապես ճանաչել են։ Կան նաև մարդիկ, որոնք տեսել են և՛ «բլօջիկներին», և՛ Արեգի հետ են ծանոթ, բայց չգիտեին, որ հենց ինքն է դրանք նկարում։
Նկարիչն ինքը մանկական ոգևորությամբ է պատմում` ինչպես է իր առաջին մեծ բլոճը նկարել Երևանի կենտրոնում, որտեղ է վերջին անգամ նկարել, ինչպես է մի օր մաքրել իր նկարածը և նկատողություն ստացել ոստիկաններից, բայց անմիջապես ավելացնում է` դա երեխայություն է, ցանկություն, որին ինքը չի դիմադրում։
– Բլոճիկ տեսել եմ Քարվաճառում քաղաքի հանձնման օրը։ Ինչո՞ւ էիր նկարում այն տարածքներում, որոնք Ադրբեջանին էին անցնում։
– Ուզում էի, որ այնտեղ կյանքի մասին հիշողություն մնար։ Որպեսզի մարդիկ ու երեխաները, որոնք գուցե ապրելու են այնտեղ, տեսնեն դրանք ու սկսեն մեզ հիշել ոչ որպես մարդակեր ու թշնամի։
– Հիմա էլ Լաչինի՞ միջանցքում։
– Այնտեղ բլոճիկներն օգնում են մարդկանց շեղվել ծանր մտքերից ու տառապանքներից։ Ասում են` օգնում է։ Ես էլ ամեն անգամ նորն եմ նկարում։
