https://arm.sputniknews.ru/20220219/ararat-mirzvojany-germaniajum-qnnarkel-e-haj-gerineri-anhapagh-hajrenadardzman-harcy-38855525.html

Արարատ Միրզոյանը Գերմանիայում քննարկել է հայ գերիների անհապաղ հայրենադարձման հարցը

Արարատ Միրզոյանը Գերմանիայում քննարկել է հայ գերիների անհապաղ հայրենադարձման հարցը

Sputnik Արմենիա

ՀՀ արտգործնախարարը ներկայացրել է իրավիճակը Լեռնային Ղարաբաղում և Հայաստանի ու Ադրբեջանի սահմանին։ 19.02.2022, Sputnik Արմենիա

2022-02-19T09:57+0400

2022-02-19T09:57+0400

2022-02-19T10:17+0400

հայաստան

գերմանիա

արարատ միրզոյան

գերի

https://cdn.am.sputniknews.ru/img/07e6/02/13/38856126_0:72:1601:972_1920x0_80_0_0_4a9e5fb8a96069cb9ffac744d3d278be.jpg

ԵՐԵՎԱՆ, 19 փետրվարի – Sputnik. ՀՀ արտգործնախարար Արարատ Միրզոյանը փետրվարի 18-ին Մյունխենում հանդիպում է ունեցել Գերմանիայի Դաշնային Հանրապետության ԱԳ պետնախարար Տոբիաս Լինդների հետ: Տեղեկությունը հայտնում է ՀՀ ԱԳՆ մամուլի ծառայությունը։Ըստ հաղորդագրության` զրուցակիցները մտքեր են փոխանակել երկկողմ և բազմակողմ ձևաչափերում երկու պետությունների միջև արդյունավետ համագործակցության շուրջ: Հայաստանի արտաքին քաղաքական գերատեսչության ղեկավարը գոհունակությամբ է արձանագրել Հայաստանի և Գերմանիայի միջև ձևավորված բարեկամական հարաբերությունների դրական դինամիկան՝ խարսխված պատմական կապերի, ընդհանուր արժեքների և փոխադարձ շահերի վրա։Արարատ Միրզոյանը և Տոբիաս Լինդները երկու երկրների միջև դիվանագիտական հարաբերությունների հաստատման 30-ամյակին ընդառաջ պատրաստակամություն են հայտնել խորացնելու երկու երկրների միջև համագործակցությունը։Կողմերը մտքեր են փոխանակել տարածաշրջանային և միջազգային օրակարգի մի շարք հրատապ հարցերի շուրջ։ Նախարար Միրզոյանը ներկայացրել է իրավիճակը Լեռնային Ղարաբաղում և Հայաստանի ու Ադրբեջանի սահմանին։Հանդիպման ընթացքում նաև անդրադարձ է կատարվել Հայաստանի և Թուրքիայի միջև հարաբերությունների կարգավորման գործընթացին։Հիշեցնենք` Միրզոյանը փետրվարի 18-ին մեկնել է Գերմանիա, որտեղ նա մասնակցելու է Մյունխենի 58-րդ անվտանգության համաժողովի աշխատանքներին։

գերմանիա

2022

Լուրեր

am_HY

արարատ միրզոյան գերի գերմանիա