https://arm.sputniknews.ru/20220217/pasta-havi-rol-ev-ogjust-eskofjei-qandakov-tvort-haj-khohararnery-haghtel-en-mijazgajin-mrcujtnerum-38786046.html

Պաստա, հավի ռոլ և Օգյուստ Էսկոֆյեի քանդակով տորթ. հայ խոհարարները հաղթել են մրցույթներում

Պաստա, հավի ռոլ և Օգյուստ Էսկոֆյեի քանդակով տորթ. հայ խոհարարները հաղթել են մրցույթներում

Sputnik Արմենիա

«Young chef olympiad 2022»–ը, ի զարմանս շատերի, անցկացվել է առցանց. մասնակցել են 50 երկրի խոհարարներ։ 17.02.2022, Sputnik Արմենիա

2022-02-17T14:59+0400

2022-02-17T14:59+0400

2022-02-17T15:09+0400

խոհարար

մրցույթ

հայաստան

հնդկաստան

ֆրանսիա

https://cdn.am.sputniknews.ru/img/07e6/02/11/38783802_0:0:1600:901_1920x0_80_0_0_9f9638657377be17f220a90fac1f91db.jpg

ԵՐԵՎԱՆ, 17 փետրվարի – Sputnik. Հայ խոհարարները վերջին ամսում մասնակցել են միջազգային մրցույթների և հաղթել։Դրանցից մեկը` «Young chef olympiad 2022»–ը, անցկացվել է առցանց. մասնակցել են 50 երկրի խոհարարներ։Հայ խոհարարական ավանդույթների զարգացման և պահպանման ՀԿ գործադիր տնօրեն Արբի Ղարախանին այդ մրցույթում մասնակցող 19-ամյա Գայանե Սիմոնյանի մենթորն է եղել։«Մրցույթի հիմնական վայրը Հնդկաստանն էր, սակայն ընդհանուր առմամբ այն առցանց է անցկացվել։ Մեզ համար տարօրինակ էր նման ձևաչափով մասնակցել, սակայն հաղթահարեցինք ամեն ինչ։ Օրինակ` ուտեստների բաղադրիչներն այնպիսին էին, որ գուցե իրար հետ համային առումով չհամապատասխանեին։ Պետք է այնպես անեինք, որպեսզի ամեն ինչ ճիշտ լիներ ու համահունչ։ Ժամանակային առումով էլ սահմանափակված ես լինում մրցույթների ժամանակ, ինչը բնականաբար ավելի է բարդացնում»,– Sputnik Արմենիայի մուլտիմեդիոն մամուլի կենտրոնում կայացած ասուլիսի ժամանակ նշեց Ղարախանին։Նա ընդգծեց, որ ժյուրին հետևում է աշխատելաոճին, պահվածքին, սթրեսի կառավարմանը և այլն։ Թափոններին էլ են ուշադիր լինում, քանի որ այն պետք է հնարավորինս քիչ լինի։«Young chef olympiad 2022»–ին ժյուրիի անդամները շուրջ 135-ն էին, որոնք առցանց հետևել են մրցույթին ու գնահատել աշխատանքները։ Ամեն երկրի խոհանոցում տեղադրված են եղել տեսախցիկներ։ Երևանում ժյուրիի 2 անդամ է եղել` շեֆ–խոհարարներ Տիգրանն ու Գարեգինը, որոնք համտեսել են Գայանեի պատրաստած ուտեստները, սակայն որևէ միավոր չեն նշանակել, առցանց հետևող ժյուրին է հարցերի միջոցով իր եզրակացությունը տվել։Գայանեն ստացել է խոհարարի մասնագիտություն` ավարտել է Ֆրանս–հայկական ուսումնական մասնագիտական կենտրոնի խոհարարության բաժինը։«Մասնակցության առաջարկը ստացա, որոշեցի, որ պետք է փորձեմ։ 2 փուլից էր բաղկացած մրցույթը, մասնակցեցի ու հաղթեցի` ստացա Plate Trophy (Լավագույն ափսե)։ Առաջին փուլում պետք է պաստա պատրաստեինք, տրվել էին բոլոր բաղադրիչները։ Մենք պատրաստել ենք ծնեբեկով, նարնջի սոուսով, միջուկն էլ այծի պանրով էր։ Երկրորդ փուլում էլ հավի ռոլ պատրաստեցի, իսկ խավարտը մանգոյով և քաղցրի կարտոֆիլով էր»,– ներկայացրեց Գայանեն։Նա նշեց, որ առցանց տարբերակով մասնակցելն անսովոր է եղել, քանի որ խոհարարական մրցույթում համն ու հոտը կարևոր է։Երկրորդ մրցույթը` Disciples Escoffier international հիմնադրամն է անցկացրել Ֆրանսիայում։ Հաղթողը եղել է հրուշակագործ Ջուլիետա Սարուխանյանը, ով ասաց, որ իր ոլորտն մի փոքր տարբերվում է խոհարարությունից` այստեղ ավելի շատ երանգներ, քանդակներ, հետաքրքիր տեխնիկաներ են առկա։«Մրցույթն անցկացվել է Մարսելում, պատրաստել եմ տորթ` Օգյուստ Էսկոֆյեի կիսանդրին ու մատուցել եմ այդ ամենը հետաքրքիր մրգային կոմպոզիցիայով։ Ներկայացրածս տեխնիկայի միջոցով այնտեղ գտնվող ժյուրին կարողացավ գնահատել մասնագետի մակարդակը։ Տորթը չեն համտեսել, այն որպես քանդակ տեղափոխվել է Էսկոֆյեի թանգարան, որտեղ ներկայացվելու է որպես հայի կողմից իրականացրած աշխատանք»,– ընդգծեց Ջուլիան։Անդրադառնալով կրթությանը՝ նա շեշտեց, որ խոհարարական դպրոց չի ավարտել, սովորել է Գեղարվեստի ակադեմիայում։ Շեշտում է` հենց այդտեղից է սկսել սերը դեպի նկարչությունն ու քանդակները։ 15 տարեկանից է սկսել հրուշակագործությամբ զբաղվել։ Վերապարաստումներ է անցել արտասահմանում, այժմ էլ ունեցած փորձով կիսվում է իր աշակերտների հետ։Խոսելով առաջիկա մրցույթների մասին՝ Ղարախանին նշեց, որ այս տարի կայանալու է նաև «Worldskills Shanghai 2022»–ը, որին նույնպես մասնակցելու է Գայանեն։

հնդկաստան

ֆրանսիա

2022

Լուրեր

am_HY

խոհարար, մրցույթ, հայաստան, հնդկաստան, ֆրանսիա