https://arm.sputniknews.ru/20220215/rvobert-qvocharjani-ev-armen-gevvorgjani-dem-qrgvortsvov-harcaqnnvel-e-vardan-oskanjany-38705254.html
Ռոբերտ Քոչարյանի և Արմեն Գևորգյանի դեմ քրգործով հարցաքննվել է Վարդան Օսկանյանը
Ռոբերտ Քոչարյանի և Արմեն Գևորգյանի դեմ քրգործով հարցաքննվել է Վարդան Օսկանյանը
Sputnik Արմենիա
Դատախազը հայտնեց, որ Վարդան Օսկանյանը միջնորդ է եղել Ռոբերտ Քոչարյանի և գործարար Սիլվա Համբարձումյանի միջև։ 15.02.2022, Sputnik Արմենիա
2022-02-15T15:25+0400
2022-02-15T15:25+0400
2022-02-15T15:46+0400
ռոբերտ քոչարյան
վարդան օսկանյան
հարցաքննություն
դատ
https://cdn.am.sputniknews.ru/img/639/20/6392047_0:0:1600:901_1920x0_80_0_0_2db278bd0e7f3aef6a2c8d814e488c8e.jpg
ԵՐԵՎԱՆ, 15 փետրվարի – Sputnik. ՀՀ արտաքին գործերի նախկին նախարար Վարդան Օսկանյանը հարցաքննվել է ՀՀ երկրորդ նախագահ Ռոբերտ Քոչարյանի ու նախկին փոխվարչապետ Արմեն Գևորգյանի դեմ հարուցված քրեական գործով։ Տեղեկությունը լրագրողների հետ զրույցում հայտնեց գործով դատախազ Գևորգ Բաղդասարյանը։Ավելի վաղ հայտնել էինք, որ Երևանի ընդհանուր իրավասության դատարանում դատավոր Աննա Դանիբեկյանի նախագահությամբ ընթանում է Քոչարյանի և նախկին փոխվարչապետ Արմեն Գևորգյանի դեմ հարուցված քրգործով հերթական նիստը։ Մեղադրական կողմը հրապարակեց մեղադրական եզրակացության եզրափակիչ մասը։ Քոչարյանի պաշտպաններ Հայկ Ալումյանն ու Հովհաննես Խուդոյանը լքեցին նիստերի դահլիճը։ Ինչպես նրանք, այնպես էլ Քոչարյանը պնդում են, որ վերջինիս վերագրվող մեղադրանքը հասկանալի չէ։ Դատավոր Աննա Դանիբեկյանը գնաց խորհրդակցական սենյակ` Քոչարյանի պաշտպանների պահվածքի համար սանկցիա կիրառելու որոշում կայացնելու։Դատախազ Պետրոս Պետրոսյանը, մեղադրական ճառի եզրափակիչ մասը ներկայացնելիս, ասել էր, որ գործարար Սիլվա Համբարձումյանն իր մտերիմ Վարդան Օսկանյանի միջոցով դիմել է Արմեն Գևորգյանին և Ռոբերտ Քոչարյանին, որպեսզի կաշառք տա նրանց։ Օսկանյանը հայտնել է, որ կաշառք ստանալու համար Գևորգյանի անունից ներկայանալու է գործարար Սամվել Մայրապետյանը։Հիշեցնենք, որ ըստ մեղադրանքի` Քոչարյանը, իր պաշտոնեական դիրքն օգտագործելով, «Թի Էս Էս Սի Արմենիայի» տնօրեն Սիլվա Համբարձումյանի օգտին գործողություններ կատարելուն նպաստել է, այն է՝ ընկերությանը տրամադրված ընդերքն օգտակար հանածոների շահագործման նպատակով ուսումնասիրության լիցենզիաներով ընկերության 100 տոկոս բաժնեմասը ՀՀ-ում ոչ ռեզիդենտ ընկերությանը վաճառելու գործարքին չխոչընդոտելու համար, 2008–ի փետրվարին և մայիսին Սամվել Մայրապետյանի օժանդակությամբ նրանից ստացել է 3 միլիոն դոլար կաշառք։ Նրան մեղադրանք է առաջադրվել ՀՀ քրեական օրենսգրքի 311–րդ հոդվածի 4-րդ մասի 2-րդ կետով (առանձնապես խոշոր չափի կաշառք ստանալը)։Նշենք, որ մյուս քրգործով` ՀՀ քրեական օրենսգրքի 300.1 (սահմանադրական կարգը տապալելը) հոդվածով Քոչարյանի նկատմամբ քրեական հետապնդումը դադարեցվել է։ՍԴ–ն որոշել էր, որ այդ հոդվածը չի համապատասխանում ՀՀ Սահմանադրությանը։Արմեն Գևորգյանն էլ մեղադրվում է փողերի լվացման մեջ։ Նա մեղադրվում է այն բանի համար, որ 2006 թվականի փետրվարից մինչև 2008 թվականի ապրիլի 21-ը հանդիսանալով պետական մարմնում պաշտոնատար անձ՝ վերոնշյալ գործարքի շրջանակներում Սամվել Մայրապետյանի օժանդակությամբ Սիլվա Համբարձումյանից ստացել է 309 միլիոն դրամին համարժեք 1 մլն դոլար կաշառք և օրինականացրել ստացված եկամուտները։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռոբերտ քոչարյան, վարդան օսկանյան, հարցաքննություն, դատ
ռոբերտ քոչարյան, վարդան օսկանյան, հարցաքննություն, դատ
Ռոբերտ Քոչարյանի և Արմեն Գևորգյանի դեմ քրգործով հարցաքննվել է Վարդան Օսկանյանը
15:25 15.02.2022 (Թարմացված է: 15:46 15.02.2022) Դատախազը հայտնեց, որ Վարդան Օսկանյանը միջնորդ է եղել Ռոբերտ Քոչարյանի և գործարար Սիլվա Համբարձումյանի միջև։
ԵՐԵՎԱՆ, 15 փետրվարի – Sputnik. ՀՀ արտաքին գործերի նախկին նախարար Վարդան Օսկանյանը հարցաքննվել է ՀՀ երկրորդ նախագահ Ռոբերտ Քոչարյանի ու նախկին փոխվարչապետ Արմեն Գևորգյանի դեմ հարուցված քրեական գործով։ Տեղեկությունը լրագրողների հետ զրույցում հայտնեց գործով դատախազ Գևորգ Բաղդասարյանը։
Ավելի վաղ
հայտնել էինք, որ Երևանի ընդհանուր իրավասության դատարանում դատավոր Աննա Դանիբեկյանի նախագահությամբ ընթանում է Քոչարյանի և նախկին փոխվարչապետ Արմեն Գևորգյանի դեմ հարուցված քրգործով հերթական նիստը։ Մեղադրական կողմը հրապարակեց մեղադրական եզրակացության եզրափակիչ մասը։ Քոչարյանի պաշտպաններ Հայկ Ալումյանն ու Հովհաննես Խուդոյանը
լքեցին նիստերի դահլիճը։ Ինչպես նրանք, այնպես էլ Քոչարյանը պնդում են, որ վերջինիս վերագրվող մեղադրանքը հասկանալի չէ։ Դատավոր Աննա Դանիբեկյանը գնաց խորհրդակցական սենյակ` Քոչարյանի պաշտպանների պահվածքի համար սանկցիա կիրառելու որոշում կայացնելու։
«Վարդան Օսկանյանն այս գործով հարցաքննվել է։ Նա վկայի կարգավիճակ ունի, այլ մանրամասներ հայտնել չեմ կարող»,–ասաց Բաղդասարյանը։
Դատախազ Պետրոս Պետրոսյանը, մեղադրական ճառի եզրափակիչ մասը ներկայացնելիս, ասել էր, որ գործարար Սիլվա Համբարձումյանն իր մտերիմ Վարդան Օսկանյանի միջոցով դիմել է Արմեն Գևորգյանին և Ռոբերտ Քոչարյանին, որպեսզի կաշառք տա նրանց։ Օսկանյանը հայտնել է, որ կաշառք ստանալու համար Գևորգյանի անունից ներկայանալու է գործարար Սամվել Մայրապետյանը։
Հիշեցնենք, որ ըստ մեղադրանքի` Քոչարյանը, իր պաշտոնեական դիրքն օգտագործելով, «Թի Էս Էս Սի Արմենիայի» տնօրեն Սիլվա Համբարձումյանի օգտին գործողություններ կատարելուն նպաստել է, այն է՝ ընկերությանը տրամադրված ընդերքն օգտակար հանածոների շահագործման նպատակով ուսումնասիրության լիցենզիաներով ընկերության 100 տոկոս բաժնեմասը ՀՀ-ում ոչ ռեզիդենտ ընկերությանը վաճառելու գործարքին չխոչընդոտելու համար, 2008–ի փետրվարին և մայիսին Սամվել Մայրապետյանի օժանդակությամբ նրանից ստացել է 3 միլիոն դոլար կաշառք։ Նրան մեղադրանք է առաջադրվել ՀՀ քրեական օրենսգրքի 311–րդ հոդվածի 4-րդ մասի 2-րդ կետով (առանձնապես խոշոր չափի կաշառք ստանալը)։
Նշենք, որ մյուս քրգործով` ՀՀ քրեական օրենսգրքի 300.1 (սահմանադրական կարգը տապալելը) հոդվածով Քոչարյանի նկատմամբ քրեական հետապնդումը դադարեցվել է։
ՍԴ–ն որոշել էր, որ այդ հոդվածը չի համապատասխանում ՀՀ Սահմանադրությանը։
Արմեն Գևորգյանն էլ մեղադրվում է փողերի լվացման մեջ։ Նա մեղադրվում է այն բանի համար, որ 2006 թվականի փետրվարից մինչև 2008 թվականի ապրիլի 21-ը հանդիսանալով պետական մարմնում պաշտոնատար անձ՝ վերոնշյալ գործարքի շրջանակներում Սամվել Մայրապետյանի օժանդակությամբ Սիլվա Համբարձումյանից ստացել է 309 միլիոն դրամին համարժեք 1 մլն դոլար կաշառք և օրինականացրել ստացված եկամուտները։
