https://arm.sputniknews.ru/20220215/nvor-kjanq-hin-hagustin-sirun-i-nvor-havaqatsun-shutov-knerkajacvi-hasarakutjany-38577127.html

Նոր կյանք՝ հին հագուստին. «Սիրուն»-ի նոր հավաքածուն շուտով կներկայացվի հասարակությանը

Նոր կյանք՝ հին հագուստին. «Սիրուն»-ի նոր հավաքածուն շուտով կներկայացվի հասարակությանը

Sputnik Արմենիա

Հին ու լայն տաբատից նոր ու ժամանակակից պայուսակ, վերնաշապիկից՝ կանացի ժամանակակից բլուզ, իսկ պատառոտված շրջազգեստից՝ բաճկոն. գյումրեցի երիտասարդները հին... 15.02.2022, Sputnik Արմենիա

2022-02-15T08:28+0400

2022-02-15T08:28+0400

2022-02-15T08:28+0400

հեղինակներ

գյումրի

հագուստ

ցուցադրություն

https://cdn.am.sputniknews.ru/img/07e6/02/0e/38677887_0:65:1600:965_1920x0_80_0_0_62ddb787b7eae97d890b49a88298cb08.jpg

Ամեն ինչ սկսվեց, երբ 44-օրյա պատերազմից հետո Արցախից Գյումրի տեղափոխված ու սոցիալապես անապահով ընտանիքների համար Երիտասարդական պալատում սկսեցին հագուստ հավաքել: Օգտագործման ենթակա հագուստը բաժանվեց կարիքավորներին, բայց մեծ քանակության հագուստ մնաց, որն իրացման ենթակա չէր:«Մենք սկսեցիքն դրանցից պայուսակներ կարել, բայց հետո որոշեցինք՝ անել այնպիսի ծրագիր, որն ասելիք կունենա՝ էկոլոգիական խնդիր կլուծի ու վերաբերմունք կփոխի: Այս դեպքում հավաքածու ստեղծելն ամենալավ տարբերակն էր»,-Sputnik Արմենիայի հետ զրույցում նշեց Երիտասարդական պալատի տնօրենի ժամանակավոր պաշտոնակատար Լիլիթ Մակարյանը։Հավաքածուն արդեն իր անունն ունի:«Քանի որ մեր շատ ծրագրերի անվանումներ «սիրուն» բառով էին սկսվում, հավաքածուն որոշեցինք «Սիրուն» կոչել (Siroon rECOvery)։ Գործընթացը շատ հետաքրիր է ու համախմբում է բոլոր կամավորներին. մեկը կարում է, մյուսը՝ նկարում կամ ասեղնագործում: Փորձում ենք մաքսիմալ օգտագործել մեր մոտ կուտակված հագուստի պաշարը՝ աղբի պաշարը հնարավորինս քչացնելու համար»,-նշում է Լիլիթը հավելելով, որ մի հետաքրքիր գաղափար էլ ունեն, սակայն դա ֆինանսական լուրջ ներդրումներ է պահանջում. հագուստի աղաց ունենալու դեպքում էլ ավելի կկրճատվեր աղբանոցներ նետվող հագուստի քանակը՝ անպետք հագուստը կաղացվի և կօգտագործվի ներքնակների, փափուկ կահույքի կամ բարձերի մեջ:Հին հագուստին նոր կյանք տալու գաղափարի շուրջ համախմբվել են կամավորներ նաև արտերկրից: Ամեն մեկը յուրովի է ներգրավված գործընթացում:«Դեպի Հայք» ծրագրի շրջանակներում ԱՄՆ-ից Հայաստան ժամանած 27-ամյա Քրիստոֆեր Օհանյանը վստահեցնում է՝ Հայաստանում մտածելակերպի փոփոխության անհրաժեշտություն կա՝ մարդիկ հագնում եմ միաոճ ու թանկ հագուստ, մինչդեռ կարելի է հագնել լավ հագուստ, բայց ոչ անպայման նորը:«Լոս Անջելեսում մեծածախ ընտանեկան բիզնես ունենք, մասանգիտությամբ մենեջեր եմ՝ բավական հնարավորություններ ունենք, բայց ես ինքս հաճույքով կրում եմ ձևափոխած կամ այսպես կոչված՝ Second hand հագուստ»,-ասաց Քրիստոֆերը չբացառելով՝ հնարավորության դեպքում կմնա Հայաստանում՝ այստեղ իր սեփական գործը դնելով։ Բայց մինչ այդ պետք է անի ամեն ինչ՝ «Սիրուն»-ի հավաքածուի համար իր լուման ունենալով, իսկ դրա համար նա փորձում է աշխատել կարի մեքենայով:Աստրիդ Փելյուն նորաձևության մայրաքաղաքից է եկել Գյումրի: Հավաքածուի ստեղծման գաղափարը շատ է հավանել: Տեսնելով հին հագուստը՝ փորձում է թղթին հանձնել դրա նոր տարբերակը:Երիտասարդները վստահեցնում են՝ իրենց ստեղծած հագուստը նաև յուրահատուկ է նրանով, որ անկրկնելի է ու ստեղծվում է մեկ օրինակից: Իսկ «Սիրունը» նրանց մեջ արդեն մտածելակերպ է փոխել՝ փորձում են զգեստապահարանը նորացնել «հին» հագուստներով:Աշխատանքերի նորմալ ընթացքի դեպքում նախաձեռնողները խոստանում են հավաքածուի ցուցադրությունը կազմակերպել առաջիկա գարնանը:

գյումրի

2022

Լուրեր

am_HY

հեղինակներ, գյումրի, հագուստ, ցուցադրություն