https://arm.sputniknews.ru/20220215/inchpes-en-ajcelunerin-gravum-dubai-expo-i-hajkakan-taghavarum-38722014.html
Ինչպե՞ս են այցելուներին գրավում Dubai Expo-ի հայկական տաղավարում
Ինչպե՞ս են այցելուներին գրավում Dubai Expo-ի հայկական տաղավարում
Sputnik Արմենիա
Բոլոր հյուրերին պատմում են Հայաստանի մասին (եթե կարիք կա՝ նաև արաբերեն լեզվով։ 15.02.2022, Sputnik Արմենիա
2022-02-15T19:21+0400
2022-02-15T19:21+0400
2022-02-15T19:22+0400
դուբայ
էքսպո
հայաստան
https://cdn.am.sputniknews.ru/img/07e5/0a/02/33858654_57:146:1052:706_1920x0_80_0_0_0f2a106380e12abe713cff28d74ff15d.jpg
ԵՐԵՎԱՆ, 15 փետրվարի – Sputnik. Հայաստանի տաղավարը Dubai Expo-ում մեծ չէ, և դա նկատելի դարձնելու համար հարկ է լինում այցելուների հետ աշխատանք տանել։ Այս մասին Sputnik Արմենիայի հետ զրույցում ասաց տաղավարի աշխատանքների համակարգող Լիլիթ Հակոբյանը։Ցուցահանդեսի արաբ հյուրերը կարող են տաղավարում խոսել մայրենի լեզվով. տաղավարի աշխատակիցների մեջ սիրիահայեր կան:«Մեր հյուրերը գնահատեցին դա, հատկապես, որ ամենևին էլ ոչ բոլոր տաղավարներում են կարողանում մայրենի լեզվով շփվել»,-ավելացրեց Լիլիթը։Արտասահմանցի ներդրողների հետ շփվելու փորձ նա արդեն ունի․ապրել և սովորել է Պետերբուրգում, այնուհետև՝ Բրիտանիայում, իսկ հետո Սփյուռքի երիտասարդների ներգրավման ծրագրի շրջանակում մեկ տարի պետական աշխատանք է կատարել Հայաստանում։Շատերը, հատկապես՝ արաբները, անսպասելի հարց են տվել․ «Հայաստանը որտե՞ղ է»։ Նրանց ներկայացրել են, որ Հայաստանն իրականում այնքան էլ հեռու չէ, և որ Մերձավոր Արևելքի երկրներից այնտեղ կարելի է հասնել 3-4 ժամում։Այցելուներին գրավում է սուջուխը, բայց հետաքրքրում են նաև ոչ ուտելի ցուցանմուշները, այդ թվում՝ Արցախի Աստղաշեն գյուղից բերված նմուշները։ Դիզայներ Սոնա Ավագյանն Աստղաշենից ծովաշուշաններ է հավաքում (փշամորթներ են՝ ծովաստղ հիշեցնող, որոնք գյուղի մոտակայքում անձրևից հետո մակերևույթ են դուրս գալիս) և զարդեր է պատրաստում դրանցից։ Այդ շուշան-աստղիկների պատճառով էլ հենց գյուղը կոչվում է Աստղաշեն։Տաղավարում ներկայացված են նաև պատմական ցուցանմուշներ, որոնք բերել են Հայաստանի թանգարաններից, այդ թվում՝ Արենիի քարանձավում հայտնաբերված 5 500 տարեկան կաշվե կոշիկն ու առաջին հայերեն տպագիր գիրքը՝ 16-րդ դարի։Ավելի վաղ պատմել էինք, որ տաղավարն արդեն մոտ 300 հազար այցելու է ընդունել (ցուցահանդեսի 10 միլիոն հյուրերից)։ Dubai Expo–ում Սերգեյ Սմբատյանի ղեկավարությամբ Հայաստանի ֆիլհարմոնիկ նվագախմբի համերգից հետո ցանկանում են ռոք խմբեր և էստրադային կատարողներ բերել։Հիշեցնենք, որ Dubai Expo համաշխարհային ցուցահանդեսը անցկացվում է 2021թ․-ի հոկտեմբերի 1-ից մինչև 2022թ․-ի մարտի 31-ը:
դուբայ
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
դուբայ, էքսպո, հայաստան
Ինչպե՞ս են այցելուներին գրավում Dubai Expo-ի հայկական տաղավարում
19:21 15.02.2022 (Թարմացված է: 19:22 15.02.2022) Բոլոր հյուրերին պատմում են Հայաստանի մասին (եթե կարիք կա՝ նաև արաբերեն լեզվով։
ԵՐԵՎԱՆ, 15 փետրվարի – Sputnik. Հայաստանի տաղավարը Dubai Expo-ում մեծ չէ, և դա նկատելի դարձնելու համար հարկ է լինում այցելուների հետ աշխատանք տանել։ Այս մասին
Sputnik Արմենիայի հետ զրույցում ասաց տաղավարի աշխատանքների համակարգող Լիլիթ Հակոբյանը։
Ցուցահանդեսի արաբ հյուրերը կարող են տաղավարում խոսել մայրենի լեզվով. տաղավարի աշխատակիցների մեջ սիրիահայեր կան:
«Մեր հյուրերը գնահատեցին դա, հատկապես, որ ամենևին էլ ոչ բոլոր տաղավարներում են կարողանում մայրենի լեզվով շփվել»,-ավելացրեց Լիլիթը։
Արտասահմանցի ներդրողների հետ շփվելու փորձ նա արդեն ունի․ապրել և սովորել է Պետերբուրգում, այնուհետև՝ Բրիտանիայում, իսկ հետո Սփյուռքի երիտասարդների ներգրավման ծրագրի շրջանակում մեկ տարի պետական աշխատանք է կատարել Հայաստանում։
Շատերը, հատկապես՝ արաբները, անսպասելի հարց են տվել․ «Հայաստանը որտե՞ղ է»։ Նրանց ներկայացրել են, որ Հայաստանն իրականում այնքան էլ հեռու չէ, և որ Մերձավոր Արևելքի երկրներից այնտեղ կարելի է հասնել 3-4 ժամում։
Դեպի հավանական զբոսաշրջիկի (կամ ներդրողի) սիրտը տանող ճանապարհը կրճատելու համար տաղավարում հայկական սուջուխ և այլ հայկական մթերքներ են հյուրասիրում։ Ստիպված են առանց տաք ուտեստների մնալ՝ տաղավարը փոքր է և ռեստորանային տարածք չի ենթադրում (ի տարբերություն մի շարք խոշոր երկրների տաղավարների)։ Փոխարենը հանգիստ դիտող (և համտեսող) այցելուներին փորձում են ավելի շատ պատմել Հայաստանի մասին։
Այցելուներին գրավում է սուջուխը, բայց հետաքրքրում են նաև ոչ ուտելի ցուցանմուշները, այդ թվում՝ Արցախի Աստղաշեն գյուղից բերված նմուշները։ Դիզայներ Սոնա Ավագյանն Աստղաշենից ծովաշուշաններ է հավաքում (փշամորթներ են՝ ծովաստղ հիշեցնող, որոնք գյուղի մոտակայքում անձրևից հետո մակերևույթ են դուրս գալիս) և զարդեր է պատրաստում դրանցից։ Այդ շուշան-աստղիկների պատճառով էլ հենց գյուղը կոչվում է Աստղաշեն։
Տաղավարում ներկայացված են նաև պատմական ցուցանմուշներ, որոնք բերել են Հայաստանի թանգարաններից, այդ թվում՝ Արենիի քարանձավում հայտնաբերված 5 500 տարեկան կաշվե կոշիկն ու առաջին հայերեն տպագիր գիրքը՝ 16-րդ դարի։
Ավելի վաղ
պատմել էինք, որ տաղավարն արդեն մոտ 300 հազար այցելու է ընդունել (ցուցահանդեսի 10 միլիոն հյուրերից)։ Dubai Expo–ում Սերգեյ Սմբատյանի ղեկավարությամբ Հայաստանի ֆիլհարմոնիկ նվագախմբի համերգից հետո ցանկանում են ռոք խմբեր և էստրադային կատարողներ բերել։
Հիշեցնենք, որ Dubai Expo համաշխարհային ցուցահանդեսը անցկացվում է 2021թ․-ի հոկտեմբերի 1-ից մինչև 2022թ․-ի մարտի 31-ը:
