https://arm.sputniknews.ru/20220215/gitnakannery-hajtnaberel-en-molvorak-vori-vra-karogh-e-kjanq-linel-38693113.html
Գիտնականները հայտնաբերել են մոլորակ, որի վրա կարող է կյանք լինել
Գիտնականները հայտնաբերել են մոլորակ, որի վրա կարող է կյանք լինել
Sputnik Արմենիա
Մոլորակը, որը հայտնաբերել են գիտնականները, պտտվում է «սպիտակ թզուկի» (մարող և սառչող աստղ) շուրջ։ 15.02.2022, Sputnik Արմենիա
2022-02-15T10:16+0400
2022-02-15T10:16+0400
2022-02-15T10:18+0400
տիեզերք
մոլորակ
կյանք
https://cdn.am.sputniknews.ru/img/07e6/01/0a/37372459_0:345:1041:931_1920x0_80_0_0_f8f854b9e47e704d6eaa17e96c530fb5.jpg
ԵՐԵՎԱՆ, 15 փետրվարի - Sputnik. Բրիտանացի գիտնականները նոր մոլորակ են հայտնաբերել, որի վրա տեսականորեն կարող է կյանք լինել։ Բանն այն է, որ այն գտնվում է այսպես կոչված «բնակելի գոտում», այսինքն դրանում առկա պայմանները կարող են հեղուկ վիճակում ջրի գոյություն ապահովել։Այն գտնվում է Երկրից 117 լուսատարի հեռավորության վրա։ Ենթադրվում է, որ մոլորակը Երկրի և Արևի հեռավորության համեմատ 60 անգամ մոտ է իր աստղին։Բրիտանական թագավորական աստղագիտական ընկերության պարբերականում հրապարակված ուսումնասիրության համաձայն` մոլորակը հայտնաբերվել է «սպիտակ թզուկի»` այսինքն մարող աստղի, մերձակայքում։Եթե գիտնականների եզրակացությունները ճիշտ լինեն, սա կդառնա պատմության մեջ կենսապայմանների առումով հարմար երկնային մարմնի (որը գտնվում է նմանատիպ աստղի ուղեծրում) հայտնաբերման առաջին դեպքը։Թեպետ բրիտանացի աստղագետներն այդ երկնային մարմնի գոյության վերաբերյալ դեռ ուղիղ ապացույցներ չունեն։ Նրանք ստիպված են ենթադրություններ անել «բնակելի գոտում» (Goldilocks Zone) գտնվող Լուսնի չափերի 65 այլ օբյեկտների տեղաշարժի վերաբերյալ առկա տեղեկությունների հիման վրա։Այդ օբյեկտները միմյանցից հավասար հեռավորության վրա են մնում, իսկ դա խոսում է այն մասին, որ հեռավորությունը պահպանում է որևէ մոտակա մոլորակի գրավիտացիան։ Գիտնականները ապշած են մնացել այն հանգամանքից, թե որքան հստակ է եղել այդ շարժումը։ Ինքնուրույն միանալ ցանկալի աստղադիտակին. հայկական ծրագիրը կօգնի տիեզերքին նորովի նայելԲնակելի գոտին տիեզերքում այս կամ այն աստղի մոտ առկա տարածքն է, որտեղ լուսատուից հեռավորությունն այնքան էլ մեծ չէ, որպեսզի այնտեղ շատ ցուրտ լինի, և այնքան փոքր չէ, որպեսզի այնտեղ շատ տաք լինի։ Եթե մոլորակի պայմանները համապատասխանում են այս պահանջներին, այնտեղ կարող է հեղուկ վիճակում ջուր գոյություն ունենալ, հետևաբար՝ նաև կյանք լինել։
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տիեզերք, մոլորակ, կյանք
Գիտնականները հայտնաբերել են մոլորակ, որի վրա կարող է կյանք լինել
10:16 15.02.2022 (Թարմացված է: 10:18 15.02.2022) Մոլորակը, որը հայտնաբերել են գիտնականները, պտտվում է «սպիտակ թզուկի» (մարող և սառչող աստղ) շուրջ։
ԵՐԵՎԱՆ, 15 փետրվարի - Sputnik. Բրիտանացի գիտնականները նոր մոլորակ են հայտնաբերել, որի վրա տեսականորեն կարող է կյանք լինել։ Բանն այն է, որ այն գտնվում է այսպես կոչված «բնակելի գոտում», այսինքն դրանում առկա պայմանները կարող են հեղուկ վիճակում ջրի գոյություն ապահովել։
Այն գտնվում է Երկրից 117 լուսատարի հեռավորության վրա։ Ենթադրվում է, որ մոլորակը Երկրի և Արևի հեռավորության համեմատ 60 անգամ մոտ է իր աստղին։
Բրիտանական թագավորական աստղագիտական ընկերության պարբերականում հրապարակված ուսումնասիրության համաձայն` մոլորակը հայտնաբերվել է «սպիտակ թզուկի»` այսինքն մարող աստղի, մերձակայքում։
Նշենք, որ «սպիտակ թզուկները» աստղեր են, որոնք օգտագործել են իրենց միջուկային վառելիքն ու կորցրել արտաքին շերտերը։ Սովորաբար դրանք չափերով չեն գերազանցում մոլորակի չափերը և ձևավորումից հետո սպիտակաերկնագույն լուսարձակում են ունենում։
Եթե գիտնականների եզրակացությունները ճիշտ լինեն, սա կդառնա պատմության մեջ կենսապայմանների առումով հարմար երկնային մարմնի (որը գտնվում է նմանատիպ աստղի ուղեծրում) հայտնաբերման առաջին դեպքը։
Թեպետ բրիտանացի աստղագետներն այդ երկնային մարմնի գոյության վերաբերյալ դեռ ուղիղ ապացույցներ չունեն։ Նրանք ստիպված են ենթադրություններ անել «բնակելի գոտում» (Goldilocks Zone) գտնվող Լուսնի չափերի 65 այլ օբյեկտների տեղաշարժի վերաբերյալ առկա տեղեկությունների հիման վրա։
Այդ օբյեկտները միմյանցից հավասար հեռավորության վրա են մնում, իսկ դա խոսում է այն մասին, որ հեռավորությունը պահպանում է որևէ մոտակա մոլորակի գրավիտացիան։ Գիտնականները ապշած են մնացել այն հանգամանքից, թե որքան հստակ է եղել այդ շարժումը։
Բնակելի գոտին տիեզերքում այս կամ այն աստղի մոտ առկա տարածքն է, որտեղ լուսատուից հեռավորությունն այնքան էլ մեծ չէ, որպեսզի այնտեղ շատ ցուրտ լինի, և այնքան փոքր չէ, որպեսզի այնտեղ շատ տաք լինի։ Եթե մոլորակի պայմանները համապատասխանում են այս պահանջներին, այնտեղ կարող է հեղուկ վիճակում ջուր գոյություն ունենալ, հետևաբար՝ նաև կյանք լինել։
