https://arm.sputniknews.ru/20220206/vat-cher-bajc-mtatselu-tegh-ka-grigvorjany-olimpiakan-khagherum-miqajeljani-ardjunqi-masin-38373655.html

Վատ չէր, բայց մտածելու տեղ կա. Գրիգորյանը` օլիմպիական խաղերում Միքայելյանի արդյունքի մասին

Վատ չէր, բայց մտածելու տեղ կա. Գրիգորյանը` օլիմպիական խաղերում Միքայելյանի արդյունքի մասին

Sputnik Արմենիա

Արմեն Գրիգորյանը հույս ունի, որ գեղասահքի մեր մարզիկները պատվավոր մասնակցություն կունենան Պեկինում անցկացվող օլիմպիական խաղերին։ 06.02.2022, Sputnik Արմենիա

2022-02-06T17:54+0400

2022-02-06T17:54+0400

2022-02-06T21:17+0400

պեկինի օլիմպիական խաղեր

հայաստան

պեկին

օլիմպիական խաղեր

արմեն գրիգորյան

հայաստանի օլիպիական կոմիտե (հաօկ)

տեսանյութ

տեսանյութեր

https://cdn.am.sputniknews.ru/img/07e6/02/06/38375336_2:0:1600:899_1920x0_80_0_0_7c75b791ae2ee17b1fb542e673b79e64.jpg

ԵՐԵՎԱՆ, 6 փետրվարի – Sputnik. ՀԱՕԿ փոխնախագահ, Պեկինում անցկացվող օլիմպիական խաղերի Հայաստանի պատվիրակության ղեկավար Արմեն Գրիգորյանը կարծում է, որ դահուկավազորդ Միքայել Միքայելյանի գրանցած ցուցանիշը` 47-րդ տեղը, վատ չէր։ Սակայն այս առումով քննարկելու հարցեր կան, Sputnik Արմենիայի հետ զրույցում նշեց Գրիգորյանը։Հայտնել էինք, որ Ձմեռային օլիմպիական խաղերի դահուկորդների սկիաթլոնի մրցումներում 47-րդ տեղը զբաղեցրեց Միքայել Միքայելյանը։«Միքայելը վերջին 5 կիլոմետրն անցնում էր 28-30-րդ տեղով և բոլորիս թվում էր` նա կավարտի մրցաշարն այդ տեղերում։ Բայց ինչ–որ բան կատարվեց, և նա 47-րդը եղավ։ Կարծում եմ` վատ չի, բայց քննարկելու և մտածելու տեղ ունենք ինչպես այստեղ գտնվելու ժամանակ, այնպես էլ Երևան վերադառնալուց հետո»,–ասաց Գրիգորյանը։ Նա նշեց, որ հիմա սպասում են գեղասահքի մեր մարզիկներին, որոնք փետրվարի 12-ին են սառցադաշտ դուրս գալու։ Գրիգորյանը երեկ ներկա է եղել նրանց մարզումներին և վստահեցնում է` բավականին լավ էին զգում իրենց։ Նա հույս ունի, որ գեղասահքի մեր մարզիկները կուրախացնեն մարզասերներին։«Մեր պատվիրակությանը հաջողություն մաղթենք և ցանկանանք, որպեսզի պատվավոր մասնակցություն ունենան խաղերին»,–իր խոսքն ամփոփեց Գրիգորյանը։Հիշեցնենք, որ Պեկինի 24-րդ ձմեռային օլիմպիական խաղերում Հայաստանից մասնակցելու էին վեց մարզիկներ։ Բայց լեռնադահուկորդ Հարություն Հարությունյանը մեր պատվիրակության հետ չմեկնեց Չինաստանի մայրաքաղաք կորոնավիրուսի դրական թեստի պատճառով։ Սակայն չի բացառվում, որ հայ լեռնադահուկորդը մասնակցի օլիմպիական խաղերին։ Հարությունյանը պետք է մասնակցի փետրվարի 13-ին հսկա սլալոմի, իսկ փետրվարի 16-ին՝ սլալոմի մրցումներին։ Եթե մեր մարզիկը բացասական թեստ ունենա, կարող է դեռ հասցնել մեկնել Պեկին։

պեկին

2022

Լուրեր

am_HY

հայաստան, պեկին, օլիմպիական խաղեր, արմեն գրիգորյան, հայաստանի օլիպիական կոմիտե (հաօկ), видео, տեսանյութ, տեսանյութեր