Նման պաշտոն գոյություն չունի. Ուրցաձորի նախկին ղեկավարը կսպասի դատարանի որոշմանը
20:09 02.02.2022 (Թարմացված է: 20:17 02.02.2022)
Ռաֆիկ Անդրեասյան. «Ուրցաձոր համայնքի հաստիքացուցակում վարչական ղեկավարի պաշտոն գոյություն չունի»
Բաժանորդագրվել
Ռաֆիկ Անդրեասյանը Sputnik Արմենիայի եթերում անդրադարձել է համայնքապետարանում տիրող իրավիճակին և առաջիկա ընտրություններին։
Արարատի մարզի Ուրցաձոր համայնքի նախկին ղեկավար Ռաֆիկ Անդրեասյանը վստահեցնում է, որ համայնքապետարանի աշխատակիցներին աշխատանքից ազատելը որևէ կապ չունի օրենքի հետ։
«Ուրցաձոր համայնքում նշանակել են ոչ թե ժամանակավոր պաշտոնակատար, այլ վարչական ղեկավար, մինչդեռ համայնքի հաստիքացուցակում նման պաշտոն գոյություն չունի։ Երբ մարդկանց ազատում են աշխատանքից, հղում են անում օրենքի կոնկրետ կետերի։ Այդ հղումը վերցրեք ու օրենքի հետ համեմատեք, որևիցե կապ ունի՞։ Չունի։ Մարդուն ազատում են «բյուլետենի» մեջ։ Կա՞ օրենքում նման բան կա։ Չկա»,– Sputnik Արմենիայի եթերում ասաց Ռաֆիկ Անդրեասյանը։
Խնդիրն այն է, որ Վեդիի համայնքապետի ԺՊ Գարիկ Սարգսյանն ազատել է Ուրցաձորի համայնքապետ Ռաֆիկ Անդրեասյանին և մի շարք ընդդիմադիր համայնքապետների։ Անդրեասյանը բողոքարկել է որոշումը, աշխատակազմը հրաժարվել է աշխատել նոր ղեկավարի հետ։
«Աշխատանքից ազատվելու որոշումը բողոքարկել եմ` ներկայացնելով իրողությունները, իսկ դատարանն արդեն թող կայացնի իր վճիռը։ Եթե այն լինի մեր օգտին, կգնանք ու կշարունակենք մեր աշխատանքը, իսկ եթե ոչ, Աստված իրենց հետ»,– ասաց Ուրցաձորի նախկին համայնքապետը։
Անդրեասյանը հայտնեց, որ պարտադիր կերպով մասնակցելու է Վեդի խոշորացված համայնքի` մարտի 27-ին նախանշված ընտրություններին և հավաստիացրեց, որ իրենք գալիս են կառուցելու, այլ ոչ թե աթոռ զբաղեցնելու. իրենց հետաքրքրում է ոչ թե պաշտոնը, այլ ժողովրդին ստեղծված իրավիճակից հանելու, համախմբելու մղումը։
«Մենք գիտենք ներել, գիտենք նաև պայքարել, ուստի ընտրելու ենք այն մարդկանց, որոնք կարող ուժ են»,– ասաց Ուրցաձորի նախկին համայնքապետը։
Հիշեցնենք, որ 2021 թվականի դեկտեմբերի 5-ին Վեդիում կայացել էին ՏԻՄ ընտրություններ, արդյունքում ամենաշատ ձայներ էր հավաքել «Իմ հզոր համայնք» կուսակցությունը:
Կուսակցության օգտին 8666 մարդ էր քվեարկել: «Քաղաքացիական պայմանագիր» կուսակցությունը հավաքել էր 7690, իսկ «Հանրապետություն» կուսակցությունը՝ 3299 քվե: Որևէ ուժ բավարար ձայներ չէր ստացել միայնակ իշխանություն ձևավորելու համար:
Կուսակցության օգտին 8666 մարդ էր քվեարկել: «Քաղաքացիական պայմանագիր» կուսակցությունը հավաքել էր 7690, իսկ «Հանրապետություն» կուսակցությունը՝ 3299 քվե: Որևէ ուժ բավարար ձայներ չէր ստացել միայնակ իշխանություն ձևավորելու համար:
Դեկտեմբերի 16-ին Վեդիում «Քաղաքացիական պայմանագիր» և «Հանրապետություն» կուսակցությունների ավագանու բոլոր անդամներն ինքնաբացարկի դիմումներ ներկայացրին: ՀՀ կառավարությունը հունվարի 4–ին որոշեց, որ Վեդիում նոր ՏԻՄ ընտրություններ պետք է անցկացվեն։
