https://arm.sputniknews.ru/20220202/erevanic-stambul-meknec-flyonei-arajin-inqnatiry-qani-haj-e-meknum-turqia-ev-inchu-38227029.html

Երևանից Ստամբուլ մեկնեց FlyՕne–ի առաջին ինքնաթիռը. քանի հայ է մեկնում Թուրքիա և ինչու

Երևանից Ստամբուլ մեկնեց FlyՕne–ի առաջին ինքնաթիռը. քանի հայ է մեկնում Թուրքիա և ինչու

Sputnik Արմենիա

Sputnik Արմենիայի նկարահանող խումբը մեկնել է «Զվարթնոց» օդանավակայան ու արձանագրել` ինչ է կատարվում այնտեղ։ 02.02.2022, Sputnik Արմենիա

2022-02-02T19:23+0400

2022-02-02T19:23+0400

2022-02-02T19:53+0400

չվերթ

ստամբուլ

երևան

«flyone armenia» ավիաընկերություն

https://cdn.am.sputniknews.ru/img/07e6/02/02/38223838_61:338:1594:1200_1920x0_80_0_0_25bcbab0e6643f2f227a1404b77a67f4.jpg

ԵՐԵՎԱՆ, 2 փետրվարի – Sputnik. Հայաստանի և Թուրքիայի միջև 2 տարվա դադարից հետո այսօր` փետրվարի 2–ին, վերսկսվեց երկու երկրի միջև ուղիղ ավիահաղորդակցությունը։ Երևան-Ստամբուլ-Երևան չվերթն իրականացնում է հայաստանյան FlyՕne Armenia ավիափոխադրողը:Airbus A320 ինքնաթիռը, որտեղ կար 65 ուղևոր, ինչպես և պլանավորված էր` թռավ տեղական ժամանակով 18:00-ին: Մինչ այդ Sputnik Արմենիայի լրագրողը զրուցել է նրանցից մի քանիսի հետ։Ովքեր են մեկնել Թուրքիա և ինչ նպատակով«Զվարթնոց» օդանավակայանի մեկնման սրահում թեմատիկ ցուցահանդես է բացվել. ներկայացված են հայտնի լուսանկարիչ` «Ստամբուլի աչք» Արա Գյուլերի աշխատանքները։Որոշ ուղևորներ կողմ չեն տեսախցիկներին, զայրացած նայում են իրենց նկարահանող լրագրողներին, չեն ուզում խոսել։ Մյուսները կարծում են, որ իրենց անձնական խնդիրն է, թե ուր են գնում և պարտավոր չեն որևէ մեկին հաշվետու լինել։Պատրաստակամ ուղևորներից մեկը թուրքահայ Մկրտիչ Սերթիմշեքն է։ Լրագրողների հետ զրույցում նա պատմեց, որ աշխատում է հայկական եկեղեցիները վերականգնելու ուղղությամբ։Սերթիմշեքը նշեց, որ սա իր 56-րդ այցն է պատմական հայրենիք 2001 թվականից ի վեր, երբ առաջին անգամ Հայաստան է եկել։Երբ Երևանի և Ստամբուլի միջև ուղիղ չվերթեր չկային, ստիպված էին թռչել Վրաստանի կամ Ուկրաինայի տարածքով։Հայաստանի և Թուրքիայի միջև ուղիղ չվերթերի բացումից գոհ է նաև Երևանից մի զույգ: Անդրանիկն ու նրա կինը մեր երկրում զարդերի փոքրիկ ձեռնարկություն են հիմնել, արտադրանքն իրացնում են Ստամբուլում։Անդրանիկի խոսքով` տարանցիկ ճանապարհով Թուրքիա մեկնելը գրեթե 3 անգամ ավելի թանկ է նստում իրենց վրա։ Այժմ նա հարմար գնով կարողացել է ձեռք բերել տոմս դեպի Ստամբուլ և հակառակ ուղղությամբ։Հայաստանի քաղաքացի Սեդա Նահասյանը Թուրքիայում` թուրքական ընտանիքում, արդեն 12 տարի աշխատում է որպես դայակ։ Կինը սովորել է լեզուն և տարվա մեծ մասը Ստամբուլում է անցկացնում։Այժմ կարող է ցանկության դեպքում ավելի հեշտությամբ վերադառնալ Հայաստան՝ տեսնելու հայրենիքում իրեն սպասող երեխաներին ու թոռներին։Ղեկավարությունը գոհ էԵրևան-Ստամբուլ չվերթերը սկզբնական փուլում կիրականացվեն շաբաթական 2 անգամ՝ երկուշաբթի և ուրբաթ, այնուհետև՝ նաև չորեքշաբթի օրերին։FlyOne Armenia ավիաընկերության խորհրդի նախագահ Արամ Անանյանը լրագրողների հետ զրույցում նշեց, որ թռիչքի հետ կապված ակտիվության ներկայիս մակարդակը համապատասխանում է ընկերության նախնական կանխատեսումներին:Անանյանի խոսքով՝ Ստամբուլ են մեկնում 65, իսկ Հայաստան կվերադառնան ավելի քան 30 ուղևոր։ Ավիաընկերության օդանավերը Airbus A320–ներն են, որոնց ընդհանուր ծանրաբեռնվածությունը 180 տեղ է։ Մոտ ժամանակներս ավիապարկը կհամալրվի Airbus A321 ինքնաթիռներով։FlyOne Armenia ավիաընկերության խորհրդի նախագահը նշեց, որ ավիապարկը բավական նոր է, օդանավերը մոտ 5-7 տարեկան են։Անանյանը նաև շեշտեց, որ ավիաընկերությունը նախատեսում է ընդլայնել թռիչքների աշխարհագրությունը: Առաջիկայում նախատեսում են թռիչքներ իրականացնել դեպի Իրան, Վրաստան, եվրոպական երկրներ։ Ինչ վերաբերում է դեպի ՌԴ չեղյալ հայտարարված չվերթերին, Անանյանը հույս ունի, որ հարցը մոտ ժամանակներում կլուծվի:Նշենք, որ Երևան-Ստամբուլ չվերթի տևողությունը 2 ժամ 5 րոպե է:

ստամբուլ

երևան

2022

Լուրեր

am_HY

չվերթ, ստամբուլ, երևան, «flyone armenia» ավիաընկերություն