https://arm.sputniknews.ru/20220131/erevani-kendanabanakan-ajgin-hvordvorum-e-cujc-chkazmakerpel-38128102.html
Երևանի կենդանաբանական այգին հորդորում է ցույց չկազմակերպել
Երևանի կենդանաբանական այգին հորդորում է ցույց չկազմակերպել
Sputnik Արմենիա
Բողոքի ակցիան նախատեսված է Երևանի կենդանաբանական այգու դիմաց։ 31.01.2022, Sputnik Արմենիա
2022-01-31T11:48+0400
2022-01-31T11:48+0400
2022-01-31T11:51+0400
բողոքի ակցիա
երևան
կենդանաբանական այգի
https://cdn.am.sputniknews.ru/img/2101/62/21016266_0:0:1600:901_1920x0_80_0_0_7fc23e07e3400290f35a31d0be9b5fa5.jpg
ԵՐԵՎԱՆ, 31 հունվարի – Sputnik. Երևանի կենդանաբանական այգու կառավարման խորհուրդը կոչ է անում ցույցեր չկազմակերպել այգու դիմաց և զերծ մնալ չստուգված տեղեկությունների վրա հիմնված գործողություններից։ «Երևանի կենդանաբանական այգի» ՀՈԱԿ-ի կառավարման խորհրդի հայտարարությունը հրապարակվել է Facebook-ում։Սոցիալական ցանցերում տեղեկություն է տարածվել, որ մի շարք բնապահպաններ, կենդանաբանական այգու նախկին աշխատակիցներ այսօր նախատեսում են ցույց կազմակերպել կենդանաբանական այգու դիմաց։Շեշտվում է, որ այգու խնդիրները պարբերաբար քննարկվում են տնօրինության և աշխատակազմի հետ, և դրանց լուծման համար մշակվում են համապատասխան գործողություններ:«Անգղների անկումը ԵԿԱ կառավարման խորհրդի 29.01.2022թ. նիստի օրակարգային հարցերից էր։ Անկման պատճառները պարզաբանելու նպատակով իրականացվում են լաբորատոր հետազոտություններ, որոնց արդյունքների վերաբերյալ կտրվի հավելյալ տեղեկատվություն»,- նշում են խորհրդից։Նշենք, որ բողոքի ակցիան նախատեսված է ժամը 13:00–ին։ Ըստ կազմակերպիչների՝ իրենք բողոքում են կենդանիների շարունակվող սպանդի և ապաշնորհ կառավարման դեմ։Հիշեցնենք` «Հրապարակ» թերթը հունվարի 20-ին գրել էր, որ Երևանի կենդանաբանական այգում սատկել է հինգ անգղ, մեկ արջ և մեկ բեզոարյան այծ։ Պարբերականը նշել էր, որ կենդանիների անկման պատճառը սովն է և պատշաճ խնամքի բացակայությունը։ Թերթի տվյալներով՝ տնօրենի ժամանակավոր պաշտոնակատար Արևիկ Մկրտչյանը գլուխ չի հանում աշխատանքից, չարաշահումների և միջոցների վատնման մասին լուրեր են շրջանառվում:Հաջորդ օրը այգին հայտարարել էր, որ լրատվամիջոցներում շրջանառվող լուրերը, թե կենդանիները սովից են սատկում, կապ չունեն իրականության հետ։Երևանի կենդանաբանական այգին հիմնադրվել է 1950 թվականին, ունեցել է ավելի քան 700 կենդանի։ 2019թ-ին այգու շուրջ բազմաթիվ սկանդալներ եղան՝ կապված տարօրինակ հանգամանքներում կենդանիների մահվան հետ։ Նախկին տնօրեն Ռուբեն Խաչատրյանը հեռացվեց աշխատանքից, իսկ ժամանակավոր պաշտոնակատար նշանակվեց Արևիկ Մկրտչյանը։
երևան
կենդանաբանական այգի
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/2101/62/21016266_103:0:1527:1068_1920x0_80_0_0_4e001366f776453bed29e234b164abb9.jpgSputnik Արմենիա
media@sputniknews.com
+74956456601
MIA „Rossiya Segodnya“
բողոքի ակցիա, երևան, կենդանաբանական այգի
բողոքի ակցիա, երևան, կենդանաբանական այգի
Երևանի կենդանաբանական այգին հորդորում է ցույց չկազմակերպել
11:48 31.01.2022 (Թարմացված է: 11:51 31.01.2022) Բողոքի ակցիան նախատեսված է Երևանի կենդանաբանական այգու դիմաց։
ԵՐԵՎԱՆ, 31 հունվարի – Sputnik. Երևանի կենդանաբանական այգու կառավարման խորհուրդը կոչ է անում ցույցեր չկազմակերպել այգու դիմաց և զերծ մնալ չստուգված տեղեկությունների վրա հիմնված գործողություններից։ «Երևանի կենդանաբանական այգի» ՀՈԱԿ-ի կառավարման խորհրդի հայտարարությունը հրապարակվել է
Facebook-ում։
Սոցիալական ցանցերում տեղեկություն է տարածվել, որ մի շարք բնապահպաններ, կենդանաբանական այգու նախկին աշխատակիցներ այսօր նախատեսում են ցույց կազմակերպել կենդանաբանական այգու դիմաց։
«Կոչ ենք անում ցույցերի կազմակերպիչներին և մասնակիցներին զերծ մնալ չստուգված տեղեկությունների վրա հիմնված գործողություններից, որոնք խաթարում են այգու բնականոն աշխատանքը, ինչի հետևանքով տուժում են առաջին հերթին բոլորիս պատասխանատվության ներքո գտնվող կենդանիները»,-նշված է հաղորդագրության մեջ։
Շեշտվում է, որ այգու խնդիրները պարբերաբար քննարկվում են տնօրինության և աշխատակազմի հետ, և դրանց լուծման համար մշակվում են համապատասխան գործողություններ:
«Անգղների անկումը ԵԿԱ կառավարման խորհրդի 29.01.2022թ. նիստի օրակարգային հարցերից էր։ Անկման պատճառները պարզաբանելու նպատակով իրականացվում են լաբորատոր հետազոտություններ, որոնց արդյունքների վերաբերյալ կտրվի հավելյալ տեղեկատվություն»,- նշում են խորհրդից։
Նշենք, որ բողոքի ակցիան նախատեսված է ժամը 13:00–ին։ Ըստ կազմակերպիչների՝ իրենք բողոքում են կենդանիների շարունակվող սպանդի և ապաշնորհ կառավարման դեմ։
Հիշեցնենք` «Հրապարակ» թերթը հունվարի 20-ին
գրել էր, որ Երևանի կենդանաբանական այգում սատկել է հինգ անգղ, մեկ արջ և մեկ բեզոարյան այծ։ Պարբերականը նշել էր, որ կենդանիների անկման պատճառը սովն է և պատշաճ խնամքի բացակայությունը։ Թերթի տվյալներով՝ տնօրենի ժամանակավոր պաշտոնակատար Արևիկ Մկրտչյանը գլուխ չի հանում աշխատանքից, չարաշահումների և միջոցների վատնման մասին լուրեր են շրջանառվում:
Հաջորդ օրը այգին
հայտարարել էր, որ լրատվամիջոցներում շրջանառվող լուրերը, թե կենդանիները սովից են սատկում, կապ չունեն իրականության հետ։
Երևանի կենդանաբանական այգին հիմնադրվել է 1950 թվականին, ունեցել է ավելի քան 700 կենդանի։ 2019թ-ին այգու շուրջ բազմաթիվ սկանդալներ եղան՝ կապված տարօրինակ հանգամանքներում կենդանիների մահվան հետ։ Նախկին տնօրեն Ռուբեն Խաչատրյանը հեռացվեց աշխատանքից, իսկ ժամանակավոր պաշտոնակատար նշանակվեց Արևիկ Մկրտչյանը։