https://arm.sputniknews.ru/20220129/gvortsum-e-iravitshakajin-mvotecum-kgms-pvokhnakharary-heravar-usucman-masin-38106475.html

Գործում է իրավիճակային մոտեցում. ԿԳՄՍ փոխնախարարը` հեռավար ուսուցման մասին

Գործում է իրավիճակային մոտեցում. ԿԳՄՍ փոխնախարարը` հեռավար ուսուցման մասին

Sputnik Արմենիա

Ուսումնական հաստատությունները կարող են անցնել ժամանակավոր հեռավար ուսուցման` ելնելով իրենց մոտ կորոնավիրուսային հիվանդության տարածումից։ 29.01.2022, Sputnik Արմենիա

2022-01-29T21:26+0400

2022-01-29T21:26+0400

2022-01-29T21:27+0400

հայաստան

դպրոց

կրթության, գիտության, մշակույթի և սպորտի նախարարություն (կգմս)

կորոնավիրուս

կորոնավիրուսը աշխարհում

համավարակ

կորոնավիրուսը հայաստանում և արցախում

հեռավար ուսուցում

ժաննա անդրեասյան

https://cdn.am.sputniknews.ru/img/07e5/0c/10/36561933_0:38:1600:939_1920x0_80_0_0_d8d2c8eda7b633374b65410f5a773a12.jpg

ԵՐԵՎԱՆ, 29 հունվարի – Sputnik. Ամբողջ կրթական համակարգը հեռավար ուսուցման չի անցնի. գործում է իրավիճակային մոտեցում։ Այս մասին Facebook-ի իր էջում գրել է ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը` անդրադառնալով այդ մասին տարածված լուրին։Նա նշել է, որ ներկայում հրաման է շրջանառվում, որը կեղծ է։Նա ընդգծել է, որ արդեն երկրորդ տարին է` ելնելով իրավիճակից, ուսումնական հաստատությունը կարող է անցնել ժամանակավոր հեռավար ուսուցման։3 536 նոր դեպք, ոչ մի մահ` մեկ օրում. կորոնավիրուսային հիվանդության ընթացքը ՀայաստանումՀիշեցնենք` վերջին շրջանում կորոնավիրուսով հիվանդացության ցուցանիշները կրկին աճում են։ Այսօրվա` հունվարի 28–ի տվյալներով` 1 օրում կորոնավիրուսով վարակվելու 2594 դեպք է գրանցվել։ Կորոնավիրուսին մեկ օրում զոհ է գնացել 6 մարդ։Հիշեցնենք` 2020թ.-ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11-ը։ Երկարաձգված արտակարգ դրության պայմանները որոշակի փոփոխությունների ենթարկվեցին։Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։ Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։2021-ի հունիսի 1-ից բաց տարածքներում դիմակ դնելու պահանջը վերացվեց, իսկ պատվաստված քաղաքացիների համար փակ տարածքներում դիմակ դնելը պարտադիր չէր հուլիսի 1-ից։Հոկտեմբերի 30–ին ՀՀ առողջապահության նախարարությունը կրկին խստացրեց կորոնավիրուսի կանխարգելման միջոցառումները` նոյեմբերի 1–ից դիմակ դնելը պարտադիր դարձնելով նաև հանրային բաց տարածքներում։2020թ.-ի սեպտեմբերի 11-ին ՀՀ կառավարությունը որոշեց, որ երկրում սեպտեմբերի 12-ից մինչև 2021թ.-ի հունվարի 11-ը կգործի կարանտինի ռեժիմ։ Այն երկարաձգվել էր մինչև 2021թ.-ի հուլիսի 11-ը։ Հուլիսի 9-ին որոշում կայացվեց կարանտինը երկարաձգել մինչև 2021թ.-ի դեկտեմբերի 20-ը։ Նոյեմբերի 11-ի որոշմամբ էլ կարանտինը երկարաձգվեց մինչև 2022-ի հունիսի 20-ը։Դեկտեմբերի 17-ին հայտարարվեց, որ հանրային բաց տարածքներում դիմակ դնելու պահանջը կրկին վերացվում է։2022 թվականի հունվարի 22-ից էլ, ՀՀ առողջապահության նախարարության որոշմամբ, հանրային սննդի օբյեկտներ, հյուրանոցներ, մարզադահլիճներ, գրադարաններ, թանգարաններ, թատրոններ, ինչպես նաև մշակութային գործունեություն իրականացնող այլ կազմակերպություններ մուտքը կթույլատրվի միայն ամբողջությամբ պատվաստված քաղաքացիներին կամ նրանց, ովքեր 72 ժամից ոչ ավելի կատարված ՊՇՌ-թեստի բացասական արդյունքների մասին տեղեկանք կտրամադրեն:

2022

Լուրեր

am_HY

հայաստան, դպրոց, կրթության, գիտության, մշակույթի և սպորտի նախարարություն (կգմս), կորոնավիրուս, կորոնավիրուսը աշխարհում, համավարակ, կորոնավիրուսը հայաստանում և արցախում, հեռավար ուսուցում, ժաննա անդրեասյան