https://arm.sputniknews.ru/20220123/heranum-e-vor-chkhochyndoti-qaghaqagety-nakhagahi-hrazharakani-masin-37867373.html
Հեռանում է, որ չխոչընդոտի. քաղաքագետը՝ նախագահի հրաժարականի մասին
Հեռանում է, որ չխոչընդոտի. քաղաքագետը՝ նախագահի հրաժարականի մասին
Sputnik Արմենիա
Ըստ Սուրենյանցի, պատճառը թերևս իշխանությունների սահմանադրական բարեփոխումների ծրագրին դիմադրելու անհրաժեշտ քաղաքական կամքի բացակայությունն է: 23.01.2022, Sputnik Արմենիա
2022-01-23T21:52+0400
2022-01-23T21:52+0400
2022-01-24T09:28+0400
արմեն սարգսյան
հրաժարական
նախագահ
սուրեն սուրենյանց
ռադիո
պոդկաստ
https://cdn.am.sputniknews.ru/img/07e6/01/18/37875017_0:0:1348:759_1920x0_80_0_0_d4246e862a0d60c8402a7c040518499b.jpg
Հեռանում է, որ չխոչընդոտի. քաղաքագետը՝ նախագահի հրաժարականի մասին
Sputnik Արմենիա
Հեռանում է, որ չխոչընդոտի. քաղաքագետը՝ նախագահի հրաժարականի մասին
Արմեն Սարգսյաի հրաժարականը կարող է նախագահի ու վարչապետի տարաձայնությունների հետևանք լինել: Նման տեսակետ Sputnik Արմենիայի հետ զրույցում հայտնեց քաղաքագետ Սուրեն Սուրենյանցը՝ մեկնաբանելով ՀՀ նախագահ Արմեն Սարգսյանի հրաժարականի մասին հայտարարությունը:«Ես խորապես համոզված եմ, որ գործող վարչապետն ու Արմեն Սարգսյանը տարաձայնություններ ունեին սահմանադրական բարեփոխումների շուրջ: Եվ նրա հրաժարականը կա՛մ այդ տարաձայնությունների հետևանք է, կա՛մ հեռանում է, որ չխոչընդոտի Նիկոլ Փաշինյանի ծրագրերի իրականացմանը, որովհետև ոչ մեկի համար գաղտնիք չէ, որ իշխանության երկարաձգման հնարավոր տարբերակ դիտվում է սահմանադրական ռեֆորմը, անցումը կիսանախագահական համակարգին»,- ասաց Սուրենյանցը: Ի՞նչ է նախատեսում Սահմանադրությունը Հայաստանի նախագահի հրաժարականի դեպքումԱյդ սցենարի իրագործման պարագայում, քաղաքագետի բնորոշմամբ, առաջանալու էր Արմեն Սարգսյանի «ավելորդության խնդիր»:Սուրենյանցը պատմեց, որ վերջին անգամ Արմեն Սարգսյանի հետ հանդիպել է մեկ տարի առաջ՝ 2020-ի դեկտեմբերին ու մեկժամյա առանձնազրույցից տպավորություն է ստացել, որ զարգացումները հանգեցնելու են մի իրավիճակի, երբ Արմեն Սարգսյանը իր պաշտոնավարման ժամկետի լրանալուց շուտ հրաժարական է տալու։«Նա խոսում էր իր ու գործադիր իշխանության միջև խորքային տարաձայնությունների մասին: Եթե նկատել եք, Արմեն Սարգսյանն իր հրաժարականի տեքստում ակնարկներ է արել, որ պաշտոնը ստանձնել է միանգամայն այլ պայմանավորվածությունների դաշտում: Սերժ Սարգսյանը նրան խոստացած է եղել ազդեցություններ նաև մի շարք ոլորտներում, այդ թվում՝ ներդրումների, արտաքին քաղաքականության, սփյուռքի հետ աշխատանքների և այլն: Հեղափոխությունից հետո նա հայտնվել է բոլորովին այլ իրականության մեջ, ըստ էության՝ անգլիական թագուհու կարգավիճակում»,- ասաց Սուրենյանցը:Իսկ թե ինչու այդ դեպքում Արմեն Սարգսյանը հրաժարականի որոշում կայացրեց միայն 4 տարի անց, ըստ Սուրենյանցի, պատճառը թերևս իշխանությունների սահմանադրական բարեփոխումների ծրագրին դիմադրելու անհրաժեշտ քաղաքական կամքի բացակայությունն է:Այդուհանդերձ, ՀՀ նախագահի պաշտոնում Արմեն Սարգսյանը, Սուրենյանցի դիտարկմամբ, հասցրեց որոշ անուրանալի աշխատանք կատարել ի շահ Հայաստանի: Որպես այդպիսին Սուրենյանցը հիշեցրեց 2018թ-ի լարված օրերին այդ ժամանակվա իշխանության ու փողոցի միջև նրա միջոցով ստեղծված կապն ու զարգացումներն անցնցում ապահովելու առաքելությունը:Ինչ վերաբերում է նախագահի կապերի միջոցով ՀՀ ներդրումներ բերելուն, Սուրենյանցն այս առաքելությունը տապալված է համարում՝ նշելով, որ գուցե նախագահին հաջողվել է պայմանավորվածություններ ունենալ, բայց դրանց իրականացումը խոչընդոտվել է իշխանության կողմից: Արմեն Սարգսյանն արձակուրդ է մեկնել. նա բժշկական հետազոտություն է անցնելու«Պրակտիկ առումով նախագահի կապերը չկապիտալիզացվեցին հօգուտ ՀՀ-ի»,- նկատեց քաղաքագետը:Հիշեցնենք` այսօր երեկոյան ՀՀ նախագահ Արմեն Սարգսյանը հրաժարական տվեց։ Նա նշել է, որ շատ երկար է մտածել և մոտ չորս տարի ակտիվ աշխատելուց հետո որոշել է հրաժարական տալ Հանրապետության նախագահի պաշտոնից: Ըստ Սարգսյանի` նախագահը չունի անհրաժեշտ գործիքներ՝ երկրի և ազգի համար ներկայիս բարդ ժամանակներում ազդելու ներքին և արտաքին քաղաքականության արմատական գործընթացների վրա։
https://arm.sputniknews.ru/20220123/2535-orva-yntacqum-petq-e-hh-nakhagahi-nor-yntrutjunner-linen-vardan-ajvazjan-37867137.html
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արմեն սարգսյան, հրաժարական, նախագահ, սուրեն սուրենյանց, պոդկաստ
արմեն սարգսյան, հրաժարական, նախագահ, սուրեն սուրենյանց, պոդկաստ
Հեռանում է, որ չխոչընդոտի. քաղաքագետը՝ նախագահի հրաժարականի մասին
21:52 23.01.2022 (Թարմացված է: 09:28 24.01.2022) Ըստ Սուրենյանցի, պատճառը թերևս իշխանությունների սահմանադրական բարեփոխումների ծրագրին դիմադրելու անհրաժեշտ քաղաքական կամքի բացակայությունն է:
Արմեն Սարգսյաի հրաժարականը կարող է նախագահի ու վարչապետի տարաձայնությունների հետևանք լինել: Նման տեսակետ
Sputnik Արմենիայի հետ զրույցում հայտնեց քաղաքագետ Սուրեն Սուրենյանցը՝ մեկնաբանելով ՀՀ նախագահ Արմեն Սարգսյանի
հրաժարականի մասին հայտարարությունը:
«Ես խորապես համոզված եմ, որ գործող վարչապետն ու Արմեն Սարգսյանը տարաձայնություններ ունեին սահմանադրական բարեփոխումների շուրջ: Եվ նրա հրաժարականը կա՛մ այդ տարաձայնությունների հետևանք է, կա՛մ հեռանում է, որ չխոչընդոտի Նիկոլ Փաշինյանի ծրագրերի իրականացմանը, որովհետև ոչ մեկի համար գաղտնիք չէ, որ իշխանության երկարաձգման հնարավոր տարբերակ դիտվում է սահմանադրական ռեֆորմը, անցումը կիսանախագահական համակարգին»,- ասաց Սուրենյանցը:
Այդ սցենարի իրագործման պարագայում, քաղաքագետի բնորոշմամբ, առաջանալու էր Արմեն Սարգսյանի «ավելորդության խնդիր»:
Սուրենյանցը պատմեց, որ վերջին անգամ Արմեն Սարգսյանի հետ հանդիպել է մեկ տարի առաջ՝ 2020-ի դեկտեմբերին ու մեկժամյա առանձնազրույցից տպավորություն է ստացել, որ զարգացումները հանգեցնելու են մի իրավիճակի, երբ Արմեն Սարգսյանը իր պաշտոնավարման ժամկետի լրանալուց շուտ հրաժարական է տալու։
«Նա խոսում էր իր ու գործադիր իշխանության միջև խորքային տարաձայնությունների մասին: Եթե նկատել եք, Արմեն Սարգսյանն իր հրաժարականի տեքստում ակնարկներ է արել, որ պաշտոնը ստանձնել է միանգամայն այլ պայմանավորվածությունների դաշտում: Սերժ Սարգսյանը նրան խոստացած է եղել ազդեցություններ նաև մի շարք ոլորտներում, այդ թվում՝ ներդրումների, արտաքին քաղաքականության, սփյուռքի հետ աշխատանքների և այլն: Հեղափոխությունից հետո նա հայտնվել է բոլորովին այլ իրականության մեջ, ըստ էության՝ անգլիական թագուհու կարգավիճակում»,- ասաց Սուրենյանցը:
Իսկ թե ինչու այդ դեպքում Արմեն Սարգսյանը հրաժարականի որոշում կայացրեց միայն 4 տարի անց, ըստ Սուրենյանցի, պատճառը թերևս իշխանությունների սահմանադրական բարեփոխումների ծրագրին դիմադրելու անհրաժեշտ քաղաքական կամքի բացակայությունն է:
Այդուհանդերձ, ՀՀ նախագահի պաշտոնում Արմեն Սարգսյանը, Սուրենյանցի դիտարկմամբ, հասցրեց որոշ անուրանալի աշխատանք կատարել ի շահ Հայաստանի: Որպես այդպիսին Սուրենյանցը հիշեցրեց 2018թ-ի լարված օրերին այդ ժամանակվա իշխանության ու փողոցի միջև նրա միջոցով ստեղծված կապն ու զարգացումներն անցնցում ապահովելու առաքելությունը:
Ինչ վերաբերում է նախագահի կապերի միջոցով ՀՀ ներդրումներ բերելուն, Սուրենյանցն այս առաքելությունը տապալված է համարում՝ նշելով, որ գուցե նախագահին հաջողվել է պայմանավորվածություններ ունենալ, բայց դրանց իրականացումը խոչընդոտվել է իշխանության կողմից:
«Պրակտիկ առումով նախագահի կապերը չկապիտալիզացվեցին հօգուտ ՀՀ-ի»,- նկատեց քաղաքագետը:
Հիշեցնենք` այսօր երեկոյան ՀՀ նախագահ Արմեն Սարգսյանը հրաժարական տվեց։ Նա նշել է, որ շատ երկար է մտածել և մոտ չորս տարի ակտիվ աշխատելուց հետո որոշել է հրաժարական տալ Հանրապետության նախագահի պաշտոնից: Ըստ Սարգսյանի` նախագահը չունի անհրաժեշտ գործիքներ՝ երկրի և ազգի համար ներկայիս բարդ ժամանակներում ազդելու ներքին և արտաքին քաղաքականության արմատական գործընթացների վրա։
