https://arm.sputniknews.ru/20220121/buq-dzjun-merkasarujc-catsr-tesaneliutjun-inch-vitshak-e-hajastanjan-tshanaparhnerin-37826877.html

Բուք, ձյուն, մերկասառույց, ցածր տեսանելիություն․ ինչ վիճակ է հայաստանյան ճանապարհներին

Բուք, ձյուն, մերկասառույց, ցածր տեսանելիություն․ ինչ վիճակ է հայաստանյան ճանապարհներին

Sputnik Արմենիա

Ժամը 21։20-ի դրությամբ, սաստիկ բքի և ցածր տեսանելիության պատճառով Շինուհայր-Տաթև ավտոճանապարհը փակ է կցորդով տրանսպորտային միջոցների համար։ 21.01.2022, Sputnik Արմենիա

2022-01-21T22:25+0400

2022-01-21T22:25+0400

2022-01-21T22:25+0400

հայաստան

ճանապարհ

ձյուն

սառույց

https://cdn.am.sputniknews.ru/img/07e5/03/14/26873570_0:85:1600:985_1920x0_80_0_0_3538d95a850b7b43a57a6526db92a823.jpg

ԵՐԵՎԱՆ, 21 հունվարի –Sputnik․ Միջպետական և հանրապետական նշանակության բոլոր ավտոճանապարհները բաց են, որոշ ճանապարհներ դժվարանցանելի են։ «Ճանապարհային դեպարտամենտ» հիմնադրամը ներկայացնում է հայաստանյան ճանապարհների վիճակը վերջին 2 ժամերի դրությամբ։ Մասնավորաբար՝ ժամը 20։15-ի դրությամբ, Աշտարակի, Ապարանի,Սպիտակի, Եղեգնաձորի, Վայքի, Սիսիանի, Աբովյանի, Հրազդանի, Գավառի, Ճամբարակի, Մարտունիի, Վարդենիսի, Թալինի, Արթիկի, Ախուրյանի, Աշոցքի տարածաշրջանների ավտոճանապարհներին, Վանաձոր-Դիլիջան ավտոճանապարհին և Ստեփանավանի ոլորաններում տեղ-տեղ մերկասառույց է։«Սևանի թերակղզուց մինչև Դիլիջանի թունելի սկզբնամաս բուք է։Վարդենյաց լեռնանցքը մարդատար տրանսպորտային միջոցների համար անցանելի է, իսկ ծանրաքաշ և կցորդով տրանսպորտային միջոցների համար՝ դժվարանցանելի։ Վարդենյաց լեռնանցքով երթևեկելու համար կցորդով տրանսպորտային միջոցների վարորդներին խորհուրդ է տրվում կիրառել անվաշղթաներ»,- նշված է հաղորդագրության մեջ։Ժամը 21։20-ի դրությամբ, սաստիկ բքի և ցածր տեսանելիության պատճառով Շինուհայր-Տաթև ավտոճանապարհը փակ է կցորդով տրանսպորտային միջոցների համար։Դեպարտամենտից տեղեկացնում են, որ ավտոճանապարհներին իրականացնում են մաքրման և աղ-ավազով մշակման աշխատանքներ:Վարորդներին հորդորում են երթևեկել բացառապես ձմեռային անվադողերով, պահպանել ճանապարհային երթևեկության կանոնները։

2022

Լուրեր

am_HY

հայաստան, ճանապարհ, ձյուն, սառույց