https://arm.sputniknews.ru/20220120/jivan-gasparjani-tvorn-u-mariam-merabvovan-handes-kgan-minini-ergchakhmbi-paratvoni-bacmany-37771884.html
Ջիվան Գասպարյանի թոռն ու Մարիամ Մերաբովան հանդես կգան Մինինի երգչախմբի փառատոնի բացմանը
Ջիվան Գասպարյանի թոռն ու Մարիամ Մերաբովան հանդես կգան Մինինի երգչախմբի փառատոնի բացմանը
Sputnik Արմենիա
Մոսկվայում կկայանա Մոսկվայի պետական ակադեմիական կամերային երգչախմբի «Երգչախումբ առանց սահմանների» հոբելյանական փառատոնի բացման համերգը։ 20.01.2022, Sputnik Արմենիա
2022-01-20T18:21+0400
2022-01-20T18:21+0400
2022-01-20T18:21+0400
մոսկվա
համերգ
մարիամ մերաբովա
ջիվան գասպարյան
https://cdn.am.sputniknews.ru/img/2081/65/20816589_0:0:1620:912_1920x0_80_0_0_c2eeaa4cf06647a5e2d731c0b10bab3e.jpg
ԵՐԵՎԱՆ, 20 հունվարի – Sputnik. Կրտսեր Ջիվան Գասպարյանն ու Մարիամ Մերաբովան ելույթ կունենան լեգենդար Մինինի երգչախմբի «Երգչախումբ առանց սահմանների» հոբելյանական փառատոնի բացմանը։ Այս մասին հայտնում է երգչախմբի մամուլի ծառայությունը։Համերգային ծրագրում ներառված են «Չիչեսթերյան սաղմոսները», ամերիկացի կոմպոզիտոր, դաշնակահար, դիրիժոր Լեոնարդ Բերնսթայնի «Կանդիդ» օպերետից հատվածներ, ինչպես նաև կոմպոզիտոր Կառլ Ջենկինսի Stabat Mater–ը։Մարիամ Մերաբովան և կրտսեր Ջիվան Գասպարյանը, մասնավորապես, կկատարեն Stabat Mater–ի իրենց պարտիաները, որում զուգակցված են արևելյան, եվրոպական և ամերիկյան մշակույթները։Մարիամ Մերաբովան խոստովանել է, որ հրավերը ստանալուց հետո մի պահ մտածել է, բայց, այնուամենայնիվ, հաճույքով է ընդունել այն։Հայերեն ջազ ու հակագազ. Մարիամ Մերաբովան խոսել է Նոր տարվա ու ընտանիքի մասին«Ջենկինսի երաժշտությունն անհավանական է, բայց չէ՞ որ ես հիմնականում ջազային և էստրադային երգչուհի եմ (իհարկե, դասական կրթությամբ)։ Իսկ այստեղ էթնիկա է. ինչպե՞ս դա երգել, ինչպե՞ս կզգամ ու կմատուցեմ այն... Այնուամենայնիվ կարծում եմ, որ այդ երաժշտությունը և՛ ձայնիս է համահունչ, և՛ սրտիս։ Վերջին կասկածներս ու հիպոթետիկ վախերս մի կողմ դրեցի` լսելով «Մինինի երգչախումբ» բառակապակցությունը», – ասել է նա։Ջենկինսի ստեղծագործության երրորդ մեներգչուհին հայտնի մեցցո–սոպրանո, Մեծ թատրոնի մենակատար, Ռուսաստանի վաստակավոր արտիստ Ագունդա Կուլաևան է։Մինինի երգչախմբի համար, որը 2022 թվականի ապրիլին կնշի 50-ամյակը, հոբելյանական փառատոնն այս խաղաշրջանի գլխավոր իրադարձությունն է։ Այս տարվա փետրվար–հունիսին համերգներ կանցկացվեն Մոսկվայի լավագույն դահլիճներում, դրանց կմասնակցեն տարբեր ժանրերում ու երաժշտական և թատերական արվեստի ուղղություններում հանդես եկող ականավոր երաժիշտներ, ինչպես նաև հայտնի սիմֆոնիկ կոլեկտիվներ։Փետրվարի 7-ին բացման համերգը կկայանա Մոսկվայի Երաժշտության միջազգային տան «Սվետլանովսկի» դահլիճում։ Համերգի դիրիժորներն են հայտնի օպերային երգիչ Դմիտրի Կորչակն ու Մինինի երգչախմբի գեղարվեստական ղեկավար Տիմոֆեյ Գոլբերգը։ Երեկոն կվարեն «ՏԷՖԻ»–ի մրցանակակիրներ Սաթի Սպիվակովան և Յուլիան Մակարովը։Տիմոֆեյ Գոլբերգի խոսքով` բացման համերգի համար ընտրվել է XX և XXI դարերի երաժշտությունը։Միևնույն ժամանակ, Մինինի երգչախմբի տնօրեն Դմիտրի Սիբիրցևը նշել է, որ որոշակի առումով և՛ փառատոնը, և՛ ծրագիրը խորը երախտագիտության արտահայտում են մաեստրո Մինինին։Մարիամ Մերաբովա. Երևանը ջազի Մեքքան էՀիշեցնենք, որ 2019 թվականին մեծագույն դիրիժորներից մեկը` երգչախմբի հիմնադիր Վլադիմիր Մինինը, երգչախմբի ղեկավարումը փոխանցեց Տիմոֆեյ Գոլբերգին։
https://arm.sputniknews.ru/20210821/mariam-merabovan-handes-kga-Koktebel-Jazz-Party-paratonum-28740682.html
մոսկվա
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մոսկվա, համերգ, մարիամ մերաբովա, ջիվան գասպարյան
մոսկվա, համերգ, մարիամ մերաբովա, ջիվան գասպարյան
Ջիվան Գասպարյանի թոռն ու Մարիամ Մերաբովան հանդես կգան Մինինի երգչախմբի փառատոնի բացմանը
Մոսկվայում կկայանա Մոսկվայի պետական ակադեմիական կամերային երգչախմբի «Երգչախումբ առանց սահմանների» հոբելյանական փառատոնի բացման համերգը։
ԵՐԵՎԱՆ, 20 հունվարի – Sputnik. Կրտսեր Ջիվան Գասպարյանն ու Մարիամ Մերաբովան ելույթ կունենան լեգենդար Մինինի երգչախմբի «Երգչախումբ առանց սահմանների» հոբելյանական փառատոնի բացմանը։ Այս մասին հայտնում է երգչախմբի մամուլի ծառայությունը։
Համերգային ծրագրում ներառված են «Չիչեսթերյան սաղմոսները», ամերիկացի կոմպոզիտոր, դաշնակահար, դիրիժոր Լեոնարդ Բերնսթայնի «Կանդիդ» օպերետից հատվածներ, ինչպես նաև կոմպոզիտոր Կառլ Ջենկինսի Stabat Mater–ը։
Մարիամ Մերաբովան և կրտսեր Ջիվան Գասպարյանը, մասնավորապես, կկատարեն Stabat Mater–ի իրենց պարտիաները, որում զուգակցված են արևելյան, եվրոպական և ամերիկյան մշակույթները։
«Կառլ Ջենկինսի ստեղծագործությունն ինտերնացիոնալ աստղաբույլ է հավաքել։ Ջազային մեցցո–սոպրանո Մարիամ Մերաբովան մեր ժամանակների ամենահայտնի երգչուհիներից մեկն է։ Անսահման վարպետություն, արտահայտիչ հնարավորությունների հսկայական դիապազոն... Համերգին մասնակցելու հրավերն ընդունել է հայտնի դուդուկահար կրտսեր Ջիվան Գասպարյանը։ Այսօր նա շարունակում է իր մեծանուն պապի` լեգենդար դուդուկահար Ջիվան Գասպարյանի գործը... Սա պապի մահից` 2021 թվականի հուլիսի 6-ից հետո կրտսեր Ջիվան Գասպարյանի առաջին համերգն է Ռուսաստանում», – նշվում է հաղորդագրության մեջ։
Մարիամ Մերաբովան խոստովանել է, որ հրավերը ստանալուց հետո մի պահ մտածել է, բայց, այնուամենայնիվ, հաճույքով է ընդունել այն։
«Ջենկինսի երաժշտությունն անհավանական է, բայց չէ՞ որ ես հիմնականում ջազային և էստրադային երգչուհի եմ (իհարկե, դասական կրթությամբ)։ Իսկ այստեղ էթնիկա է. ինչպե՞ս դա երգել, ինչպե՞ս կզգամ ու կմատուցեմ այն... Այնուամենայնիվ կարծում եմ, որ այդ երաժշտությունը և՛ ձայնիս է համահունչ, և՛ սրտիս։ Վերջին կասկածներս ու հիպոթետիկ վախերս մի կողմ դրեցի` լսելով «Մինինի երգչախումբ» բառակապակցությունը», – ասել է նա։
Ջենկինսի ստեղծագործության երրորդ մեներգչուհին հայտնի մեցցո–սոպրանո, Մեծ թատրոնի մենակատար, Ռուսաստանի վաստակավոր արտիստ Ագունդա Կուլաևան է։
Մինինի երգչախմբի համար, որը 2022 թվականի ապրիլին կնշի 50-ամյակը, հոբելյանական փառատոնն այս խաղաշրջանի գլխավոր իրադարձությունն է։ Այս տարվա փետրվար–հունիսին համերգներ կանցկացվեն Մոսկվայի լավագույն դահլիճներում, դրանց կմասնակցեն տարբեր ժանրերում ու երաժշտական և թատերական արվեստի ուղղություններում հանդես եկող ականավոր երաժիշտներ, ինչպես նաև հայտնի սիմֆոնիկ կոլեկտիվներ։
Փետրվարի 7-ին բացման համերգը կկայանա Մոսկվայի Երաժշտության միջազգային տան «Սվետլանովսկի» դահլիճում։ Համերգի դիրիժորներն են հայտնի օպերային երգիչ Դմիտրի Կորչակն ու Մինինի երգչախմբի գեղարվեստական ղեկավար Տիմոֆեյ Գոլբերգը։ Երեկոն կվարեն «ՏԷՖԻ»–ի մրցանակակիրներ Սաթի Սպիվակովան և Յուլիան Մակարովը։
Տիմոֆեյ Գոլբերգի խոսքով` բացման համերգի համար ընտրվել է XX և XXI դարերի երաժշտությունը։
«Վառ, ինքնատիպ և միևնույն ժամանակ ունկնդրի լայն շրջանակների համար գրված։ Հատկապես դա վերաբերում է Կառլ Ջենկինսի Stabat Mater–ին։ Այս ստեղծագործության առանձնահատկությունն ակադեմիական և էթնիկ վոկալի համադրությունն է, ինչպես նաև դուդուկի տեմբրի կիրառումը», – ասել է նա։
Միևնույն ժամանակ, Մինինի երգչախմբի տնօրեն Դմիտրի Սիբիրցևը նշել է, որ որոշակի առումով և՛ փառատոնը, և՛ ծրագիրը խորը երախտագիտության արտահայտում են մաեստրո Մինինին։
Հիշեցնենք, որ 2019 թվականին մեծագույն դիրիժորներից մեկը` երգչախմբի հիմնադիր Վլադիմիր Մինինը, երգչախմբի ղեկավարումը փոխանցեց Տիմոֆեյ Գոլբերգին։
