https://arm.sputniknews.ru/20220114/kveracnen-erkrasharzhi-hetqery-pashinjann-yndunel-e-gjumru-qaghaqapetin-37550960.html

Կվերացնեն երկրաշարժի հետքերը. Փաշինյանն ընդունել է Գյումրու քաղաքապետին

Կվերացնեն երկրաշարժի հետքերը. Փաշինյանն ընդունել է Գյումրու քաղաքապետին

Sputnik Արմենիա

Հանդիպման ընթացքում քննարկվել են Գյումրիում տարբեր ոլորտներում առաջիկայում նախատեսվող ծրագրերին վերաբերող հարցեր: 14.01.2022, Sputnik Արմենիա

2022-01-14T20:30+0400

2022-01-14T20:30+0400

2022-01-14T20:34+0400

հայաստան

նիկոլ փաշինյան

գյումրի

երկրաշարժ

վարդգես սամսոնյան

https://cdn.am.sputniknews.ru/img/07e6/01/0e/37550353_0:140:1600:1041_1920x0_80_0_0_ab01d859024faa69c067c479b9abbe0f.jpg

ԵՐԵՎԱՆ, 14 հունվարի – Sputnik. ՀՀ վարչապետ Նիկոլ Փաշինյանն ընդունել է Գյումրու նորընտիր քաղաքապետ Վարդգես Սամսոնյանին և փոխքաղաքապետներ Արթուր Պապիկյանին ու Դավիթ Առուշանյանին: Տեղեկությունը հայտնում է վարչապետի մամուլի ծառայությունը։«Վերջին տարիներին Գյումրիում տեղի ունեցած փոփոխությունները սկսել են նկատվել, և կառավարության համար սա շատ կարևոր խնդիր է: Հույս ունեմ, որ այս մոդելը, որը հիմա Գյումրիում փորձարկվում է, ի վերջո ցույց կտա իր արդյունավետությունը, որովհետև կարևոր է ցույց տալ, որ ընտրությունները ընտրություններ, սակայն ընտրություններից հետո ձևավորում ենք ընդհանուր օրակարգ՝ հիմնված մեր նախընտրական ծրագրերի վրա և կենտրոնանում այդ օրակարգի իրագործման վրա ու իրագործում: Դրանից, իհարկե, միայն Գյումրիի մեր հայրենակիցները, Շիրակի մարզը կօգտվեն և ընդհանրապես ՀՀ–ն։ Կարող եք արձանագրել, որ ունեք կառավարության աջակցությունը և այնտեղ, որտեղ բանը կհասնի կառավարության աջակցությանը, իհարկե, մենք ամեն ջանք կգործադրենք՝ ի վերջո Գյումրիի աղետալի երկրաշարժի հետքերը վերացնելու համար»,– ասել է Փաշինյանը։Գյումրու նորընտիր քաղաքապետը շնորհակալություն է հայտնել վարչապետին ընդունելության համար և նշել, որ ամեն ինչ անելու են, որպեսզի օր առաջ Գյումրու հետ կապված խնդիրները լուծվեն:«Ունենք բազմաթիվ ծրագրեր ՎԶԵԲ-ի, սուբվենցիայի, նաև գործարանների հետ կապված: Մենք համապատասխան հողատարածքներ, ինչու չէ շինություններ կարող ենք հատկացնել, որի արդյունքում նոր աշխատատեղեր կստեղծվեն»,- ասել է Վարդգես Սամսոնյանը։Քաղաքապետը հավելել է, որ ՎԶԵԲ-ի ծրագրի շրջանակում լուսավորության համար նախատեսված է 6 մլն դոլար: Այսօր կայացած խորհրդակցության ընթացքում քննարկել են այդ միջոցները Գյումրու 58-րդ թաղամասի ընդհանուր բարեկարգմանը, ասֆալտապատմանը և լուսավորությանն ուղղորդելու հնարավորությունը:«Նաև սուբվենցիոն ծրագրերից ազատ միջոցներ կան, որոնք կրկին փորձելու ենք ուղղորդել փողոցաշինության աշխատանքների վրա: ՎԶԵԲ-ի և սուբվենցիոն ծրագրերի պարագայում կունենանք բարեկարգ փողոցներ»,- ասել է քաղաքապետը:Փոխքաղաքապետ Դավիթ Առուշանյանն իր հերթին նշել է, որ Գյումրիի քաղաքապետարանում սկսելու են աշխատանքների ծրագրավորման, ավտոմատացման բարեփոխումներ:Հանդիպման ընթացքում քննարկվել են Գյումրիում տարբեր ոլորտներում առաջիկայում նախատեսվող ծրագրերին վերաբերող հարցեր:Հիշեցնենք` հոկտեմբերի 17-ին Գյումրիում անցկացված ՏԻՄ ընտրություններում անցողիկ շեմը հաղթահարել էին 5 ուժ՝ «Բալասանյան» դաշինքը՝ 9637 քվե (36,59%), «Քաղաքացիական պայմանագիր» կուսակցությունը՝ 7785 քվե (29,56 %), «Զարթոնք» կուսակցությունը՝ 2793 քվե (10,60%), «Ապրելու երկիր» կուսակցությունը՝ 1489 քվե (5,65%), Հայաստանի հանրապետական կուսակցությունը՝ 1333 քվե (5,06%):Նրանցից որևէ մեկը միանձնյա քաղաքային իշխանություն ձևավորել չէր կարող, քանի որ ստացած քվեների համաձայն` ավագանու 33 տեղերի կեսից ավելին՝ 17 մանդատ, որևէ ուժի բաժին չէր հասել։Այդ պատճառով էլ ՔՊ–ն ու «Բալասանյան» դաշինքը համագործակցության հուշագիր էին ստորագրել։«Բալասանյան դաշինք» սոցիալական կուսակցության առաջնորդ Վարդգես Սամսոնյանը նոյեմբերի 4-ին պաշտոնապես ստանձնեց Գյումրու քաղաքապետի պաշտոնը:

https://arm.sputniknews.ru/20211230/lav-e-vor-nvor-qaghaqapety-hin-tgheqicagjumru-qaghaqapetaranum-pargevatrumner-ein-37039626.html

https://arm.sputniknews.ru/20211207/es-inqs-tnakum-em-aprel-gjumrii-qaghaqapety-erkrasharzhi-u-bnakaranashinutjan-masin-36083926.html

գյումրի

2022

Լուրեր

am_HY

հայաստան, նիկոլ փաշինյան, գյումրի, երկրաշարժ, վարդգես սամսոնյան