https://arm.sputniknews.ru/20220114/datakhazutjuny-dimel-e-dataran-nakhkin-nakharari-aporini-gujqy-brnagandzelu-pahanjvov-37546384.html

Դատախազությունը դիմել է դատարան նախկին նախարարի ապօրինի գույքը բռնագանձելու պահանջով

Դատախազությունը դիմել է դատարան նախկին նախարարի ապօրինի գույքը բռնագանձելու պահանջով

Sputnik Արմենիա

Դատախազությունը հրապարակել է Արամ Հարությունյանին պատկանող անօրինական գույքի ու գումարների ցանկը։ 14.01.2022, Sputnik Արմենիա

2022-01-14T19:04+0400

2022-01-14T19:04+0400

2022-01-14T19:20+0400

կոռուպցիա

հակակոռուպցիոն կոմիտե

գույք

արամ հարությունյան

հետախուզում

https://cdn.am.sputniknews.ru/img/1105/58/11055873_0:69:1600:969_1920x0_80_0_0_bdabcdf40cca6fc7fed2808700fb18a6.jpg

ԵՐԵՎԱՆ, 14 հունվարի – Sputnik. ՀՀ գլխավոր դատախազությունը դիմել է դատարան` ՀՀ բնապահպանության նախկին նախարար Արամ Հարությունյանի ու նրա հետ փոխկապակցված 2 անձանց ապօրինի ծագում ունեցող գույքը բռնագանձելու պահանջով։Ինչպես հայտնում են դատախազությունից, պահանջում մասնավորապես հիշատակվում են.• Երևանում գտնվող 2 բնակարաններ, 1 բնակելի տուն, 1 հյուրանաոցառեստորանային համալիր, 1 ավտոտնակ, Արագածոտնի և Գեղարքունիքի մարզերում գտնվող 2 հողամասեր, որոնց միջին շուկայական արժեքն ավելի քան 2 մլրդ 500 միլիոն դրամ է, Երևանի քաղաքապետարանում շարունակվում է կոռուպցիոն երևույթների դրսևորումը. Արմեն Գալջյան• 3 բաժնետիրական ընկերությունների բաժնետոմսեր, որոնցից միայն մեկ ընկերության անշարժ գույքի շուկայական արժեքը կազմում է ավելի քան 8․166․400․000 ՀՀ դրամ,• բանկում ներդրված 1․661․628 ԱՄՆ դոլար ավանդ, 4․391․805․299 ՀՀ դրամ ապօրինի դրամական միջոցների մնացորդ, ինչպես նաև 272․975․855 մլն ՀՀ դրամ, որը չի հիմնավորվում անձի օրինական եկամուտներով, ունի ապօրինի ծագում:Հիշեցնենք` հունվարի 13-ին ՀՀ հակակոռուպցիոն կոմիտեն հայտարարեց, որ ավարտվել է բնապահպանության նախկին նախարար Արամ Հարությունյանի կողմից 14 մլն ԱՄՆ դոլար կաշառք ստանալու, փողերի լվացման և կոռուպցիոն բնույթի այլ չարաշահումների փաստերով քննված քրեական գործը։Գործի նախաքննությամբ բացահայտվել էր, որ կոռուպցիոն բնույթի չարաշահումներում ներգրավված են եղել նաև ՀՀ ԱԺ նախկին պատգամավոր Ալեքսան Պետրոսյանը, նախարարության ենթակայությամբ գործող ՊՈԱԿ-ի տնօրենի նախկին տեղակալ Սուրեն Ավագյանը, Սևանի հոգեբուժարանի նախկին տնօրեն Գագիկ Կարապետյանը, ինչպես նաև Արամ Հարությունյանի մտերիմ այլ անձինք` Արաքս Դիլանյանն ու Վիկտոր Մարտիրոսյանը:Պարզվել է, որ, 2007թ. հունիսի 8-ից զբաղեցնելով ՀՀ բնապահպանության նախարարի պաշտոնը, Արամ Հարությունյանը գործարար Սիլվա Համբարձումյանից 14 մլն ԱՄՆ դոլար կաշառք է պահանջել` նրան հանքերի շահագործման թույլտվություն տալու դիմաց։2008թ. հունվար-նոյեմբեր ամիսներին Հարությունյանը Սուրեն Ավագյանի միջոցով գործարար տիկնոջից ստացել է 6 մլն ԱՄՆ դոլար կաշառք:Կաշառքի մնացած 8 մլն ԱՄՆ դոլարը Արամ Հարությունյանն իր մտերիմների օժանդակությամբ ստացել է Արաբական Միացյալ Էմիրություններում բացված տարբեր հաշվեհամարներին փոխանցումների եղանակով: Այնուհետև այդ գումարը փոխանցվել է Հարությունյանի մտերիմների` Գագիկ Կարապետյանի, Արմեն Խաչատրյանի և Վիկտոր Մարտիրոսյանի հաշվեհամարներին: Լոռու ԴԱՀԿ աշխատակիցները կաշառք են վերցրել, 3-ը կալանավորել են. ԱԱԾ-ի բացահայտումըՀարությունյանի պահանջով նրա մտերիմները մեկնել են ԱՄԷ, որտեղ գումարների մի մասը կանխիկացրել են, իսկ 3 մլն դոլարը փոխանցել Հարությունյանի և նրա կնոջ` Հասմիկ Աբգարյանի` Աբու Դաբի քաղաքի Ազգային բանկում բացված համատեղ հաշվեհամարին:Դրանից հետո Հարությունյանն ինքն է մեկնել ԱՄԷ ու կաշառք ստացած գումարը կանխիկացրել տարբեր բանկային գործողությունների միջոցով։Արամ Հարությունյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով (Կազմակերպված խմբի կողմից խոշոր չափով կաշառք ստանալը), 190-րդ հոդվածի 3-րդ մասի 1-ին կետով (Հանցավոր ճանապարհով ստացված եկամուտներն օրինականացնելը (փողերի լվացումը) և 308-րդ հոդվածի 2-րդ մասով (Պաշտոնեական լիազորությունները չարաշահելը):Գագիկ Կարապետյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով, 190-րդ հոդվածի 3-րդ մասի 1-ին կետով և 329-րդ հոդվածի 1-ին մասով (Պետական սահմանն ապօրինի հատելը):Սուրեն Ավագյանին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով:Հաշվի առնելով, որ վերջինները խուսափել են քրեական վարույթին մասնակցելուց, վարույթն իրականացվել է հեռակա։Արամ Հարությունյանի, Սուրեն Ավագյանի ու Գագիկ Կարապետյանի նկատմամբ խափանման միջոց է ընտրվել կալանավորումը: Նրանց պատկանող 30 մլն ԱՄՆ դոլարի չափով գույքի ու դրամական միջոցների վրա արգելանք է դրվել: Հակակոռուպցիոն կոմիտեում քրգործ է հարուցվել ՀՌՀ-ում հնարավոր չարաշահումների դեպքովՆախկին նախարարի հետ փոխկապակցված Արաքս Դիլանյանի ու Վիկտոր Մարտիրոսյանի մասով նախաքննությունը շարունակվում է։Հավելենք, որ Արամ Հարությունյանի նկատմամբ հետախուզում է հայտարարվել 2019-ի հունվարին։

https://arm.sputniknews.ru/20211103/heriq-chi-dzer-vakhery-cucadreq-tatojany-dimel-e-korupciaji-kankhargelman-handznazhoghov-34944078.html

https://arm.sputniknews.ru/20211025/khvoshvor-kasharq-gerezmani-taratsqi-hamar-gerezmanatan-varichn-u-hskichy-kalanavvorvel-en-34637019.html

2022

Լուրեր

am_HY

կոռուպցիա, հակակոռուպցիոն կոմիտե, գույք, արամ հարությունյան, հետախուզում