https://arm.sputniknews.ru/20220113/hh-agnn-turqiaji-het-divanagitakan-haraberutjun-hastatelu-aknkaliq-uni-hunanjan-37489759.html
ՀՀ ԱԳՆ–ն Թուրքիայի հետ դիվանագիտական հարաբերություն հաստատելու ակնկալիք ունի. Հունանյան
ՀՀ ԱԳՆ–ն Թուրքիայի հետ դիվանագիտական հարաբերություն հաստատելու ակնկալիք ունի. Հունանյան
Sputnik Արմենիա
ԱԳՆ մամուլի խոսնակը նշել է, որ Թուրքիայի հետ հարաբերությունների կարգավորման հարցում Հայաստանի մոտեցումը չի փոխվել։ 13.01.2022, Sputnik Արմենիա
2022-01-13T16:39+0400
2022-01-13T16:39+0400
2022-01-13T16:41+0400
հայաստան
թուրքիա
վահան հունանյան
https://cdn.am.sputniknews.ru/img/07e5/0a/08/34077941_0:33:1600:934_1920x0_80_0_0_b516efc0147a7bdc0a6919e06add040b.jpg
ԵՐԵՎԱՆ, 13 հունվարի – Sputnik. ՀՀ արտաքին գործերի նախարարության մամուլի քարտուղար Վահան Հունանյանի տպավորությամբ` Թուրքիան կիսում է Հայաստանի հետ առանց նախապայմանի երկխոսություն սկսելու մոտեցումը։ Հունանյանը նման կարծիք է հայտնել` Հայաստանի և Թուրքիայի հատուկ ներկայացուցիչների՝ հունվարի 14-ին ծրագրված առաջին հանդիպմանն ընդառաջ պատասխանելով «Արմենպրեսի» հարցերին։Դիտարկմանը, թե կան կարծիքներ, որ համաձայնելով Թուրքիայի հետ երկխոսություն սկսելուն՝ Հայաստանն արդեն իսկ ընդունել է նախապայմանները, որոնք Թուրքիան միշտ առաջ է քաշել, Հունանյանն արձագանքել է`ՀՀ-ն մշտապես հայտարարել է, որ պատրաստ է Թուրքիայի հետ հարաբերությունների կարգավորմանը՝ առանց որևէ նախապայմանի: Այս առումով Հայաստանի մոտեցումը որևէ փոփոխություն չի կրել՝ նույն դիրքորոշումն արտացոլված է նաև ՀՀ կառավարության 2021-2026թթ. ծրագրում:Ինչ իսկ վերաբերում է հունվարի 14-ին Մոսկվայում նախատեսված հանդիպմանը, ԱԳՆ մամուլի խոսնակը նշել է, որ Հայաստանի և Թուրքիայի հատուկ ներկայացուցիչների հանդիպումը Մոսկվայում տեղի է ունենալու ռուսական կողմի հյուրընկալությամբ։Նրա խոսքով` ըստ էության, այս առաջին հանդիպումը կրելու է ճանաչողական բնույթ, ուստի դժվար է ակնկալել, որ մեկ հանդիպման արդյունքում հնարավոր կլինի ունենալ շոշափելի արդյունքներ։ Սակայն դրանով կտրվի գործընթացի մեկնարկը։Հիշեցնենք` Հայաստանի և Թուրքիայի միջև դիվանագիտական հարաբերություններ չկան. 2009 թվականին Ցյուրիխում երկու երկրների արտգործնախարարները դիվանագիտական հարաբերություններ հաստատելու մասին արձանագրություններ ստորագրեցին, սակայն այդ փաստաթղթերն այդպես էլ չվավերացվեցին։Թուրքիայի արտգործնախարար Մևլութ Չավուշօղլուն դեկտեմբերի 13-ին հայտարարեց, որ Անկարան ու Երևանը հարաբերությունների կարգավորման համար հատուկ ներկայացուցիչներ կնշանակվեն։ Հաջորդ օրը Հայաստանի ԱԳՆ մամուլի խոսնակը հաստատեց այդ տեղեկությունը։Թուրքական կողմի ներկայացուցիչը կլինի ԱՄՆ-ում Թուրքիայի նախկին դեսպան Սերդար Քըլըչը, հայկական կողմինը` ԱԺ փոխնախագահ Ռուբեն Ռուբինյանը։
https://arm.sputniknews.ru/20220107/erb-e-hnaravvor-turqiaji-het-lav-haraberutjunner-unenal-turqagety-handipman-masin-37266910.html
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2022
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, թուրքիա, վահան հունանյան
հայաստան, թուրքիա, վահան հունանյան
ՀՀ ԱԳՆ–ն Թուրքիայի հետ դիվանագիտական հարաբերություն հաստատելու ակնկալիք ունի. Հունանյան
16:39 13.01.2022 (Թարմացված է: 16:41 13.01.2022) ԱԳՆ մամուլի խոսնակը նշել է, որ Թուրքիայի հետ հարաբերությունների կարգավորման հարցում Հայաստանի մոտեցումը չի փոխվել։
ԵՐԵՎԱՆ, 13 հունվարի – Sputnik. ՀՀ արտաքին գործերի նախարարության մամուլի քարտուղար Վահան Հունանյանի տպավորությամբ` Թուրքիան կիսում է Հայաստանի հետ առանց նախապայմանի երկխոսություն սկսելու մոտեցումը։ Հունանյանը նման կարծիք է հայտնել` Հայաստանի և Թուրքիայի հատուկ ներկայացուցիչների՝ հունվարի 14-ին ծրագրված
առաջին հանդիպմանն ընդառաջ պատասխանելով «
Արմենպրեսի» հարցերին։
«Հայաստանի ակնկալիքները Թուրքիայի հետ երկխոսությունից, ըստ էության, նույնն են, ինչ եղել են 1990-ականների սկզբներից ի վեր։ Ակնկալում ենք, որ գործընթացի արդյունքում Հայաստանի և Թուրքիայի միջև դիվանագիտական հարաբերություններ կհաստատվեն, և երկու երկրների միջև սահմանը, որը Թուրքիայի կողմից միակողմանիորեն փակվել էր 90-ականների սկզբին, կբացվի»,–ասել է Հունանյանը։
Դիտարկմանը, թե կան կարծիքներ, որ համաձայնելով Թուրքիայի հետ երկխոսություն սկսելուն՝ Հայաստանն արդեն իսկ ընդունել է նախապայմանները, որոնք Թուրքիան միշտ առաջ է քաշել, Հունանյանն արձագանքել է`ՀՀ-ն մշտապես հայտարարել է, որ պատրաստ է Թուրքիայի հետ հարաբերությունների կարգավորմանը՝ առանց որևէ նախապայմանի: Այս առումով Հայաստանի մոտեցումը որևէ փոփոխություն չի կրել՝ նույն դիրքորոշումն արտացոլված է նաև ՀՀ կառավարության 2021-2026թթ. ծրագրում:
Ինչ իսկ վերաբերում է հունվարի 14-ին Մոսկվայում նախատեսված հանդիպմանը, ԱԳՆ մամուլի խոսնակը նշել է, որ Հայաստանի և Թուրքիայի հատուկ ներկայացուցիչների հանդիպումը Մոսկվայում տեղի է ունենալու ռուսական կողմի հյուրընկալությամբ։
Նրա խոսքով` ըստ էության, այս առաջին հանդիպումը կրելու է ճանաչողական բնույթ, ուստի դժվար է ակնկալել, որ մեկ հանդիպման արդյունքում հնարավոր կլինի ունենալ շոշափելի արդյունքներ։ Սակայն դրանով կտրվի գործընթացի մեկնարկը։
Հիշեցնենք` Հայաստանի և Թուրքիայի միջև դիվանագիտական հարաբերություններ չկան. 2009 թվականին Ցյուրիխում երկու երկրների արտգործնախարարները դիվանագիտական հարաբերություններ հաստատելու մասին արձանագրություններ ստորագրեցին, սակայն այդ փաստաթղթերն այդպես էլ չվավերացվեցին։
Թուրքիայի արտգործնախարար Մևլութ Չավուշօղլուն դեկտեմբերի 13-ին
հայտարարեց, որ Անկարան ու Երևանը հարաբերությունների կարգավորման համար հատուկ ներկայացուցիչներ կնշանակվեն։ Հաջորդ օրը
Հայաստանի ԱԳՆ մամուլի խոսնակը հաստատեց այդ տեղեկությունը։
Թուրքական կողմի ներկայացուցիչը կլինի ԱՄՆ-ում Թուրքիայի նախկին դեսպան Սերդար Քըլըչը, հայկական կողմինը` ԱԺ փոխնախագահ Ռուբեն Ռուբինյանը։
