https://arm.sputniknews.ru/20220113/adrbejani-nakhagahy-minski-khmbi-hamanakhagahnerin-ugharkec-tvoshaki-37502092.html

Ադրբեջանի նախագահը Մինսկի խմբի համանախագահներին «ուղարկեց թոշակի»

Ադրբեջանի նախագահը Մինսկի խմբի համանախագահներին «ուղարկեց թոշակի»

Sputnik Արմենիա

«Հայացք» կիրառական քաղաքականության և հետազոտությունների վերլուծական կենտրոնի տնօրեն Աննա Կարապետյանը Sputnik Արմենայի եթերում անդրադարձել է արցախյան խնդրի... 13.01.2022, Sputnik Արմենիա

2022-01-13T20:17+0400

2022-01-13T20:17+0400

2022-01-13T20:17+0400

ռադիո

ադրբեջան

իլհամ ալիև

եահկ մինսկի խումբ

ղարաբաղյան հակամարտություն

հայ-ադրբեջանական

ադրբեջանական ագրեսիան արցախում - 2020

պոդկաստ

https://cdn.am.sputniknews.ru/img/07e6/01/0d/37501890_0:0:3039:1709_1920x0_80_0_0_b68f568af1e5b2d8d5aaadff8695ba1c.jpg

Երբ ԵԱՀԿ գործող նախագահի հայտարարությունը տեղադրվեց կազմակերպության պաշտոնական կայքում, «Լեռնային Ղարաբաղի շուրջ վեճ» ձևակերպումը հանվեց տեքստից։ ԵԱՀԿ–ն աստիճանաբար տրանսֆորմացնում է արցախյան հարցի վերաբերյալ իր մոտեցումները և փորձում է գտնել այնպիսի ձևակերպումներ կամ գործունեության այնպիսի դաշտ, որը չի առաջացնում կողմերի հակազդեցությունը։ Sputnik Արմենիայի հետ զրույցում այս մասին ասաց վերլուծաբան Աննա Կարապետյանը։«Այսօր հիմնական հակազդող կողմն Ադրբեջանն է, որպեսզի խոսվի արցախյան հակամարտության կարգավորման մասին, և արվել են մի շարք հայտարարություններ 2020 թվականի նոյեմբերից հետո, իսկ վերջինը Ալիևի կողմից հնչեց երեկ, որը պարունակում էր անհարգալից ձևակերպումներ համանախագահության հասցեին։ Ադրբեջանի նախագահը նրանց նույնիսկ «ուղարկեց թոշակի»` ասելով, որ պետք է մտածեն այն մասին, թե ինչով զբաղվեն, որ հակամարտություն չկա և արցախյան խնդրի կարգավորման մասին խոսելն ընդհանրապես տեղին չէ»,– ասաց «Հայացք» կիրառական քաղաքականության և հետազոտությունների վերլուծական կենտրոնի տնօրենը։Կարապետյանի դիտարկմամբ` հայկական կողմից այդ ամենին, ըստ էության, որևէ հակազդեցություն չկա։ Մասնավորապես Ալիևի երեկվա հայտարարության վերաբերյալ Փաշինյանի կողմից որևէ արձագանք չեղավ և ՀՀ կառավարության նիստում ընդամենը մեկ մտահոգություն արտահայտող ձևակերպումը շատ դժվար է համարժեք արձագանք համարել։Վերլուծաբանի կարծիքով` ստեղծված իրավիճակում ԵԱՀԿ–ն իր հերթին փորձում է չդադարեցնել իր գործունեությունը հիմնախնդրի կարգավորման առնչությամբ, փորձում է գտնել մոտեցումներ, որոնք ընդունելի կլինեն կողմերի համար, բայցևայնպես, սկսում է ընդառաջել Ադրբեջանի ագրեսիվ քաղաքականությանը` գնալով այնպիսի ձևակերպումների, որոնք աստիճանաբար ավելի են մոտենում Ալիևի հայտարարություններին ու նրա կողմից առաջ մղվող տրամաբանությանը։Ըստ վերլուծաբանի` ՀՀ վարչապետ Նիկոլ Փաշինյանն ինքն էլ իր ձևակերպումներով դառնում է Ադրբեջանի շահը սպասարկողը, քանի որ վերջին ասուլիսի ընթացքում արեց այնպիսի հայտարարություններ, որոնք ադրբեջանական կողմը նույնիսկ միջնորդների ներկայությամբ երբևէ չէր համարձակվի անել։ Փաշինյանը շատ լուրջ հարված է հասցնում անգամ ապագայում հայկական կողմի դիրքերին և հայկական շահերն առաջ մղելու հնարավորություններին։Նշենք, որ ԵԱՀԿ գործող նախագահ Զբիգնև Ռաուն հանդես է եկել հայտարարությամբ, որով կոչ է անում Ադրբեջանին և Հայաստանին զերծ մնալ ուժի կիրառումից և բովանդակալից երկխոսության մեջ մտնել Լեռնային Ղարաբաղի շուրջ վեճը լուծելու համար։

https://arm.sputniknews.ru/20211215/tatvojany-eahk-gvortsvogh-nakhagahin-ev-minski-khmbi-hamanakhagahnerin-hatuk-zekujc-e-ugharkel-36504241.html

https://arm.sputniknews.ru/20220112/eahkn-hajastanin-ev-adrbejanin-hvordvorum-e-zerts-mnal-uzhi-kirarumic--37418988.html

ադրբեջան

2022

Լուրեր

am_HY

ադրբեջան, իլհամ ալիև, եահկ մինսկի խումբ, ղարաբաղյան հակամարտություն, հայ-ադրբեջանական, ադրբեջանական ագրեսիան արցախում - 2020, պոդկաստ